Dali, Sunod Kanako
Ang Pakigsaad ni Abraham
Misaad ang Dios ni Abraham nga “kay kutob sa modawat niini nga Ebanghelyo pagatawgon … nga imong binhi” (Abraham 2:10). Ang atong mga pakigsaad sa bunyag ug diha sa templo motugot kanato nga makadawat sa mga panalangin sa pakigsaad ni Abraham ug makapahimo kanato nga kabahin sa mga katawhan sa pakigsaad sa Dios, samtang kita magmatinud-anon(tan-awa sa Ezekiel 11:20).
Kinsa sila si Abraham ug Sara?
Paghulagway kang Abraham ug Sara ni Dilleen Marsh
Si Abraham ug si Sara mga matinud-anon nga mga sumusunod sa Dios kinsa nabuhi sa mga 2000 BC. Sila nakaangkon og daghang pagsulay, apan tungod kay nagtinguha si Abraham sa pagkapari ug sa “mga panalangin sa mga amahan” (Abraham 1:2), ang Dios mihimo og usa ka pakigsaad uban kaniya ug misaad nga ang pakigsaad magpadayon pinaagi sa mga kaliwatan nilang Abraham ug Sara. Sila si Abraham ug Sara napanalanginan tungod sa ilang kamatinud-anon.
Unsa ang nalakip diha sa pakigsaad sama kang Abraham?
Gisaad nga mga Panalangin
-
Usa ka gisaad nga yuta nga kapuy-an (tan-awa sa Genesis 13:14–15).
-
Mga kaliwatan nga ang gidaghanon “sama kadaghan sa bituon sa langit” (Genesis 22:17).
-
Ang ebanghelyo ni Jesukristo ug ang pagkapari (tan-awa sa Genesis 17:7; Abraham 2:9–11).
Mga Responsibilidad
-
Modala sa kahingpitan sa ebanghelyo ni Jesukristo ngadto sa tanang anak sa Dios aron ang “tanan nga mga banay sa yuta [mahimong] pagapanalanginan” (Abraham 2:11; tan-awa usab sa Genesis 22:18).
-
Motuman sa mga sugo sa Dios (tan-awa sa Genesis 18:19).