« អែលឌើរ អាម៉េឌ អេស ខ័រប៊ីត » លីអាហូណាខែ ឧសភា ឆ្នាំ ២០២៣ ។
ការហៅថ្មីៗ
អែលឌើរ អាម៉េឌ អេស ខ័រប៊ីត
ពួកចិតសិបនាក់ដែលមានសិទ្ធិអំណាចទូទៅ
អែលឌើរ អាម៉េឌ អេស ខ័រប៊ីត មានប្រសាសន៍ថា ការផ្ដល់ការងារបម្រើនៅជុំវិញពិភពក្នុងនាមជាទីប្រឹក្សានៅក្នុងគណៈប្រធានយុវជនទូទៅ បានជួយផ្ដល់ដល់ការហៅថ្មីរបស់លោកនូវ « សមត្ថភាពកាន់តែខ្លាំងក្នុងការស្តាប់ការដឹកនាំរបស់ព្យាការី និងសាវក និងការណែនាំដោយបង្កើនការថែទាំ និងជំនឿ » ។
ដោយត្រូវបានហៅបម្រើនៅក្នុងគណៈប្រធានយុវជនទូទៅនៅខែ មេសា ឆ្នាំ ២០២០ អែលឌើរ ខ័រប៊ីត បានចំណាយពេល ៣ ឆ្នាំកន្លងមកធ្វើការជាមួយអ្នកដឹកនាំយុវវ័យដទៃទៀត ដើម្បីពង្រឹងជំនាន់ដែលកំពុងពេញវ័យ និងអញ្ជើញពួកគេឲ្យចូលរួមយ៉ាងសកម្មក្នុងកិច្ចការនៃសេចក្តីសង្រ្គោះ និងភាពតម្កើងឡើង ។
លោកបានមានប្រសាសន៍ថា « ខ្ញុំមិនគិតថា អារម្មណ៍នៃភាពបន្ទាន់របស់ខ្ញុំក្នុងការពង្រឹងជំនាន់ដែលកំពុងពេញវ័យនឹងថយចុះនោះទេ » ។ « ពួកគេនឹងក្លាយជាអ្នកដឹកនាំដ៏ល្អជាងយើង ពីព្រោះពួកគេនឹងលូតលាស់ឡើងដោយមានឱកាសធ្វើកិច្ចការនៃសេចក្ដីសង្គ្រោះ និងភាពតម្ដើងឡើងតាមរបៀបដែលកាន់តែខ្ពង់ខ្ពស់ និងកាន់តែបរិសុទ្ធ » ។
អាម៉េឌ សាឡឹម ខ័រប៊ីត វ័យ ៦០ ឆ្នាំ កើតនៅថ្ងៃទី ១៦ ខែ សីហា ឆ្នាំ ១៩៦២ ដែលមានឳពុកឈ្មោះ ជេមស៍ អ័រ ខ័រប៊ីត និងម្ដាយឈ្មោះ អាមិលលៀ ខ័រប៊ីក ក្នុងទីក្រុង ហ្វីលីដែលហ្វៀរ រដ្ឋ ផេនស៊ីវិនញ៉ា ស.រ.អា. ។ នៅថ្ងៃខួបគម្រប់ ១៨ ឆ្នាំរបស់លោក អាម៉េឌ បានចូលជាសមាជិកសាសនាចក្រ តាមម្ដាយ និងបងប្អូនមួយចំនួនរបស់លោកចូលទៅក្នុងទឹកនៃពិធីបុណ្យជ្រមុជទឹក ។ ហើយឳពុកចុងរបស់លោកបានទទួលបុណ្យជ្រមុជទឹកនៅឆ្នាំបន្ទាប់ ។
បន្ទាប់ពីបានចូលរៀននៅសកលវិទ្យាល័យ រីកស៍ ( ឥឡូវនេះ សាកលវិទ្យាល័យព្រិកហាំ យ៉ង់–អៃដាហូ ) និងបម្រើនៅក្នុងបេសកកម្ម ព័រតូរីកូ សាន ជូន ពីឆ្នាំ ១៩៨២ ដល់ ឆ្នាំ ១៩៨៤ លោកបានជួប ជេន ចូលីន ក្នុងអំឡុងពេលធ្វើដំណើរទស្សនកិច្ចទៅព្រះវិហារបរិសុទ្ធសម្រាប់មជ្ឈិមវ័យនៅលីវ ។ ពួកគាត់បានរៀបការនៅខែ កុម្ភៈ ឆ្នាំ ១៩៨៥ នៅឯព្រះវិហារបរិសុទ្ធ វ៉ាស៊ីងតោន ឌីស៊ី ។ ពួកគាត់មានកូនបួននាក់ ។
អែលឌើរ ខ័រប៊ីត មានសញ្ញាប័ត្រមកពីសាកលវិទ្យាល័យ ស្តុកតុន ក្នុង រដ្ឋញ៉ូវជើស៊ី និងមកពីសកលវិទ្យាល័យផ្នែកច្បាប់ រ៉ាត់ជឺ ។ លោកបានបម្រើជាប្រធានបេសកកម្មនៅសាធារណរដ្ឋ ដូមីនីក សានតូ ដូមីនហ្គោ ខាងកើត ប្រធានស្តេក ទីប្រឹក្សាក្នុងគណៈប្រធានស្ដេកចំនួនពីរ និងជាទីប្រឹក្សាជាន់ខ្ពស់ ។
អែលឌើរ ខ័រប៊ីត បានធ្វើការជាមេធាវីកាត់ក្តីផ្នែកទំនាក់ទំនងសាធារណៈ និងរដ្ឋាភិបាល ជានាយកនៃការិយាល័យសាធារណៈ និងកិច្ចការបរទេស ញូវយ៉ក របស់សាសនាចក្រ និងជាអ្នកជំនាញបេសកកម្មប្រចាំតំបន់ ។