M̧ōttan ko Rem̧m̧an jān M̧ōttan eo Kein Kajuon in 191 Kweilo̧k eo Eļap

Jibadbad eo an kweilo̧k eo eļap, ekar kōm̧m̧an ilo weekend in Ijtō eo, ekar Rilo̧mo̧o̧r Jisōs Kraist, kōkajoorļo̧k membōr ro, im jekjek in Kabun̄ in aolepān laļ in.

• Peij 6: Ilo naan in kōppeļo̧k ko an, Būreejtōn Russell M. Nelson ekar ba, “Jej kobatok āinwōt juon baam̧le eļap peļaakin laļ in n̄an kabun̄jar n̄an Irooj im Rilo̧mo̧o̧r, Jisōs Kraist.” Ekar kwaļo̧k bwe “kajoor eo an Kabun̄ in ej pād ilo jerbal in kijejeto ko im naan in kam̧ool ko rekajoor an membōr ro an.” Ilo aolepān kweilo̧k eo, kijejeto ko an ritōl ro an Kabun̄ n̄an kōkajoorļo̧k kajjojo membōr ro ekar alikkar.

• Peij 79: Ilo m̧wen̄an eo an priesthood, Būreejtōn Nelson ekar katakin ekōjkan ad maron̄ kōm̧mane im̧ōko im̧ōd ren jikin ko rekwojarjar, “dilepin ekkatak gospel eo im mour kōn gospel,” jekdo̧o̧n ālkin an ajeded in nan̄inmej eo jem̧ļo̧k.

• Peij 101: Ilo ennaan eo an ilo jibbon̄ in Jabōt eo, Būreejtōn Nelson ekar kalikkare bwe en̄in ej juon kabun̄ aolepān in laļ in kōn juon gospel kar wōt n̄an aolep armej: “Kiiō jibbon̄, jekar ron̄ jān ritōl ro an Kabun̄ in me rej itok jān aolep laļ ko elōn̄ armej ro ie ioon laļ in. Em̧ool, kōjeraam̧m̧an ko an gospel eo rej n̄an aolep kūl, kajin, im armej. Kabun̄ eo an Jisōs Kraist ej juon kabun̄ ipeļaaking laļ in. Jisōs Kraist ej ad ritōl.”

• Peij 127: Ilo kakkobaba, kijejeto eo n̄an kōkajoorļo̧k membōr ro ekar kwaļo̧ke ilo kōjjeļļā eo kōn 20 tampeļ ko rekāāl. “Jej kōņaan bōktok m̧weo im̧ōn Irooj em̧ool epaaktok n̄an membōr ro ad,” Būreejtōn Nelson ekar ba ilo naan in ikkilōk eo an. Ekar juon oran tampeļ ko kar kōjjeļļā kaki jān kar 1998 eo ke Būreejtōn Gordon B. Hinckley ekar kōjjeļļā kōn 32 tampeļ ko, kōppeļļo̧k juon tōre ekāāl an kajeded tampeļ.

• Peij139: Kōn eļapļo̧k waanjon̄ak ko kōn ekōjkan an kappukōt Kabun̄ in kōkajoorļo̧k aolep ajri ro nejin Anij, lale men ko raorōk kōn oran būroojāāk in humanitarian kar kadedeļo̧k ilo 2020.