M̧akūtkūt Ko Ilo Intōnet Rej Ejake Bōro Kuk

M̧akūtkū ko ilo intōnet rekar ejake elōn̄ iien ko rem̧m̧an n̄an ro uwaan Kabun̄ in n̄an en̄jake bōro kuk ilo jibadbad ko an gospel eo im meļeļe.

Jeran n̄an Jeran

Kar bōk eddoier jān Būreejtōnji eo Eutiej an Būraimere, m̧akūtkūt in n̄an ajri ro, ro jinier im jemāer, im ritōl ro kar kōm̧m̧ane jān juon ļaddik im juon leddik rej kōnono kajin ko aer ilo English, Spanish, ak Portuge. Ajri ro jet kar kwaļo̧k riboot ko jān aolepān laļ in. Iien eo ekar koba bwebwenato ko ilo pija in alooj ko kōn Jisōs Kraist, juon ennaan n̄an ajri ro jān Būreejtōn Russell M. Nelson, juon iien intōrpiu kōn bujen peptaij ko ippān Elder Ulisses Soares jān Doulul eo an Jon̄oulruo Rijilōk ro, im iien ekōnono ko ippān Būreejtōnji eo Eutiej an Būraimere. Ekar barāinwōt koba katak ko kōn pija, m̧akūtkūt in art ko, im al. M̧akūtkūt eo ekar ukook im epād n̄an alooje ilo elōn̄ļo̧k kajin ko. Enaaj barāinwōt wōr ilo pija ko rekkaduļo̧k n̄an kōjerbali ilo iien ekkatak gospel eo ilo m̧weo.

Iien Keemem e Doulul eo an Jiron̄ ro

Būreejtōnji eo an Doulul eo an Jiron̄ ro ekar bōk eddo in juon m̧akūtkūt ilo intōnet me ekar kakōļļeik 150th keemem in ejake eo an Doulul eo an Jiron̄ ro. Kar kadiwōjļo̧k ilo mejatoto ilo 11 kajin ko. Būreejtōn Nelson ekar kwaļo̧k juon ennaan kar rekoote, im ritōl ro an Doulul eo an Jiron̄ ro raar uwaaki kajjitōk ko ilo kajin English, Spanish, im Portugue. Jiron̄ ro ilo Norway im Thailand raar kōm̧m̧ani jar ko. Ilo 2020, jiron̄ ro ipeļaakin laļ in kar kōketak er n̄an kōm̧m̧ane 150 jerbal in jipan̄ ko.

RootsTech Ej Kobaik

Elōn̄ļo̧k jān juon milien ro raar ellowetak kōn menmenbwij an baam̧le kar koba ilo m̧akūtkūt an RootsTeach ilo intōnet ilo Pāpode 2021 eo. Ekar juon nōm̧ba eļap tata in ro raar bōk koņaer ilo ta eo ekar erom keemem eo eļap tata an menmenbwij an baam̧le ilo laļ in. RootsTech ekar jipan̄ ejake juon ļaiprāre in ekkatak ilo intōrnet me enaaj pād ilo aolepān iien in. Elder Jeffrey R. Holland jān Doulul eo an Jon̄oulruo Rijilōk ro im lio pāleen, Patricia, raar rikōnono ro iien eo n̄an Family Discovery Raan eo, eo ej juon m̧ōttan iien koba ippān doon eo aolep iiō.

M̧akūtkūt In Iien Al An Jodikdik Ro

M̧akūtkūt in iien al an Jodikdik ro ilo M̧aaj eo ekar pād rial ro rejeļā im naan in kam̧ool ko. Jodikdik ro jān New Zealand, Brazil, the Dominican Republic, Germany, South Africa, im Philippines raar lolorjake būrookraam̧ eo, eo ekar pedped ioon 2021 unin tōl eo an jodikdik ro an Kabun̄ in, “Juon Jerbal Eļap.” (lale Katak im Bujen Ko 64:33–34). Ilo kakobabaļo̧k n̄an al ko im ennaan ko pedped ioon-Kraist jān ro m̧ōttaer, jodikdik ro raar barāinwōt ron̄ jān Būreejtōn Nelson; Būreejtōn Bonnie H. Cordon, Būreejtōn eo Eutiej an Doulul eo an Jiron̄ ro; im Būreejtōn Steven J. Lund, Būreejtōn eo Eutiej an Doulul eo an Likao ro.

Iien ko Rem̧m̧an n̄an Kōrā ro

Būreejtōn Jean B. Bingham, Būreejtōn eo Eutiej an Doulul eo an Kōrā, ekar rikōnono eo eļap an kweilo̧k eo an International Women-in-Diplomacy Day Kar bōk eddo in jān honorary consul general eo an Republic eo an Senegal, juon m̧akūtkūt ilo intōrnet ekar kōm̧m̧an jān Los Angles, California, USA. Būreejtōn Bingham ekar jiron̄ ro ritōl ro an international business kar bōk koņaer im diplomat ro bwe jeļāļo̧kjeņ ej kii eo n̄an jeraam̧m̧an n̄an kōrā ro im leddik ro aolepān laļ in. Ekar kwaļo̧k waanjon̄ak ko an kōrā ro me rekar jeraam̧m̧an jān Gospel Literacy initiative eo an Kabun̄ in.

Iien Al ko an Kūrijm̧ōj

Ro uwaan Kabun̄ in im ro m̧ōttaer jān kabun̄ ko jet jān aolepān laļ in raar jilkinļo̧k pija in alooj in iien al ko aer an Kūrijm̧ōj me raar kōm̧m̧ani n̄an iien al ko im kadiwōjļo̧k eo ilo Churchofjesuschrist.org ilo aolepān tōre in iien Kūrijm̧ōj eo āinwōt m̧ōttan Light the World Christmas (Kōmeram Laļ in ilo Kūrijm̧ōj) aolep iiō.