Sau, Mulimuli Mai ia te A’u

O Faamanuiaga o le Suesueina o le Feagaiga Tuai

Saunia e Peresitene Mark L. Pace

Peresitene Aoao o le Aoga Sa

Ata

Saunia e Peresitene Mark L. Pace

A o tatou faitau i mataupu ma fuaiupu o lenei tusi anamuao tusitusiga paia, o le a faamalosia i tatou i le faaleagaga.

O Ieova o Iesu Keriso. Na vavalo ma aoaomai perofeta o le Feagaiga Tuai e uigaia Iesu Keriso.

Afio mai i le suesuega o le Feagaiga Tuai i le 2022, faatasi ai ma le punaoa o le Sau, Mulimuli Mai ia te A‘u o se taiala! O le Feagaiga Tuai o se lisi paia o tusitusiga paia ua faasaosaoina e le aao o le Atua mo i tatou e faitau ma mafaufau loloto i ai. E mafai ona avea o se faamanuiaga ma taiala ia i tatou i nei aso e gata ai.

Ua tuuina mai e le Feagaiga Tuai ia i tatou se vaaiga e 3,500 tausaga o le faatuatua ma le tuuto mai pe tusa ma le 4,000 TLM i le 500 TLM. E 39 tusi i le Feagaiga Tuai. O le Kenese ua aofia ai tisipenisione e fa o Atamu, Enoka, Noa, ma Aperaamo. O tusi e 38 o loo totoe, o le Esoto ia Malaki, e tuuto atu i le tisipenisione o Mose.

A o tatou faitau i le Feagaiga Tuai, o le a sili atu ona tatou masani i ona perofeta ma a latou aoaoga. Na latou aoaoina le talalelei a Iesu Keriso. Sa latou valoia ma tulimatai atu i le afio mai o le Mesia.O a latou aoaoga musuia ua faasaosaoina mo o tatou aso.

A o tatou faitau i mataupu ma fuaiupu o le Feagaiga Tuai, o le a faapea ona faamalosia ai i tatou faaleagaga. O le a aumaia e le Agaga Paia ia i tatou ni fuaiupu patino faatusi paia o le a avea ma malosiaga ia i tatou a o tatou tulimatai atu i le Afio Mai Faalua o le Faaola.

O Se Fesili Musuia

Ou te fia faasoa atu se tala e uiga i le ala na uunaia ai au e se fuaiupu se tasi mai le Feagaiga Tuai i lou olaga atoa.

I le 1974, sa 17 ou tausaga. Sa ou fiafia i le olaga o se tamaitiiti tausaga tolu i le aoga maualuga. Sa ou tulimatai atu i lau misiona. I le mekasini o le Ensign ia Oketopa 1974, sa ou faitau ai i se savali mamana mai ia Peresitene Spencer W. Kimball (1895–1985) ua faaulutalaina “Ina Ua Liua Le Lalolagi ”¹ Ua tele ni taimi na ou faitauina ai talu mai lena taimi. E oo mai i lenei aso e musuia ai pea au.

Na tuuina mai e Peresitene Kimball se vaaiga lautele i le lalolagi atoa o le tuputupu ae O Le Ekalesia a Iesu Keriso o le Au Paia o Aso e Gata Ai i lenei tisipenisione. Sa Ia aoao mai lo tatou avanoa ma le tiutetauave e avatu le talalelei i le lalolagi uma. Sa sii mai e Peresitene Kimball se fuaiupu mai le tusi o Kenese. Sa musuia ai au i lena taimi ma o loo faaauau pea ona musuia ai au i lou olaga atoa: “E i ai ea se mea e faigata tele mo le Alii?” (Kenese 18:14, lea ua faatulagaina mo suesuega ia Fepuari).

Ata

Abraham praying

Aperaamo i Fanua Laugatasi o Mamre, saunia e Grant Romney Clawson; ata pue o faifeautalai na pueina e Alicia Cerva; ata pue o le lalolagi mai le Getty Images

Sa iloiloina e Peresitene Kimball le tala ia Aperaamo ma Sarai. Sa ata Sarai i le folafolaga a le Alii o le a maua e i laua ma Aperaamo se atalii. E lei faamanuiaina i laua i ni fanau. Ua 90 ma 100 tausaga le matutua i le taimi nei. Sa sili atu lo la matutua nai lo tausaga o le fanauinao fanau.

“Ona fetalai atu lea o Ieova ia Aperaamo, O le mea lea na ata ai Sarai … ?”

“Pe i ai se mea e faigata tele i le Alii? I le taimi atofaina o le a ou toe foi atu ai ia te oe, e tusa ma le taimi o le olaga, ma o le a mauae Sarai se atalii” (Kenese 18:13–14).

Sa faaaoga e Aperaamo ma Sarai le faatuatua. Sa tausia e le Alii Lana folafolaga. Na fanau mai Isaako. Na avea Aperaamo ma tama o atunuu.

Malosi e Fetaiai ai ma Luitau

“Pe i ai se mea e faigata tele i le Alii?” O lenei mau o le Feagaiga Tuai ua faamalosia ai au ina ua ou feagai ma luitau po o popolega o le olaga:

I le avea ai ma se faifeautalai fou ina ua ou lagona le lofituina. “Pe i ai se mea e faigata tele i le Alii?”
Ina ua maea la‘u misiona, ina ua ma mafaufau ma Anne Marie pe ma te faaipoipo ma sa ma popole i le auala e totogi ai meaai, fale mautotogi, ma pili aoga o le kolisi. “Pe i ai se mea e faigata tele i le Alii?”
I le avea ai ma se ulugalii fou, faafeiloaia o fanau ma le iloaina o faafitauli tautupe o le olaga. “Pe i ai se mea e faigata tele i le Alii?”
O le feagai ai ma luitau o le aoga iunivesete, o se aiga ua faatupulaia, ma le amataina o se galuega. “Pe i ai se mea e faigata tele i le Alii?”
A o avea au ma peresitene o le Misiona a Sepania Barcelona, sa ma ta‘ua pea lava pea ma Anne Marie lenei mau pe a aoaoina faifeautalai. “Pe i ai se mea e faigata tele i le Alii?” O tusi i a matou faifeautalai e masani ona aofia ai se mau faasino i le “Pe i ai ea se mea e faigata tele mo le Alii?”

O Se Faavae Faale-Tusitusiga Paia

Ata

reproduction of stone tablets with Ten Commandments

O Mose o loo Vaeluaina le Sami Ulaula, saunia e Robert T. Barrett; Atamu ma Eva i le Faatoaga, saunia e Lowell Bruce Bennett; toe gaosiga o papamaa mai le Getty Images; ata pue o le Malumalu o San Diego Kalefonia na pueina e Monica Georgina Alvarado Zarate

O lenei fuaiupu o le mau ua na o se tasi o le teleo faataitaiga o fuaiupu musuia o loo maua i le Feagaiga Tuai. Ou te mautinoa e toatele ua uma ona musuia oe. A o tatou faitauina ma le faaeteete ma le agaga tatalo le Feagaiga Tuai i lenei tausaga, o le a aumai e le Agaga Paia i la tatou gauai ni fuaiupu patino faaopoopo o le a faamaloosia ai lo tatou liua ia Iesu Keriso ma Lana talalelei.

O le Feagaiga Tuai o loo i ai aoaoga faavae ma mataupu faavae o le taua le gata. O loo i ai valoaga e lei faataunuuina lava. O loo aoao mai ai i tatou e uiga i le mea na tatou o mai ai. Ma ua aoao mai ai i tatou e uiga i le feagaiga faa-Aperaamo, lea o loo aoga pea i aso nei.

Ua saunia e le Feagaiga Tuai se faavae mo isi a tatou tusitusiga paia. O le tele o lo tatou malamalama i le Feagaiga Tuai, o le tele foi lea o lo tatou malamalama i isi voluma o tusitusiga paia, aua o ona aoaoga o loo i ai i isi tusi o tusitusiga paia:

I le taimi o Lana galuega, sa aoao atu ai e le Faaola le faaaogaina o tusitusiga paia mai le Feagaiga Tuai.
Sa ave e Liae ma lona aiga papatusi apamemea, lea sa i ai tusitusiga paia mai le Feagaiga Tuai.
Na aoao atu e Nifae ia Iakopo e ala i le upusii mai ia Isaia i le Feagaiga Tuai.
I le taimi o Lana asiasiga i sa Nifae ina ua mavae Lona Toetu, na sii mai ai e Iesu Keriso mai ia Isaia ma Malaki i le Feagaiga Tuai.

Ata

beings appearing to Joseph Smith and Oliver Cowdery in Kirtland Temple

Faaaliga i le Malumalu o Katelani, saunia e Gary Smith; O Le Afio Mai Faalua, saunia e Harry Anderson

O perofeta ma aoaoga i le Feagaiga Tuai e totonugalemu foi i le savali o le Toefuataiga o le talalelei i o tatou aso:

I lana uluai asiasiga i le Perofeta o Iosefa Samita, na sii mai ai e Moronae mai ia Malaki.
O le Penina Tau Tele o loo i ai tusi a Aperaamo ma Mose.
O Mose, Elisaia, ma Elia na faaalia mai ma toefuatai ia ki o le perisitua i le Perofeta o Iosefa Samita ma Oliva Kaotui i le Malumalu o Katelani.

O le a le Faamoemoega?

A o tatou faitau i tusi i le Feagaiga Tuai, e tatau ona tatou mafaufau o tusi na filifilia, faamamafaina, ma faatulagaina i se auala faapitoa mo se mafuaaga faafaatusa. E mafai ona tatou fesili ifo ma le talafeagai ia i tatou lava, “Aisea na aofia ai lenei faamatalaga ma o le a lona faamoemoega?”

E ui atonu e faigata ona malamalama i vaega o le Feagaiga Tuai, ae e tatau ona tatou manatua o loo i ai se oa e le tatau ona tuulafoaiina. E pei ona aoao mai Iosefa Samita, “Matou te talitonu o le Tusi Paia o le afioga a le Atua i mea uma ua tonu ona faaliliuina” (Mataupu Faavae o le Faatuatua 1:8). E mautinoa lava ua faamanuiaina i tatou e ala i le suesueina o le afioga a le Atua!

Atonu e aoga i la tatou suesuega o le Feagaiga Tuai le vaavaai mo autu ma malamalamaaga. E tatau ona tatou vaavaai mo ni auala e malamalama atili ai o le Atua o le Feagaiga Tuai o le Atua foi o le Feagaiga Fou. O Ieova o Iesu Keriso. E faapefea e le suesueina o le Feagaiga Tuai ona fesoasoani tatou te iloa atili ai lo tatou Faaola?

O isi autu iloga ou te maua i le Feagaiga Tuai e aofia ai feagaiga, paia, perofeta soifua, ositaulaga ma le usiusitai, faatuatua ma le salamo, viia o le Alii, ma le tulafono a le Atua.

A o tatou suesue, e tatau ona tatou manatua o faaaliga o aso e gata ai ua tatou maua ai se malamalamaaga atoatoa i le Feagaiga Tuai. Mo se faataitaiga, faafetai i faaaliga i ona po nei, ua tatou iloa ai sa umia e perofeta o le Feagaiga Tuai le Perisitua Mekisateko ma o perofeta i tisipenisione na muamua atu, sa iloa ma aoao atu le talaleleia Iesu Keriso.

O Folafolaga a se Perofeta

I lenei tisipenisione, ua toe faamanuiaina ai foi i tatou i le iloaina o perofeta ma aposetolo e tuuina mai aoaoga ma fautuaga musuia.

Na muai faalauiloa mai e Elder Quentin L. Cook o le Korama a Aposetolo e Toasefululua le Sau, Mulimuli Mai ia te A‘u—Mo Tagata Taitoatasi ma Aiga i le konafesi aoao ia Oketopa 2018.² O lenei punaoa ua avea ma se faamanuiaga sili mo i tatou uma. O tausaga mulimuli e tolu ua ou maua ai nisi o aafiaga aupito sili ona loloto ma anoa o le suesueina o tusitusiga paia i lo‘u olaga. Ou te mautinoa o loo faatalitali mai faamanuiaga tutusa mo i tatou taitoatasi i le 2022.

Na saunoa Peresitene Russell M. Nelsone faapea, a o tatou suia o tatou aiga i totonuo falesa o le faatuatua ma nofoaga autuo le aoaoina o le talalelei, o le a tatou maua faamanuiaga patino e fa:

“I le aluga o taimi o le a avea moni lava ou aso Sapati ma aso fiafia.”
“O le a fiafia lau fanau e aoao ma olai aoaoga a le Faaola.”
“O le aafiaga a le fili i lou olaga ma i lou aiga o le a faaitiitia.”
“O suiga i lou aiga o le a iloga ma tumau.”³

E loloto folafolaga a Peresitene Nelson,ma e moni. O nei faamanuiaga ua aveama se mea moni ma o le a faaauau pea i le 2022 a o tatou suesue ma aoao mai le Feagaiga Tuai.