Māākjiin ko Rej Tōpar Aikuj ko an Laļ in

Men ko kar kobaik ippān doon āinwōt jilu māākjiin ko an aolepān laļ in ej jino ilo Jānwōde in 2021. Māākjiin ko an Kabun̄ in rej kwaļo̧k ennaan ko jān ritōl ro an Kabun̄ in me rej “jetjet im ilo iien eo ejetjet,” ekkar n̄an Elder Quentin L. Cook jān Doulul eo an Jon̄oulruo Rijilōk ro. Māākjiin ko rekāāl n̄an ajri ro, jodikdik ro, im rūttto ro “ewōr juon kajoor ilo jetōb im katak,” ekar ba. Unin kōnono kko rej rie Itok, Ļoor Eō laajrak in kein katak im jerbal ko jet raorōk.

“Māākjiin ko an Kabun̄ in rej juon kein jipan̄ aorōk n̄an ekkatak kōn gospel eo an Jisōs Kraist im en̄jake juon en̄jake an uwaan ilo Kabun̄ eo An,” Būreejtōnji eo Kein Kajuon ekar ba ilo juon leta kōjjeļļā kōn māākjiin ko rekāāl. “Ikdeleel eo ad ej bwe membōr ro ilo aolep jikin renaaj wia im wōnm̧aeik im̧we in me ej kōkajoorļo̧k tōmak n̄an būruweer im m̧ōko im̧ōer.”

Liaona Eo, n̄an rūtto ro; N̄an Kōkajoorļo̧k Jodikdik ro, n̄an rūm̧m̧an ded ro; im eo Jerā, n̄an ajri ro, kiiō ekapidodoik n̄an:

Baam̧le ko ilo enan̄in 150 laļ ko ewōr aer iien em̧m̧an n̄an wia māākjin ko eļap tata n̄an ajri ro im jodikdik ro.
Māākjiin ko repojak in ikutkut aer waļo̧k ilo jet eria ko im kajin ko.
Membōr ro rej bōk juon ennaan in kakutok ejjelok oktak jān māākjiin aolepān laļ in.
Bwebwenato ko ilo māākjin ko rej pād jim̧or ilo jekjek in digital im būrin.

Ritōl ro ijo jokwe ie rej kōketak er n̄an leļo̧k n̄an riokta ro rekāāl kōn juon ilo wiaik juon iiō māākjiin eo ejetjet n̄an dettan iiō eo im n̄an laļo̧k M̧ōttam̧ ak N̄an Kōkajoor Jodikdik ro wia kake n̄an kajjojo ajri ro ak joodikdik ro ilo aer jab etal n̄an jar ilo an ejjeļo̧k jinier im jemeer.¹