Nodra na iTubutubu

Nuitaka na Kaukauwa ni Turaga kei na Parofita

iTaba mai vei Raven Call, Deseret News

Kemuni na iTubutubu Lomani,

Ena noda vuravura veilecayaki torocake tikoga, ena rawarawa sara me da vakila na rere kei na veilecayaki. Ia ni da gole vei Jisu Karisito meda vakacegui, sa rawa Vua me kauta mai vei keda na vakacegu ena gauna ni cava ni bula. Wilika na itukutuku ena ilavelave oqo mo kila kina na sala e rawa ni vukei iko kina na iVakabula mo sokota vinaka na nomu bolebole.

Veivosakitaki ni Kosipeli

Sa Dau Solia Vakarawarawa na iVakabula na Vakacegu ena Veigauna ni Veivakaleqai

Wilika vata kei na nomu matavuvale na itukutuku nei Elder Uchtdorf ena tabana e 4 me baleta na sala e rawa ni veivakacegui kina na veivakabauti ki na kaukauwa gugumatua i Karisito ena veituvaki dredre. Veivosakitaka vata eso na sala e solia kina o Jisu na vakacegu. Na cava o rawa ni cakava mo sureta kina na Nona kaukauwa ki na nomu bula?

E Vakalougatataka Vakacava na Noda Matavuvale na Matabete?

Wilika na itukutuku ena tabana e 22 me baleta na veivakalougatataki ni matabete. Sureti ira na lewe ni matavuvale me ra wasea na gauna eso era a ciqoma kina e dua na veivakalougatataki ni matabete. Era a vakila beka vakacava? A vukei ira vakacava na veivakalougatataki? E tiko beka e dua na veivakalougatataki e rawa ni vukea e dua na lewe ni matavuvale ena gauna oqo?

Sa Vakayagataka na Turaga na Nona Parofita me Vukei Keda meda Teivaka na Yaloqaqa

Ena itukutuku ena tabana e 30, e tukuna kina o Elder Sikahema na sala a vukei koya kina na muria na ivakavuvuli ni parofita me tudei tu ena nona vakabauta kei na ivakatagedegede ena gauna ni nona cakacaka vakadauqito futupolo rogo ni Amerika kei na nona bula taucoko. Ni o wilika oti na itukutuku oqo, ena rawa vei ira yadua na lewe ni nomu matavuvale me ra wasea e dua na gauna a vukei ira kina na parofita me ra yaloqaqa.

Lako Mai, Mo Muri Au ena Marau Vakamatavuvale

Tubu, Tubu cake, e Veisiga

Ni da lewena na Lotu vakalesuimai i Jisu Karisito, sa noda itavi me da vukea na vakatuburi ni matanitu ni Kalou e vuravura. NaMaciu 13:31–32 e kaya:

“Sa vaka na sore ni musita na matanitu vakalomalagi, a sa kauta e dua na tamata, ka teivaka ena nona were:

“Ka sa lailai vakaidina na sorenikau kecega: ia ni sa tubu, sa levu duadua ena kedra maliwa na drauna, ka sa yaco me vunikau.”

1. Dabe wavoki ka somiditaki iko me vaka e dua na sore ni musita lailai.

2. Me ra veivukevuke ena vakatokayacataki ni dua na itaviqaravi e rawa ni ra cakava ena veisiga me vukea na Lotu me tubu (wasea nodra ivakadinadina, wasea e dua na ivolanikalou ena itukutuku raraba, wasea e dua na dina ni kosipeli vua e dua na itokani, kei na so tale).

3. Ena veigauna yadua kece e dua e tukuna e dua na itaviqaravi e vukea na tubu ni Lotu, era dabe vakadodonu cake na tamata kece ka ra qai tucake me yacova ni ra sa tucake balavu.

4. Veivosakitaka kei na nomu matavuvale na vuna e bibi kina vei ira yadua na tamata me ra cakava na nodra dui itavi me ra cau ki na tubu ni Lotu.

Vakauti mai vei Brenda Slade

Mai na Mekasini Me iSakisaki ni iTabagone

iVolalailai ni Koniferedi

Vakayagataka na ivurevure oqo mo vakavakarau ki na koniferedi raraba ka tautauri mai vakalevu ena vosa ni koniferedi.

Vakacegu ena Cava ni Bula

E vakatavulica o Elder Uchtdorf na sala e rawa ni vakamaravutaka kina na iVakabula na cava ena noda bula ka kauta mai vei keda na vakacegu.

Vakarau me Laki Kaulotu

Ni ra vakavakarau na itabagone me ra veiqaravi vakadaukaulotu, oqo eso na ka bibi e rawa ni ra vakanamata kina.

Na iVakarau e Vakamareqeti ira kina na Marama na iVakabula

Raica na sala a yaloqaqa kina na iVakabula ena nona vakaraitaka na yalovinaka kei na veidokai vei ira na marama, ka vulica mo muria na Nona ivakaraitaki.

Mai na Mekasini iTokani

Vakavakarau ki na Siganimate

Raica na italanoa kei na itaviqaravi ena iTokani ni vula oqo me vukei ira na luvemu mera vulica na veika e baleta na papitaiso kei na isevu ni nodra veiyalayalati.

Tudei ena Cava

Wilika e dua na italanoa iyaloyalo vakaivolanikalou baleti Jisu ni vakamaravutaka tiko na cava. Qai vulica me baleta e dua na goneyalewa mai Peru a kunea na vakacegu ena gauna ni dua na uneune.

Muri Jisu e Kiribati

Oqo o noda itokani o Scott ka vulica na sala e dau muri Jisu kina. Qai wilika e vuqa tale na ka me baleta na yanuyanu o Kiribati.

Me Baleti Ira na iTokani Lalai

Vakaraica na italanoa kei na itaviqaravi vakabibi vei ira na noda gone dauwiliwili, vakakina na veivuke ni vuli mera vakavulici kina na ivakavuvuli mai naLako Mai, Mo Muri Auvei ira na gone lalai.