Lako mai, Mo Muri Au

Maciu 12

Na Cava na Kena iBalebale, me Vakatabui na Siga ni Vakacecegu.

Mai na Cornfields, mai vei W. Paget © Providence Collection / laiseni mai na Goodsalt.com

E tukuna Russell M. Nelson, ni se cauravou, a vulica na veika me cakava se sega ni cakava ena Siga ni Vakacecegu. E muri a qai vulica mai na ivolanikalou ni nona ivalavala kei na ivakarau ni rai ena Siga ni Vakacecegu e matataka tiko e dua na ivakatakilakila kei koya kei na Tamada Vakalomalagi (raica na Lako Yani 31:13).

Ena kila oqori: “Sa sega tale ni gadrevi, meu vola na veika meu cakava se kua. Ni gauna meu vakatulewa kina se vinaka se ca e dua na itavi ena Siga ni Vakacecegu, au sa tarogi au ga, ‘Na ivakatakilakila cava meu vakaraitaka vua na Kalou?’” (“Me ka Rekitaki na Siga ni Vakacecegu,” Liaona, Me 2015, 130; vakamatatataki na kena eliu).

iTaviqaravi

Wilika na ivakavuvuli i Karisito me baleta na Siga ni Vakacecegu ena Maciu 12:1–13; raica talega na Aisea 58:13 kei na Vunau kei na Veiyalayalati 59:9–13. Vakalewena na ivolakabi kei na ivakavuvuli vakaivunau o kunea ena veivakavuvuli oqo. Vakamatavuvale, veivosakitaka na sala eso o rawa ni bulataka kina na ivakavuvuli oqo nikua. E rawa ni o vola na nomu nanuma ena kolomu ni “iVolakerekere ni Gauna Oqo”.

Vakavuvuli i Jisu	iVolakerekere ni Gauna Oqo

Veivosaki

Vakasamataka vakamatavuvale na taro nei Peresitedi Nelson, “Na ivakatakilakila cava au vinakata meu solia vua na Kalou?” ka veivosakitaka na sasaga vakatabakidua cava o rawa ni cakava mo “caka vinaka ena siga ni vakacecegu” (Maciu 12:12).