Auaunaga i le Ekalesia
E Mafai Faapefea ona Matou Fesoasoani atu ia te Oe?
E alaala le tusitala i Iuta, ISA.
I le avea ai ma se faifeautalai talavou, sa ou tilotilo atu i le auaunaga o se mea e faatulaga ae le o se mea e ofo atu pe a manaomia.
Ata na tusia e Kathleen Peterson
A o sauniuni e aoao atu se lesonao le afiafi faaleaiga, sa ou manao e tuu atu i la‘u fanau se vaaiga i faigata o aso taitasi ma luitau o le galuega faafaifeautalai. A o ou tatalaina la‘u api talaaga a faifeautalai e vaavaai mo se faataitaiga talafeagai, sa ou maua se aotelega o se aso e le masani ai.
Muamua, sa ma o ma lau soa e vaai Maria, o le sa tataina lavalava. “E mafai ona e toe foi mai mulimuli ane i lenei taeao?” sa ia fesili ai.
Sa ma o e vaai se isi tagata sailiili, ae sa moe o ia. Ina ua ma toe foi atui le fale o Maria i le 11:30 i le taeao,o la lava e tata lavalava.
Mulimuli ane, i le 3:00 i le afiafi, sa i ai se ma taimi faatulagaina ma se isi tagata sailiili. Ina ua ma taunuu atu, sa ia faia le ga’o.
“O lea ou te pisi tele i le taimi nei,” na ia fai mai ai ia i maua. “E mafai ona oulua toe foi mai i se taimi?”
Sa ma toe foi atu i le fale o Maria, ae o lea ua fufuluina nei ipu. Ona ma o lea e asiasi i se isi tagata sailiilie igoa ia Junior. Sa pisi o ia i le faiga o le kuka.
“Ae a taeao?” na ia fesili mai ai ia i ma’ua.
Sa ou tusia i la‘u api talaaga: “Ma te taumafai e fuafua lelei, fai le mea sili ma te mafaia e tausia ai a matou taimi faatulagaina, ma fai se fuafuaga E ma se fuafuaga I. Ma te tatalo mo musumusuga. E tatau ona i ai se auala e sili atu ona aogae fesoasoani ai i tagata.
A o ou toe faitauina na aafiagae ala i le tele o mata faatagata matua, sa ou ataata. O le lesona sa ou faamoemoe e aoao atu i la‘u fanaue uiga i le atiina ae o le malosie feagai ai ma le le fiafia i le taimi nei ua foliga mai ua le taua tele nai lo le lesona sa faatoa aoaoina ai au.
O la‘u aioiga malosi mo le 30 tausaga na muamua atu, ua foliga malie mai ia te a’u i le taimi nei. O le tali i lo‘u faananau sa i ai lava iina i la’u aioiga. I le mafaufau ai i lo‘u laitiiti, sa ou faapea ai, “Elder Jackson, ae faapefea pe ana e taumafai e fesoasoani i tagata e alai le fesoasoani ia i latou i o latou taimi o mafatiaga?”
I le asō, afai ma te mauaina ma la‘u soa ia Maria o feagai ma se avega mamafa o tagamea ma ipu, ma te faapea atu, “E mafai faapefea ona ma fesoasoani ia te oe?”
I le asō, afai o le tagata lea sa ma fuafua e asiasi i ai sa pisi i le faigao le gao, ma te fai atu, “E mafai onae aoaoina i maua? Ma te fiafiae fesoasoani ia te oe!”
I le asō, afai ma te iloaina ua pisi Junior i le sauniaina o meaai, matou te faapea atu, “Ua ma i ai iinei e auauna atu.! O le a se mea e te fia manao matou te faia?
I le avea ai ma se faifeautalai talavou, sa ou tilotilo atu i le auaunaga o se mea e faatulaga ae le o se mea e ofo atu pe a manaomia.O le asō ou te taumafai ai e aoao tagata e uiga i le alofa o IesuKeriso e ala i le faaali atu ia i latouo Lona alofa.