Alang sa mga Ginikanan

Mga Pamilya ug ang Kahayag sa Kalibotan

Minahal nga mga Ginikanan,

Ang pamilya mao ang mahinungdanong tipik sa plano sa Langitnong Amahan sa kalipay alang sa Iyang mga anak. Ang mga artikulo sa isyu niining bulana makatabang kaninyo sa pagpalambo sa komunikasyon sulod sa mga pamilya ug makatabang sa pagnabigar diha sa mga hagit sa mga relasyon sa pamilya. Kamo makagamit usab niining isyu aron matabangan kamo sa pagtudlo sa mga anak og pipila ka importanteng mga leksiyon gikan sa Bag-ong Tugon.

Mga Panaghisgotan sa Ebanghelyo

Si Jesukristo Mao ang Atong Tinuod nga Kahayag

Ipaambit sa imong pamilya ang pipila ka mga pagtulun-an gikan sa mga artikulo ni Presidente Ballard diha sa pahina 4 kabahin sa papel ni Jesukristo isip ang Kahayag sa Kalibotan. Isip usa ka pamilya, paghimo og usa ka lista sa daghang mga tinubdan sa kahayag sa inyong panimalay ug hisgoti ang lain-laing mga butang nga nahimo sa kahayag alang kanato. Sa unsa nga mga paagi nga si Jesukristo, isip ang labing dakong tinubdan sa espirituhanong kahayag, makatabang kanato?

Bukas nga Komunikasyon diha sa mga Pamilya

Importante ang pagkamahimong andam sa espiritwal nga paagi alang sa mga hagit sa kinabuhi. Sa pahina 12, basaha ang pipila ka mga tambag gikan sa mga magtatambag sa kahimsog sa pangisip kon unsaon sa pagbaton og importante, makapalig-on nga mga panag-istorya uban sa inyong mga anak. Hain niini nga mga hunahuna ug mga sugyot ang imong mapatuman sa imong kaugalingong pamilya?

Pag-andam sa Atong mga Kasingkasing Alang sa Pulong

Basaha ang artikulo ni Brother Camargo diha sa pahina 38 kabahin sa sambingay sa magpupugas. Hisgoti uban sa imong pamilya kon unsa ang gisimbolo sa nagkalain-laing mga matang sa yuta diha sa sambingay. Ang mga anak nga mas manghod makakuha og mga butang gikan sa sambingay ug maghisgot niini, ug ang mas magulang nga mga anak makabasa sa sambingay nga anaa sa Marcos 4:3–20 ug mopaambit sa ilang mga hunahuna o mga pangutana.

Dali, Sunod Kanako Kalingawan sa Pamilya

Pagbuhat sa Malisod nga mga Butang uban sa Tabang sa Dios

Sama ni Maria ug sa iyang ig-agaw nga si Elisabet diha sa Bag-ong Tugon (tan-awa sa Lucas 1:5–55), usahay kita hangyoon sa pagbuhat og malisod nga mga butang ug mahimong maghunahuna kon makahimo ba kita.

1. Pagbutang og basiyo nga sudlanan, sama sa baldi o usa ka kahon, diha sa usa ka suok sa kwarto.

2. Hatagi ang matag sakop sa pamilya og usa ka balhibo.

3. Sugod didto sa atbang nga bahin sa kwarto gikan sa sudlanan, ipapaningkamot sa mga sakop sa pamilya nga maabot ngadto sa sudlanan ang ilang balhibo pinaagi sa pagtayhop niini nga magpabilin kini nga maglupad sa hangin samtang sila molatas sa kwarto.

4. Sa paghimo niining mas lisod, hatagi lang og 30 sigundos, ug mogamit og straw sa pagtayhop sa balhibo. Ipadayon sa pagkunhod sa gihatag nga oras hangtod ang kalihokan mahimong imposible.

Panaghisgotan: Aron mahinumdoman kanunay nga ang pipila ka mga hagit tingali dili masulbad niining kinabuhia, ipaambit ang usa ka kasinatian nga mipalig-on sa imong pagpamatuod nga “ang dili mahimo sa tawo mahimo sa Dios” (Lucas 18:27) Unsa nga ginagmay nga mga lakang ang imong mahimo sa matag adlaw aron makab-ot ang mga tahas sa imong kinabuhi nga ingon og imposible?

Gisumiter ni Lisa Thomas

Gikan sa Alang sa Kalig-on sa mga Kabatan-onan nga Magasin

Modawat sa Kahayag ni Kristo ug Mopaambit Niini

Si Presidente M. Russell Ballard nagtudlo sa mga kabatan-onan kon sa unsang paagi sila makaangkon og dugang pa nga kahayag ni Kristo nganha sa ilang mga kinabuhi ug kon sa unsang paagi sila makapaambit niini ngadto sa uban.

Tabang alang sa Nakalahutay sa Pag-abuso

Tan-awa unsa nga mga kapanguhaan ug suporta ang anaa aron sa pagtabang nga mahatagan og paglaom ug pagkaayo kadtong kinsa milahutay sa pag-abuso.

Pagsagubang sa mga Pangutana ug mga Pagduhaduha

Si Brother Jan E. Newman naghatag sa mga batan-on og pipila ka makatabang nga tambag alang sa mga higayon nga sila mobati nga gipalibotan sa kangitngit tungod sa malisod nga mga pangutana ug pagduhaduha.

Ang Tanang Butang Posible sa Dios

Tan-awa kon sa unsang paagi ang Dios mohimo og mga milagro alang kanato—sa karaan ug karon.

Gikan sa Higala nga Magasin

Si Jesukristo Mao ang Atong Kahayag

Basaha ang usa ka mensahe gikan ni Presidente Dallin H. Oaks kabahin kon sa unsang paagi si Jesus mao ang Kahayag sa Kalibotan. Dayon kompletoha ang usa ka pagtugma-tugma sa kasulatan nga kalihokan.

Tsart sa Pagbasa sa Kasulatan

Gamita kini nga tsart sa pagtuon sa mga kasulatan uban sa imong mga anak sa tibuok tuig.

Magsunod ni Jesus diha sa England

Matag bulan niining tuiga, himamata ang usa ka higala gikan sa usa ka lahi nga nasod ug magkat-on kon giunsa nila pagsunod si Jesus kon diin sila nagpuyo.