E Faafeiloai atu i Lenei Lomiga
O Amataga male Feagaiga Tuai
Keriso ma le Foafoaga, saunia e Robert T. Barrett
O le amataga o se tausaga fou, lea e foliga mai o se taimi sili ona talafeagai e mafaufau ai e uiga i amataga.
O le tausaga lenei, o le a ave ai i tatou e le Feagaiga Tuai ma le Penina Tau Tele i se maimoaga o nisi o amataga sili ona taua ma tulaga ese ua lauiloa i tagata.
E mafai ona tatou iloa atili Iesu Keriso, o le sa faatasi ma le Tama “i le amataga” (Aperaamo 4:1). E mafai ona tatou faitau e uiga i le Foafoaga o le lalolagi ma le amataga o le olaga faitino. E mafai ona tatou aoao e uiga i le amataga o le salamo, aiga, poloaiga, ma tapuaiga i le malumalu iinei i le lalolagi. E mafai ona tatou suesue i le amataga o feagaiga paia o loo faaauau pea ona mamanuina o tatou olaga i aso nei.
Ma afai tatou te le fiafia i le Feagaiga Tuai i le taimi nei, o le asō e mafai ona faailoga ai le amataga o se vaitau fou o suesuega ma sailiiliga. I le itulau e 12, ou te faasoa atu ai nisi o upumoni na fesoasoani ia te au ia ou fiafia atili ai e uiga i lenei tusi o tusitusiga paia ma vaai i ona aoaoga i le malosi ma le faamoemoega faafouina. I le itulau e 42, o loo faailoa mai ai e Peresitene Mark L. Pace, Peresitene Aoao o le Aoga Sa, ia faamanuiaga mamana e mafai ona tatou maua pe afai tatou te naunau e faitau ma le “maelega ma le agaga tatalo.”
E sili atu i lo isi mea uma, sei o tatou manatua o se amataga fouo le olaga atoa e mafai ona o Iesu Keriso. I le tusiga a Elder Quentin L. Cook i le itulau e 6, o loo ia molimau mai ai e faapea “e lei leiloloa lava mea uma” aua o loo faatalitali mai lo tatou Faaola ma aao mafola mo i tatou. E ala i Lona alofa tunoa, ua mafai ai ona tatou faaauauina le malaga faaleagaga na amataina e o tatou tuaa anamua i le teleo tausaga ua mavae.
Ou te faamoemoe ua tumu lenei tausaga i amataga matagofie mo i tatou taitoatasi!
Marissa Widdison
Pule Faatonu Lagolago, Polokalama feaveai o le Ola ai i le Talalelei
“O Aʼu o le Amataga ma le Gataaga, le Atua Malosi Aoao; o laʼu Toatasi na Fanaua na Ou foafoa ai ia mea uma; ioe, na Ou foafoaina i le amataga le lagi, ma le lalolagi ua e tu ai.
Ua Foafoa e Ieova le Lalolagi, saunia e Walter Rane