O Leo o le Au Paia o Aso e Gata Ai
O Le Momi o le Nofoa i luga o le Fola
Ou te lei mafaufau e fesoasoani i lou tinai ana galuega i le fale, ae aisea na ou maua ai i taimi uma se aluga i luga o le fola?
Mo le tele o tausaga, sa ou asiasi atu i le fale o lou tina e fesoasoani ia te ia i ana galuega i le fale. Ua 80 ona tausaga ma o ia o se tagata faamaoni o O Le Ekalesia a Iesu Keriso o le Au Paia o Aso e Gata Ai.
Sa nofo na o lo‘u tina talu ona maliu lo’u tama.O lona fiafiaga sili o le asiasi atu lea i le fale o lana fanau taitoatasi e toatolu, faaaluina o le taimi faatasi mai latou ma fanau a lana fanau, ma le kukaina o meaaie faamafanafanaina ai le agaga.
O taimi uma lava sa ou asiasi ai i le fale o lo‘u tinae faamama ma faamautinoa ua faatulaga lelei mea uma, sa ou maua ai se momi tuai i luga o le fola. Sa ou pikiina pea lava pea ma tuu i luga o se nofoa, ma ou tomumumu ifo ia te au lava e uiga i le faatamala o lo‘u tina.
O le isi taimi ou te toe foi ai e asiasi ma fesoasoani i lo‘u tina, o le a ou toe maua le momi i luga o le fola. Ou te lei fai atua lava se tala i lo‘u tina e uiga i le momi,ae i se tasi taeao sa iu lava ina ou iloaina le mafuaagaua i ai pea i luga o le fola.
Sa manaomia e lo‘u tina se laufola malu e tootuli ai ma tatalo. O ia o se tamaitai matua, ae o lona faatuatua le maluelue na taitai atu ai o ia i ona tulivae i le tatalo i aso uma. O le a ia tatalo mo lana fanau ma fanau a fanau.O le a ia tatalo mo ana uo. O le a ia tatalo mo i latoue sili ona manaomia le fesoasoani. Ma o le a ia tatalo mo i latou sa ia alofa i ai i taimi uma ma, e oo lava i lona matua, o loo tausia pea oia ma le agalelei.
O le asō, ou te le o toe tomumumu ia te au lava pe a ou vaai i le momi o le nofoa i luga o le fola. E i ai taimi, ou te tootuli ai foi i luga o lona laufola malu e tatalo i le Tama Faalelagi, ma faailoa atu le lotofaafetai mo le faatuatua ma le faataitaiga a lou tina.