Elder Alvin F. Meredith III

Ritōl Eutiej Jiljilimjuonn̄oul an Kabun̄ in

Ilo iiō eo āliktata an Alvin F. Meredith ilo high school ilo Tennessee, USA, ekar kālet e āinwōt athelete of the year an jikuuļ eo an jān juon kumi in rikkure rijikuuļ Kūrijin ro.

Ejjab to ālkin, kooj eo an ekar kile e bwe state leadership eo an kumi eo rekar joļo̧k e kōnke raar jab kile Kabun̄ eo an Jisōs Kraist im Armej ro Rekwojarjar ilo Raan Ko Āliktata āinwōt juon kabun̄ an Rikūrijin.

Kooj eo an, “juon Rikūrijin em̧m̧aan em̧m̧an,” ekar kajjitōk ippān doulul eo n̄an jilkinļo̧k juon n̄an jikuuļ eo n̄an kweilo̧k ippān rikkure ro reddik. Eo ej jutak ilo etan doulul eo ekar itok n̄an high school im kar kōmeļeļeik 10 un ko kōn katak ko me ekar en̄jake rekar kōbab laļ in jokāālet eo aer n̄an joļo̧k rikkure in Armej ro Rekwojarjar ilo Raan Ko Āliktata. Ilo an lo juon Baibōļ ilo pāāk eo an em̧m̧aan eo, Elder Meredith ekar kajjitōk eļan̄n̄e erro ruo remaron̄ etale jet eoon ko.

“Kōm kar lale kajjojo un ko 10 im kar etal n̄an Kronikel im Jemes im bok in Revelesōn im Korint,” Elder Meredith ekar ba. “Tōmak eo aō kar idajon̄jon̄e, im kōn kijeek eo me ekar idajon̄jon̄e, ekar kajoorļo̧k im ekar jab pere jān iien eo.”

Alvin Frazier “Trip” Meredith III ekar ļotak ilo Chattanooga, Tennessee, USA, ilo Juļae 22, 1970, n̄an Alvin im Mary Meredith. Ekar m̧areik Jennifer Denise Edgin ilo 1998 eo ilo Salt Lake Tampeļ. Ewōr jiljino nejier ajri ro.

Elder Meredith ekar kadiwōjļo̧k kōn juon bachelor degree kōn psychology jān Brigham Young University ilo 1994 eo im kar bōk master degree in business administration jān Uinversity of Chicago ilo 2001 eo. Ekar jerbal ippān GE Capital, Boston Consulting Group eo, im Asurion.

Āinwōt juon likao, Elder Meredith ekar jerbal ilo Utah Salt Lake City Mijen. Ilo iien kūr eo an āinwōt Ritōl Eutiej Jiljilimjuonn̄oul an Kabun̄ in, ekar jerbal āinwōt būreejtōn an Utah Salt Lake City South Mijen. Ekar barāinwōt jerbal āinwōt juon Eria Jiljilimjuonn̄oul, stake būreejtōn, rikakpilōklōk ilo juon mijen būreejtōnji, bisop, im rūkaki in Jabōt Jikuuļ.