Eddōkļo̧k In Tampeļ Ej Wōnm̧aanļo̧k Wōt

Ilo ennaan in ikkilōk ko an ilo kweilo̧k eo eļap, Būreejtōn Russell M. Nelson ekar kōjjeļļā kōn karōk ko n̄an kalōk 20 tampeļ ko rekāāl ilo aolepān laļ in (lale peij 127). Oran eo eutiej kar m̧oktaļo̧k kōn tampeļ ko kar kōjjeļļā kaki ilo juon iien ekar 12 tampeļ ko kar kōjjeļļā kake jān Būreejtōn Nelson ilo Oktoba 7, 2018 eo.

Būreejtōn Gordon B. Hinckley ekar kōjjeļā kōn karōk ko n̄an kalōk jon̄an lōn̄ in tampeļ ko rekāāl 32 ilo Eprōļ in 1998 kweilo̧k eo eļap bōtaab ekar jab kōllaajrak jikin ko.

Jān ke ekar erom Būreejtōn an Kabun̄ in ilo 2018 eo, Būreejtōn Nelson ekar kōjjeļļā kōn ekkal eo an 69 tampeļ ko. Ekar kōjjeļļā kōn 19 tampeļ ko ilo iiō jab eo, 16 ilo 2019 eo, im 14 ilo 2020 eo. Ewōr 43 tampeļ ko kiiō rej pād ilo aer ekkal ak bar kōkāāl, im mekarta ajeded in nan̄inmej eo, kar rupe bwidej n̄an 21 tampeļ ko rekāāl ilo 2020. Kabun̄ in kiiō ekar kōjjeļļā kōn 251 tampeļ ko, rej ekkal wōt, ak rej jerbal.

Ilo kakobaba n̄an kōjjeļļā eo kōn tampeļ, Būreejtōn Nelson ekar kōllaajrak emān lelkan ko n̄an bar kōppeļļo̧k tampeļ ko ilo an dikļo̧k ajede in nan̄inmej eo.