“Unsa ang Misyon ug Pagpangalagad ni Kristo?,” Liahona, Ene. 2023.
Dali, Sunod Kanako
Unsa ang Misyon ug Pangalagad ni Kristo?
The Sermon on the Mount [Ang Wali ibabaw sa Bungtod], ni James Tissot © Brooklyn Museum of Art / Bridgeman Images
Si Jesukristo mipakigsaad didto sa kinabuhi sa wala pa sa kalibotan aron moanhi sa Yuta ug mahimong atong Manluluwas (tan-awa sa Moises 4:2; Abraham 3:27). Isip atong Manluluwas, Siya mituman sa iyang misyon ug sa iyang pagpangalagad.
Si Presidente Russell M. Nelson mipasabot: “Ang misyon sa Ginoo sa mortalidad mao ang pagtuman sa Pag-ula … [ug] sa paghimo sa kinabuhing dayon nga usa ka posibilidad alang ni bisan kinsa nga mosarang niini. … Ang Iyang pagpangalagad mao lang ang tanang butang nga Iyang gihimo—ang Iyang mga milagro, Iyang mga pagtulon-an, Iyang gugma, Iyang pagtutok sa mga ordinansa, Iyang pagtudlo kanato unsaon sa pag-ampo.”1
Ang mga aspeto sa misyon ni Kristo ug pagpangalagad gihulagway sa daghang dapit diha sa mga kasulatan. Tan-awa ang mga paghulagway nga gihatag sa Iyang inahan nga si Maria, sa Lucas 1:46–55. Si Hana, usa usab ka ehemplo sa pagkamaaghop, mitanyag og usa ka susama nga pag-ampo kabahin sa pagpangalagad sa Ginoo diha sa 1 Samuel 2:1–10.
Sama sa gisugyot sa Dali, Sunod Kanako, mahimong itandi nimo kini sa Kabulahanan ni Jesus sa Mateo 5:3–12.2
Ikonsiderar ang paglista og pipila sa mga aspeto sa pagpangalagad ni Kristo nga gihulagway niining mga kasulatan; gilista ang usa ka aspeto isip usa ka ehemplo:
-
Si Kristo mianhi aron sa pagtabang sa pagtagbaw sa atong espirituhanong kagutom (tan-awa sa 1 Samuel 2:5; Lucas 1:53; Mateo 5:6).