Aoaoga Autu o le Talalelei

O Le Pa’ū o se Vaega o le Fuafuaga a le Atua

Ona o le Pa’ū, ua tatou o mai ai i le lalolagi ma mafai ai i se aso ona toe foi atu e mau faatasi ma lo tatou Tama oi le Lagi.

Adam and Eve holding their infant child

Atamu ma Eva i le Faatoaga o Etena, saunia e Robert T. Barrett; Ua Tuliesea Atamu ma Eva mai le Faatoaga, saunia e Gary L. Kapp, e le mafai ona kopiina; Atamu ma Eva, saunia e Jay Bryant Ward; O Le Toetu, saunia e Harry Anderson

I le Faatoaga o Etena, sa poloaiina ai e le Atua ia Atamu ma Eva e aua ne’i aai i le laau e iloa ai le lelei ma le leaga. Ona Ia fetalai atu lea ia i laua, “E mafai ona e filifili mo oe lava, … ae ia manatua sa ou faasaina” (Mose 3:17). Na faaosoosoina Eva e Satani e ai le fua, ma na ia aia. Sa ia ta‘u atu ia te ia,“O le a avea oulua e pei o atua,i le iloa o le lelei ma le leaga”(Mose 4:11). Sa ai e ia le fua ona ia faasoa atu lea ia Atamu. Na tutuliese i laua e le Atua mai le Faatoaga o Etena.

O Le Pa’ū

Adam and Eve leaving the Garden of Eden

Ina ua tuua e Atamu ma Eva le Faatoaga o Etena, sa le toe i ai i laua i le afioaga o le Atua. O lenei vavaeese mai le Atua ua ta‘ua o le oti faaleagaga. O le tuua o le faatoaga o lona uiga foi o Atamu ma Eva ua avea ma tagata faaletino ma sa faapea ona mafai ai ona oti. E ui lava ua le o toe i ai Atamu ma Eva faatasi ma le Atua ma ua i ai nei i la le tino, ae sa la fiafia ma faamoemoe ina ua la vaai atu e mafai ona la alualui luma (tagai Mose 5:10–11). “Na pa’ū Atamu ina ia i ai tagata; ma ua i ai tagata ina ia latou maua le olioli” (2 Nifae 2:25).

O Se Taimi o Tofotofoga

Pe a tatou fananau mai, tatou te nonofo ese mai le Atua, e pei lava ona sa faia e Atamu ma Eva ina ua mavae le Pa’ū. E faaosoosoinai tatou e Satani e fai filifiliga leaga. O nei faaosoosoga e mafai ai ona tofotofoina i tatou ma filifilii le va o le sa‘o ma le sese(tagai Alema 12:24). O taimi uma lava tatou te agasala ai ma le salamo, tatou te mamao atili mai le Tama Faalelagi. Ae afai tatou te salamo,o le a tatou latalata atili atu i lo tatou Tama oi le Lagi.

Oti faaletino

Na foafoaina le lalolagi mo i tatou (tagai i le 1 Nifae 17:36). O le Pa’ū ua mafai ai e Atamu ma Eva ona faataunuu le poloaiga a le Atua ia maua ni fanau, ma faatagaina aii tatou e o mai i le lalolagi i se tino faaletino. O le a i ai se aso e oti aio tatou tino, ae o le a faaauau pea ona ola o tatou agaga. O le a toe faatasia o tatou tino ma agaga pea tatou toetutu.

Laveaiina e Iesu Keriso

The resurrected Jesus Christ appearing to Mary Magdalene at the empty tomb

E ala i le mana togiola o Iesu Keriso, e mafai ai ona tatou manumalo i le oti faaletino ma le faaleagaga. Ona sa toetu Keriso, o tagata uma o e fananau mai i lenei lalolagi o le a toetutu ma ola e faavavau. Ma ona sa puapuagatia Keriso mo a tatou agasala, e mafai ona tatou salamo ma faamagaloina ina ia mafai ai ona tatou toe nonofo faatasi ma lo tatou Tama oi le Lagi.

Mai i Tusitusiga Paia

O le a le mea semanu e tupu pe ana fai e le aina e Atamu ma Eva fua o le laau e iloa ai le lelei ma le leaga? (Tagai i le 2 Nifae 2:22.)

O a nisi o faamanuiaga o le Pa’ū? (Tagai Mose 5:10–11.)

O le a le mea o le a tupu ia i tatou e aunoa ma faamanuiaga o le Togiola a Keriso? (Tagai 2 Nifae 9:7–10.)

O Loo I Ai Foi i le Lomiga Lenei

Matou te faamoemoe ua outou fiafia e aoao e uiga i le Pa’ū.O nisi nei o upu o le talalelei mai lenei lomiga:

Faaosoosoga: Soo se mea lava e taumafaie faaosooso i tatoue faia se filifiliga leaga. (Tagai i itulau 8, 10.)

Faapotopotoina: Valaauliaina o isi e auai faatasi ma i tatou i le talalelei. E mafai ona tatou fesoasoani e faapotopoto mai isi e ala i le galuega faafaifeautalai. (Tagai i itulau 9, 16.)

Ieova: O le suafa mole Atua o Isaraelu,o Iesu Keriso.(Tagai i itulau 12, 42.)