“iVakarau ni Veibulu Vei Ira na Jiu,” Liaona, Maji 2023.
iVakarau ni Veibulu Vei Ira na Jiu
Eratou veitacini o Lasarusa, Marica, kei Meri ka rau vakaitikotiko ena koro o Pecani. Era itokani ni iVakabula, ka dau sikovi iratou o Koya ena vica vata na gauna. Ena dua na gauna ena Nona cakacaka vakalotu, a biuti Jutia ko Jisu, na vanua e tiko kina o Pecani, baleta o ira na Jiu ena vanua o ya era gadreva me ra vakamatei Koya (raica na Joni 10:39–40). Ni sa lako tu o Jisu, a tauvimate o Lasarusa, ka mate, ka bulu me vaka na ivakarau vaka-Jiu (raica na Joni 11:1–17).
Oqo eso na itovo vakavanua era na rairai vakamuria ena mate nei Lasarusa kei na nona bulu.
Ni sa mate na tamata oya, sa sogo na matana. A savai na yago ena lumu boi me vaka na nada, na mura, kei na aloi (raica na Luke 23:56; Joni 19:38–40).
Droini mai vei Noah Regan
A solegi tu na yago ena isulu ka laveti ki na vale ni matavuvale, mera na sikovi ira kina na wekana kei na itikotiko raraba (raica na Cakacaka 9:37).
Ena kena ivakarau ni loma ga ni walu na auwa ni mate, sa na kau na yago ki na ibulubulu ena dua na idavodavo me rawa vei ira kece na vulagi me ra raica na yago (raica na Luke 7:12–14). Era liutaka na marama na itosotoso. Era dau dresulaka na lewe ni vuvale na nodra isulu me ivakatakilakila ni lolosi.
Eso na ibulubulu era ceuti ena vatu (raica na Maciu 27:58–60). E ka lailai sara na katuba ni ibulubulu me rawa ni ra cuva na tamata me ra curu kina.
A vakadavori na yago ena dua na idavodavo e ta mai na vatu. A sogoti tu na ibulubulu ena dua na vatu levu wirini me tarovi ira na daubutako se manumanu me ra curu kina.1
Ni sa vakabulai Lasarusa oti mai na mate o Jisu, sa tu vei iratou na Nona tisaipeli e dua na inaki kaukauwa ni inuinui ka sega walega ni lolositaka na yali ni dua na daulomani. Era sega ni cakitaka rawa ni, ena vuku i Jisu Karisito, “sa sega kina na kaukauwa ni ibulubulu, kei na bati gaga nei mate” (Mosaia 16:7).