Domodra na Yalododonu Edaidai

Na Veika Kecega ena Dodonu

Mai vei Alejandro Parada, Canelones, Uruguay

E vaka e balavu tikoga na gauna ka yaco mai e dua na vuniwai dauveisele ena rumu nei tinaqu.

iTaba kei Russell M. Nelson mai vei Eldon K. Linschoten

Ena 1980 vakacaca, a tauvi tamaqu e dua na mate bibi ni uto, ka lakocuruma edua na veisele ni uto ka keitou nuitaka ni na vakabalavutaka na nona bula.

Ena gauna o ya, na iwalewale ni veisele vou a vakayagataki ka vou sara ki Uruguay. Era sa vakaisosomitaka na dauveisele na paipo ni uto kei na dua na paipo buli. Sa yaco kina, me sa matau na iwalewale oya ka sa vakabula na bula e sega ni wili rawa.

Me vaka ni a vakaitavi ena veisele oqo na iwalewale ni veisele oqo, e vica na dauveisele uto era tiko kina, ka ra vakadikeva tiko na veisele. Ni ra cakacaka tiko na dauveisele, a dabe lomaleqa o tinaqu ena rumu ni wawa. Na kena balavu sa vaka me sega ni oti rawa.

Keirau reki ni keirau kila ni lako vinaka na veisele. Ni curu yani na rumu ni veisele, a gole yani e dua veiratou na dauveisele ki na rumu ni wawa. E dauniveisele veisiko tiko mai Uruguay me liutaka na veisele oqo.

A torovi tinaqu yani, tu vakadua, ka tara na tabana ena veivakadeitaki. Ia, ni rai yani ki matana, e kaya o koya, “Ena vinaka na ka kecega.”

A dina sara o dauniveisele. A bula voli o tamaqu ena 24 tale na yabaki, ka qarava tiko na Turaga ena yalona taucoko—bulabula ena gauna oqo—me yacova na iotioti ni siga ni nona bula.

Ena koniferedi raraba ni Lotu se qai oti toka ga oqo, a vakananumi vei tinaqu na veisiko digitaki oya ena vuqa na yabaki sa oti. Na ka dina, ni dau vakananuma vei ira na Yalododonu ena veigauna kece sara na dauvesele veisiko o—Peresitedi Russell M. Nelson ni vosa vei ira na Yalododonu.

O ira kece na parofita ni Turaga era uasivi vei keda ena so na sala. Eso era ka talei baleta ni ra a veiqaravi vaka-Peresitedi ni Lotu ni da se gone. Eso era dau vakamareqeti baleta ni ra a veiqaravi vaka-Peresitedi ena gauna eda papitaiso kina. Vei au kei tinaqu, o Peresitedi Nelson e bibi baleta ni kila o koya ni iwalewale ni veiqaravi vakavuniwai yadua e sega walega ni tarai ira na tauvimate ia o ira talega na nodra daulomani. E kila o koya ni ra gadreva na lewe ni matavuvale na vosa ni veivakayaloqaqataki, kaukauwa, kei na veivakadeitaki ni sa vakacacani na nona bula se nona bula e dua na daulomani.

Eda na dau vakavinavinakataka tu ga na vosa nei Peresitedi Nelson ena veivakadeitaki sa oti mai Uruguay kei na nona bula ni veiqaravi vua na Tamada Vakalomalagi kei ira na luvena na Tamada Vakalomalagi.