Elder Michael A. Dunn

Ritōl Eutiej Jiljilimjuonn̄oul an Kabun̄ in

Ro jinen im jemān Elder Michael A. Dunn raar jepel ke ekar juon ajri jidikdik, bōtaab ke jinen ekar karūttoļo̧k e, liin ekar likūt ilo e juon tōmak ekajoor im aorōk ko. Ālkin an etal n̄an juon private Episcopal jikuuļ ilo Salt Lake City, Utah, USA, ekar em̧m̧akūtļo̧k n̄an juon public high school, ijo ekar ioon membōr ro an Kabun̄ eo an Jisōs Kraist im Armej ro Rekwojarjar ilo Raan Ko Āliktata.

Ke ro m̧ōtttan rekāāl im ro jinier im jemāer raar karuwaineneik e kōn pā ko peier repeļļo̧k, Michael ekar ikdeelel n̄an ekkatak kōn Kabun̄ in. Āliktata ekar kālet n̄an ioon mijenede ro. Katak ko aer kōn Doulul in Anij im Visōn eo M̧oktata an Josep Smith “ekar kajoor kilan ilo e,” ekar ba.

Kōn jar ekar jeļā bwe gospel eo ekar m̧ool im ekar peptaij ilo senior iiō eo an ilo high school. Jān iien eo, Elder Dunn kar “najidik e jān ritōl ro ejej uwaer.”

Ekar barāinwōt kile kōjparok eo an Jemedwōj Ilan̄ im Rilo̧mo̧o̧r eo ilo aolepān mour eo an. “Ij juon rittōmak,” Elder Dunn ekar ba. “Ij jeraam̧m̧an n̄an erom juon rikam̧ool kōn Jisōs Kraist im kwaļo̧k kōn mour eo An, em̧m̧an eo An, gospel eo An kar kōjepļaaktok rainin.”

Michael Austin Dunn ekar ļotak ilo M̧aaj 5, 1958 eo, n̄an Patricia im James R. Dunn ilo Tucson, Arizona, USA. Ekar rūttoļo̧k ilo Salt Lake City. Ālkin jerbale juon mijen aolep raan ilo Hawaii Honolulu Mijen, ekar m̧areik Linda Virginia Poulson ilo 1980 eo ilo Salt Lake Tampeļ. Ewōr jilu nejier ajri ro.

Elder Dunn ekar bōk bachelor degree eo an ilo mass communication ilo 1981 eo, im juon master degree ilo communication ilo 2008 eo, jim̧or jān University of Utah. Ekar general manager eo an KUED (PBS, Utah), būreejtōn eo an Dunn Communications Inc., eo im kiiō epaak, managing director eo an BYUtv im BYU Radio.

Elder Dunn, ekar jerbal āinwōt juon Eria Jiljilimjuonn̄oul ilo iien eo kūr eo an, ekar jerbal āinwōt juon bisop, rikakpilōklōk ilo bisoprik, stake būreejtōn, būreejtōn an Doulul eo an Likao ro ilo ward, high ko̧o̧njeļōr, im mijen būreejtōn an South Africa Johannesburg Mijen eo jān 2014 n̄an 2017.