Elder Alfred Kyungu

Ritōl Eutiej Jiljilimjuonn̄oul an Kabun̄ in

Ilo 1991 eo, Alfred Kyungu ekar 24 iiō dettan rijikuuļ ilo University of Lubumbashi ilo Democratic Republic of the Congo, mour ippān uncle eo an, Polydor Ngoy. Juon raan eo ulepān ekar jiron̄ e kōn juon iien ippān jet mijenede ro jān Kabun̄ eo an Jisōs Kraist im Armej ro Rekwojarjar ilo Raan Ko Āliktata.

“Lale kwar jerwane iien in em̧m̧an,” eo ulepān ekar jiron̄ e.

Ejjab to e im eo ulepān jim̧or raar kweilo̧k aolep iien ippān juon ripālele mijenede jān Utah. Ilo jinoin, Alfred ekar pere n̄an kobaļo̧k ilo juon kabun̄ ekāāl, jān ettoļo̧k. Ālkin jiljino allōn̄ ko kōn iien ekōnono ko im uwaak ko n̄an elōn̄ kajjitōk ko, mekarta, Alfred im eo ulepān raar peptaij ilo Jeptōm̧ba 21, 1991 eo.

Ilo jet wāween ko, kobatok ilo Kabun̄ in ekar juon oktak eo ejjab pidodo. Elōn̄ ilo jukjuk in pād eo raar pere kōn Kabun̄ in im kar ļōmņak eļan̄n̄e Armej ro Rekwojarjar ilo Raan Ko Āliktata raar kain kaņ rej bōk jeļā ak em̧ool Rikūrijin m̧ool. Jeraam̧m̧an, membōr ro an branch eo edik aer raar jouj im karuwainene. Elder Kyungu im eo ulipān raar bōk kajoor jān “kar katakin kōn pedped in katak ko kar katakin jān Jisōs Kraist.”

Elder Kyungu ekar m̧areik Lucie Kabulo Malale ilo 1998 eo. Raar liāp ilo Johannesburg South Africa Tampeļ ilo 2004 eo. Rej jinen im jemān ruo leddik im juon ļaddik.

Alfred Kyungu Kibamba ekar ļotak ilo Kamina, Democratice Republic of the Congo, ilo Oktoba 31, 1966 eo, n̄an Domitien Kyungu Nkimba im Celestine Nyoy Mbuyu.

Elder Kyungu ekar bōk jim̧or bachelor im master degree ko an ilo social science im international relations jān University of Lubumbashi. Ekar jerbal ilo jejjo jerbal ko ilo kien eo an Democratic Republic of Congo im n̄an Kabun̄ in āinwōt juon coordinator n̄an jemenere im institutes im āinwōt juon family history manager.

Juon Eria Jiljilimjuonn̄oul ilo iien kūr eo an, ekar barāinwōt jerbal āinwōt juon rūkaki in institute, rūkaki in ward Jabōt Jikuuļ, rikakpilōklōk ilo bisoprik, high ko̧o̧njeļōr, rikakpilōklōk ilo stake būreejtōnji, im būreejtōn an Democratic Republic of the Congo Mbuji-Mayi Mijen eo jān 2016 n̄an 2019 eo.