Lako mai, Mo Muri Au

Maciu 2; Luke 7

Ena Vukei Au Vakacava Na iVakabula?

Vakabulai na Vukavuka, mai vei E. S. Hardy © Providence Collection / laiseni mai Goodsalt.com

O Jisu Karisito a “lako ka daucaka vinaka” (Cakacaka 10:38): A vakabula e dua na vukavuka (raica Maciu 8:2–3). A vakabulai koya na italai ni dua na senitiuri, ka vakila ni tawakilikili ia e vakabauta ni na vukei koya ga na iVakabula (raica Maciu 8:5–13). A solia na vakacegu vei iratou na Nona tisaipeli ena gauna ni cava (raica Maciu 8:23–27). Ni raica e dua na marama ka a vakaleqai ena mate nei luvena tagane duabau ga, a vakacegui koya ka solia vua na inuinui, qai vakaturi luvena tagane mai na mate (raica na Luke 7:11–15).

iTaviqaravi

Eda rawa ni vakila na kaukauwa ni iVakabula nikua ni da cakacakataka noda vakabauti Koya. Wilika e dua na itukutuku mai na wiliwili ni Macawa oqo Lako Mai, Mo Muri Au. Raica na sala a sotava kina na iVakabula na nodra gagadre kei na nodra vakabauta na tamata.

Vakasamataka se veivosakitaka na taro eso oqo mo vakasamataka kina na sala sa vukei iko kina na iVakabula ena nomu bula:

• Na gauna cava au a vakatikora kina na noqu vakabauta na iVakabula ka vakila na Nona veivakabulai (e lomamu, vakasama, vakayalo, se vakayago)?

• Na gauna cava au a vakila kina na Nona vakacegu?

• Na gauna cava au a ciqoma kina na veivuke tawanamaki mai vua na iVakabula?

• Na gauna cava au sa bau raica kina na Ligana ena cakamana se loloma veivueti malumu?

• Ena noqu bula ena gauna oqo, e rawa vakacava niu vaqaqacotaka na noqu vakabauti Koya ka ciqoma na Nona veivuke?

Ni da sa tudei ena lako mai vei Karisito ka vakaivuataki kei Koya, eda ciqoma na veivakalougatataki ni veivakasavasavataki, veivakabulai, kei na veivakaukauwataki ni Nona Veisorovaki tawayalani ka tawamudu.12

Elder David A. Bednar ena Kuoramu ni iApositolo Le Tinikarua, “Eda Vakabauta na Tiko Savasava,” Liaona, Me 2022, 15.