Tala mai le Au Paia, Voluma 3

O Le Uluai Peresitene o le Paranesi a Pasila i São Paulo

Ata

two men standing in front of a group of people with their hands raised

Ata na tusia e Greg Newbold

E lei leva ona papatisoina Claudio ma Mary dos Santos i São Paulo, Pasila, ae fesili atu le peresitene o le misiona o Viliamu Seegmiller ia Claudio pe manao e avea ma se ositaulaga. Sa faateia Claudio, ae sa ia fai atu, “Ioe.” I le na o le auai i le lotu mo ni nai masina, na te lei mautinoa lelei po o le a le uiga o le avea ma se ositaulaga. Sa ia iloainao faifeautalai uma sa valaauinao “Elder,” ma o i latou o ni alii talavou ofoofogia o e na tuuto atuo latou olaga i le Atua. Afai o le uiga lena o le avea ma se faifeautalai, o le mea lena sa ia manao e avea ai.¹

O le taeao o le Aso Sa na sosoo ai, a o lumanai le Aoga Sa, sa faauuina ai o ia e Peresitene Seegmiller i le tofi o le ositaulaga i le Perisitua Mekisateko. Ina ua uma, sa ia fai mai, “O le a tatou saunia nei le faamanatuga ma faatulaga mo le Aoga Sa.”

Sa fai si le fiafia o Claudio. Sa vave ona tutupu mea uma, ma na te lei iloaina atoatoa le mea sa ia faia. Ae sa mulimuli o ia i faatonuga a le peresitene ma faatinoina lona uluai tiutetauave faaleperisitua.

I lena afiafi, i le taimi o le sauniga faamanatuga a le paranesi, sa toe manaomia ai e Peresitene Seegmiller le fesoasoani a Claudio, o le taimi lea e faaliliu ai mo ia a o ia saunoa atu i le Au Paia i le gagana Peretania. Sa aoao pea e Claudio le Igilisi ma e lei faaliliu muamua lava, ae sa malie o ia e taumafai.²

I le amataga o le fonotaga, sa talosagaina ai e Peresitene Seegmiller le Au Paia e lagolagoina le faauuga o Claudio. I le faateia o Claudio, sa ia malamalama manino ai ia Peresitene Seegmiller, ma sa faigofie ona ia tuuina atu upu i le faaPotukale.

Ona ta‘u atu lea e Peresitene Seegmiller i le potopotoga e faapea,i le tasi le tausaga talu ai, sa ia tusia ai se tusi i le Au Peresitene Silie ta’u atu ai ia i latou e le lava le au perisitua e tautatala faaPotukale i Pasila e lagolago ai paranesi. Ua ia lagona nei le maasiasi ona sa ia tusia le tusi. O alii e pei o Claudio na faamaonia le sese o ia. “Ia,” sa ia faamautinoa atu ai ia i latou,“E tatau ona ou tusia se isi tusi i le Au Peresitene Sili.”

Sa faaauau le saunoaga a Peresitene Seegmiller, “O le taimi nei ua faauuina Uso Claudio o se ositaulaga. Pe o le a e lagolagoina o ia e avea ma uluai peresitene o le paranesi a Pasila o São Paulo?”

Sa faamatala e Claudio ia upu,ae sa faateia o ia. Sa ia mafaufaui le le lava o lona poto masani.“O le a se malamalama ua ia te au?” sa ia mafaufau ai. Sa ia iloaina le tala ia Iosefa Samita, ae na te lei faitauina lava le Tusi a Mamona. Na pau lava le mea sa ia ofoina atu o le naunautaiga mo le talalelei toefuataiina, ma atonu na pau lena o le mea na manaomia e le Alii mai ia te ia.

Sa ia tilotilo atu i le potopotoga ma vaaia i latou o sii o latou lima e lagolago ai lona valaauga. Sa lagona lona faamamaluina. Atonu e le tele ni mea na ia iloaina, ae sa naunau o ia e galue.³

Ata

man playing a piano

Na amata loa lava tiutetauave o Claudio. Sa ia vaaia sauniga o le Aso Sa ma faamanuia le faamanatuga. Sa aoaoina e se faifeautalai ia Claudio e faitau musika, ma e leʻi umi ae amata loa ona ia fatuina ni pese e tusa ma le luasefulu i luga o le okeni ina ia mafai ai ona pepese faatasi ma le Au Paia i Sao Paulo. I le taimi muamua, sa na o le toatasi lona fesoasoani e fesoasoani ia te ia, ae sa faia e nei alii e toalua le mea sili la te mafaia e tauave ai galuega ma tiutetauave faaleaiga a o la auauna atu i le Au Paia sa salalau solo i le aai tele.

E ui i le leai o sona poto masani, ae sa talitonu Claudio sa i ai i le Atua se faamoemoega mo le valaauina o ia e taitai le paranesi. “Afai o le Ekalesia moni, afai e i ai se Atua e pule, e tatau ona Ia filifilia se tasi,” na ia fai ifo ai ia te ia lava. “Sa tatau ona ia filifilia se tasi ma le naunautai e mafai ona maua le pule ma faia le galuega.”⁴