Sau, Mulimuli Mai ia te A’u
O Le Foafoaga
Na foafoaina le lalolagi e Iesu Keriso i lalo o le taitaiga a le Tama Faalelagi ina ia mafai ona tatou maua se nofoaga e ola ai, aoao, ma faaaoga lo tatou faitalia e faia ai filifiliga lelei (tagai Aperaamo 3:24–26).
Na aoao mai le Perofeta o Iosefa Samita e faapea ina ia “fatuina … e lē o le uiga o le foafoa mai se mea e tasi; o lona uiga o le faatulagaina, e tutusa lava ma le faatulagaga e se tagata o anomea ma fausia se vaa.”1 O le upu Eperu mo le “foafoa” o lona uiga ia mamanu, sitaili, faatulaga, ma faafoliga (tagai Kenese 1:1; Aperaamo 3:24).
Sa faamalamalama mai e Peresitene Russell M. Nelson e faapea “o le Foafoaga faaletino lava ia sa faatulagaina e ala i periota faatulagaina o taimi,” ae le o aso o le kalena. “Pe na taua o se aso, o se taimi, po o se vaitau, o vaega taitasi [o le Foafoaga] sa o se vaitaimi i le va o ni mea taua se lua na tutupu—o se vaevaega o le faavavau.”2
Aso Muamua:Malamalama ma le Pouliuli
“Ua fetalai mai le Atua, Ia i ai le malamalama,” ma sa Ia “vavaeeseina le malamalama mai le pouliuli,” i le foafoaina o le ao ma le po (tagai Kenese 1:3–5).
Aso Lona Lua: Vai ma le Lagi
Sa tuueseeseina e le Atua vai ma le lagi.“Ua fetalai mai le Atua, Ia i ai se vanimonimo i le lotolotoi o vai. … Ma o Aʼu, o le Atua, na taʼua le vanimonimo o le Lagi.” (tagai i le Kenese 1:6–8.)
Aso Lona Tolu: Sami ma le Lalolagi
“Sa ta‘ua e le Atua le laueleele matutu o le Lalolagi; ma … ua ta’ua vai o Sami” (Kenese 1:10). Ona saunia ai lea o le lalolagi mo le totoina o le ola (tagai Kenese 1:11–12).
Aso Fa:La ma Vaitau
Na faia e le Atua le la, le masina, ma fetu “e vavae ai le ao mai le po” ma “ia avea ma faailoga, ma mo tau, ma mo aso, ma tausaga” (tagai Kenese 1:14–16).
Aso LonaLima:Meaola
Na foafoaina e le Atua “meaola uma” (Kenese 1:21). O nei meaola na poloaiina ia fanafanau ma faatumulia ai le lalolagi ma le sami (tagai Kenese 1:22).
Aso Lona Ono: Atamu ma Eva
O le foafoaga o le ola a le Atua sa faaauau pea i “manu o le lalolagi,” “povi,” ma “mea fetolofi” (Aperaamo 4:24–25). Ona Ia foafoaina lea o Atamu ma Eva “i le faatusa o lona lava tino” (Mose 6:9) ma poloaiina i laua “ia fanafanau, ma uluuluola, ma ia tumu ai le lalolagi, … ma maua le pule … o meaola uma” (Kenese 1:28).
Aso Lona Fitu: Aso o le Malologa
Ina ua maea Lana galuega, sa malolo le Atua i le aso lona fitu. “Ona faamanuia ai lea e le Atua le aso fitu, ma faapaiaina ai: aua ua malolo o ia mai ana galuega uma na foafoaina ma faia e le Atua” (Kenese 2:3).
Ua poloaiina e le Atua ia tatou “manatua le aso sapati, ia tausia lona paia” (Esoto 20:8).
E mafai ona tatou faia le aso Sapati ia paia e ala i le faaaluina o le taimi e auai ai i le lotu, aai ma feinu i le faamanatuga, ma manatua le Faaola. Ua aoao mai le Alii, “Aua e moni o se aso lenei ua tofia mo oe e te malolo ai mai i au galuega, ma avatu ai au tapuaiga i le Silisili Ese” (Mataupu Faavae ma Feagaiga 59:10).
I aso Sapati, “o o tatou mafaufauga, taga, ma amioga o faailoga ia tatou te avatu i le Atua ma o se faailoilo foi lea o lo tatou alolofa mo Ia.”3