Domodra na Yalododonu Edaidai

Noqu Rai mai Cake

Mai vei Milla Ray Acevedo Carrasco, Marlborough, Niu Siladi

E voleka niu viritaka tani na ka saraga au gadreva meu rawata kina na noqu lalawa.

iTaba ni Delana cecere na Roy Peak mai vua na dauvolaivola

Ena dua na gauna wale toka ga oqo, au a gole ena dua na taubale vakairogorogo ki na o Delana cecere o Roy ena veiulunivanua totoka ena Yanuyanu ena Ceva kei Niu Siladi. Ena vuku ga ni taubale tiko ena vica vata na auwa, au a taura ga na ka au gadreva: eso na ivakalomavinaka kei na vuqa na wai.

Niu sa tekivu, sa vaka me bikai tu na noqu katodreketi. Ni oti e veimama na auwa noqu taubale, au vakila na bibi ni noqu vakatawana e tabaqu ka lesu tale mai. Vakalailai ga, au a vakasamataka na kena kolotaki e so na wai. Ia ena gauna vata ga oya, au kila niu na gadreva vakakina.

Ni vo e dua veimama na auwa meu yacova yani na dela ni ulunivanua, sa tekivu me baba sobu na sala ka ubi tu ena ucacevata. Sa tekivu meu nanuma niu sega ni yacova rawa na delana, ia na noqu lalawa e vakauqeti au meu tomana.

Niu sa yaco yani i cake, au vakila ni sa mamada sara na noqu katodreketi. Ena gauna au sa qai kania na na kequ kau gunu sa voleka ni maca na mequ wai. Niu mai vakacegu ka vakavinavinakataka na totoka ni rairai mai cake, au vakananuma lesu na noqu ilakolako—ki na ulunivanua kei na bula.

Ena vica na auwa, au cabe tu ga, kau vakania ka vagunuva na yagoqu me rawa kina vei au meu kaukauwa meu toso tikoga. Na ka e vaka e dua na icolacola ena ivakatekivu—na wai veivakabulai—a vakalougatataki au meu yacova yani na noqu lalawa.

Eda dau sotava kece na tubucake kei na ca, ia na Yalo Tabu ena vukei keda me da vakatulewa vinaka. Sa voleka meu biuta tu yani e veimama ni dua na lita na wai ena sala, ia au a vakauqeti meu maroroya.

Ena mata caca, au vakavinavinakataka na Tamaqu Vakalomalagi ena vuku ni veivakasama oqo. Na noqu tiko ena veiulunivanua ucacevata ena siga oya a vakauqeti au meu vakadikeva na noqu bula, noqu vakatulewa, noqu lalawa, kei na noqu kato dreketi.

Ni bera noqu taubale, au a vakasinaiti ena veilecayaki me baleta na noqu bula kei na noqu cakacaka ena dua na vanua tani. Ia oqo au nanuma ni na daumaka na veika kece. Au kila ni na vukei au na Turaga.

Niu duavata kei na Yalotabu, au kila niu rawa ni vakatauca na lewa dodonu ka na laveti au ena vakasama, vakayago, ka vakayalo. Niu vakila niu sa bikai, au rawa ni gole vua na noda iVakabula, na ivurevure ni “wai bula” (Joni 4:10). Au kila ni na vakani au o Koya ka vakamamadataka na noqu icolacola (raica na Maciu 11:28–30).