2022
O Le Fuafuaga a le Atua E mo Oe
Ianuari 2022

Mo Matua

O Le Fuafuaga a le Atua E mo Oe

Ata
a family playing on the beach

Matua Pelē,

A o tatou suesue i ata, faatusa, ma aoaoga o le Feagaiga Tuai, e mafai ona tatou malamalama atili i le fuafuaga a lo tatou Tama Faalelagi mo i tatou ma le matafaioi a Iesu Keriso i lena fuafuaga.

O tusiga i le lomiga o lenei masina e mafai ona tuuina atu ia te oe ni manatu mo le aoaoina o tamaiti mai le Feagaiga Tuai ma e uiga i le fuafuaga a le Atua mo i tatou.

Talanoaga o le Talalelei

O loo i ai i le Tama Faalelagi se Fuafuaga Paia mo Lana Fanau

Aisea e taua ai le malamalama i le fuafuaga o le Faaolataga a le Atua? Faaaoga “Faavae o le Talalelei” i le itulau e 10 e aoao ai lau fanau i le taua o le Pau o Atamu ma Eva. E mafai ona outou fatuina faatasi se lisi o faamanuiaga ma avanoa ua tatou maua i lenei olaga ona ua tatou o mai i le lalolagi.

A uma ona faitau le tusiga a Elder Quentin L. Cook i le itulau e 6, talanoaina o se aiga ia faamanuiaga ua oo mai i lou olaga mai le iloaina o looi ai se fuafuaga a le Atua e laveai Ana fanau.

Aoaoina o Fanau mai Tusitusiga Paia

Tagai i le itulau 38 mo manatu e fesoasoani ai i tamaiti ia faaauai i tusitusiga paia. Faaleleia lau suesuega o le Feagaiga Tuai e ala i le faitauinao tusiga o loo i itulau 12 ma le 42. O le a se mea ua e aoaoina e fesoasoanie te malamalama ai i le Feagaiga Tuai? Talanoa ma le agaga tatalo ma lou aiga po o a ni sini o ia te oe mo au suesuega o le Sau, Mulimuli Mai ia te A‘u i lenei tausaga.

Sau, Mulimuli Mai Ia Te A’u Malamalamaaga

Tagai i le itulau e 46 mo se faamatalaga maioio o le Foafoaga ma isi anomea e lagolago ai lau suesuega o le Sau, Mulimuli Mai ia te A’u i vaiaso taitasi.

Sau, Mulimuli Mai ia te A’u Mea Faafiafia a le Aiga

Tausimea o le Lalolagi

O loo faamalamalama mai i leMose 2:28 faapea sa tuuina atu i tagata le pule i meaola uma. Na saunoa mai Peresitene Russell M. Nelson, “E tatau ona tatou tausia le lalolagi, ia avea ma tausimea atamamai, ma faasaoina mo tupulaga i le lumanai” (“O Le Foafoaga,” Liahona, Iulai 2000, 104).

  1. Alu i se savaliga puupuu faataamilo i le eria o loo e nofo ai pe matamata i ata ma vitioo laufanua matagofie.

  2. Ta‘u i ai vaega eseese o le siosiomaga e te matauina. O laau, manu, po o laufanua.

  3. Matau mea ola taitasi ma talanoaina ni auala patino e mafai ona tatou tausia ai i latou ma le siosiomaga o siomia ai i latou.

Talanoaga: O a ni auala e tausia ai i tatou e le Tama Faalelagi ma Iesu Keriso? E mafai faapefea ona tatou mulimuli i a La‘ua faataitaiga a o tatou tausia mea ola o siomia ai i tatou? O a ni auala e mafai ai e a tatou amioga ona faaalia lo tatou lotofaafetai mo foafoaga a le Atua?

Creation Charades

Mataupu Faavae ma Feagaiga 122:5–9

Na aoao mai Peresitene Russell M. Nelson: “Po o le a le matagofie e pei ona i ai, o le paneta o le Lalolagi o se vaega o se mea e sili atu ona maoae—lena fuafuaga tele a le Atua. I se aotelega faigofie, sa foafoaina le lalolagi ina ia i ai aiga” (“O Le Foafoaga,” Liahona, Iulai 2000, 104).

  1. Suesue faatasi ma lou aiga aso o le Foafoaga (o loo maua i le Kenese 1–2; Mose 2–3; po o le Aperaamo 4–5). Tagai “O Le Foafoaga” mai lenei lomiga mo se aotelega.

  2. E mafai e tagata taitoatasi ona auauai e faatino se aso po o se vaega o le Foafoaga.

  3. O le vaega o totoe o tagata o le aiga e mateina le aso po o le vaega o le Foafoaga lea na filifilia.

Talanoaga: Tulitatao e ala i le faitauina faatasi o le Aperaamo 3:22–27 . E mafai faapefea e le iloaina o le faamoemoega o le Atua mo le foafoaina o le lalolagi ona aafia ai o tatou olaga i aso taitasi? E mafai faapefea ona faaalia lo tatou agaga faafetai mo foafoaga a le Atua?

Lolomi