« អែលឌើរ រ៉ូបឺត អិម ដេណេស » លីអាហូណាខែ ឧសភា ឆ្នាំ ២០២៣ ។
អែលឌើរ រ៉ូបឺត អិម ដេណេស
ពួកចិតសិបនាក់ដែលមានសិទ្ធិអំណាចទូទៅ
អែលឌើរ រ៉ូបឺត អិម ដេណេស កំពុងធ្វើការជាសាស្ត្រាចារ្យផ្នែកច្បាប់ និងផ្នែកអាជីវកម្មនៅសាកលវិទ្យាល័យ ស្តេនហ្វត នៅពេលលោកត្រូវបានហៅឲ្យបម្រើជាគ្រូបង្រៀនថ្នាក់សិក្ខាសាលាពេលព្រឹកព្រលឹម ។
ក្នុងនាមជាពួកបរិសុទ្ធថ្ងៃចុងក្រោយពេញមួយជីវិត អែលឌើរ ដេណេស បានដឹងអំពីដំណឹងល្អ ប៉ុន្តែអ្វីមួយអំពីការហៅនោះបានជំរុញលោកឲ្យសិក្សាព្រះគម្ពីរដូចមិនធ្លាប់បានធ្វើពីមុនមក ។ ភរិយារបស់លោក រូស បានប្រាប់ថា លោកតែងតែចូលគេងពីព្រលប់ ហើយក្រោកពីដំណេកម៉ោង ៤ ព្រឹកព្រោះលោកត្រូវការពេល ៣ ម៉ោងដើម្បីត្រៀមមេរៀនប្រចាំថ្ងៃជាមួយសិស្សចំនួន ១៥ នាក់ ។
លោកបានមានប្រសាសន៍ថា ៖ « មនុស្សខ្លះមានទេពកោសល្យ អ្នកខ្លះត្រូវតែជំរុញ » ។ « ខ្ញុំនៅក្នុងប្រភេទ ‹ មនុស្សដែលត្រូវតែជំរុញ › » ។
អែលឌើរ ដេណេស បានមានប្រសាសន៍ថា គាត់បានសិក្សាព្រះគម្ពីរជាច្រើនម៉ោងជារៀងរាល់ថ្ងៃដោយសារគាត់ចង់ដឹង និងទទួលអារម្មណ៍នៃសេចក្ដីស្រឡាញ់របស់ព្រះអង្គសង្គ្រោះ ហើយបន្ទាប់មកជួយសិស្សរបស់លោកឲ្យមានទំនាក់ទំនងដូចគ្នា ។ បទពិសោធន៍ដែលមានរយៈពេលមួយទសវត្សរ៍នេះមានឥទ្ធិពលយ៉ាងខ្លាំងទៅលើសេចក្ដីជំនឿ និងទីបន្ទាល់របស់លោក ។
« ខ្ញុំមានអារម្មណ៍ថា ខ្ញុំពិតជាបានផ្លាស់ប្រែចិត្តជឿយ៉ាងពិតប្រាកដ ហើយបានស្គាល់ព្រះយេស៊ូវគ្រីស្ទក្នុងនាមជាគ្រូបង្រៀនថ្នាក់សិក្ខាសាលានៅ ប៉ាឡូ អាល់តូ រដ្ឋកាលីហ្វ័រញ៉ា » នេះបើយោងតាមប្រសាសន៍របស់ អែលឌើរ ដេណាស ដែលត្រូវបានគាំទ្រជាពួកចិតសិបនាក់ដែលមានសិទ្ធិអំណាចទូទៅអំឡុងសន្និសីទទៅ នៅខែ មេសា ឆ្នាំ ២០២៣ ។
អែលឌើរ រ៉ូបឺត មើរៀល ដេណេស កើតនៅ ទីក្រុង ប្រ៊ូមមីងតុន រដ្ឋអ៊ិនឌីអាណា ស.រ.អា. នៅថ្ងៃទី ២៨ ខែ កក្កដា ឆ្នាំ ១៩៦៤ ដែលមានឳពុកឈ្មោះ រ៉ូប៊ឺត ហេនរី ដេណេស ទីបី និងម្ដាយឈ្មោះ ចេណែត ឡុនឌ្រិន ដេណេស ។ លោកបានធំឡើងនៅទីក្រុង ប្រូវ៉ូ រដ្ឋ យូថាហ៍ ហើយបានរៀបការនឹង រូស អាន គ្លេសៀ នៅឯព្រះវិហារបរិសុទ្ធ សលត៍ លេក នៅខែ ធ្នូ ឆ្នាំ ១៩៨៨ ។ ពួកគាត់មានបុត្រចំនួនប្រាំនាក់ ។
អែលឌើរ ដេណេស បានបញ្ចប់ការសិក្សាពីសាកលវិទ្យាល័យ ព្រិកហាំ យ៉ង់ ពីមុនទទួលបរិញ្ញាបត្រផ្នែកច្បាប់ពីសកលវិទ្យាល័យ យ៉េល ។ លោកបានធ្វើការជាសហការីរបស់ក្រុមហ៊ុន ហ្គោលម៉េន សាចឆ៍ ហើយបន្ទាប់មកបានបង្រៀននៅសាកលវិទ្យាល័យ ញូវយ៉ក និង យ៉េល ។ អស់រយៈពេលពីរទសវត្សរ៍កន្លងទៅនេះ អែលឌើរ ដេណេស បានធ្វើជាព្រឹទ្ធបុរសរង និងសាស្ត្រាចារ្យផ្នែកច្បាប់ និងផ្នែកអាជីវកម្ម ប្រីតហ្សឺ នៅសាកលវិទ្យាល័យ ស្តេនហ្វត ។
អែលឌើរ ដេណេស បានបម្រើជាអ្នកផ្សព្វផ្សាយសាសនាពេញម៉ោងនៅក្នុងបេសកកម្ម ហ្សូរីក ស្វីស ។ ការហៅមប្រើដទៃទៀតក្នុងសាសនាចក្ររួមមាន ប្រធានស្តេក ទីប្រឹក្សាជាន់ខ្ពស់ ប៊ីស្សព និងអ្នកដឹកនាំថ្នាក់ទារកដ្ឋាន ។ លោកកំពុងបម្រើជាប្រធានស្តេក កាលគ្រាដែលលោកត្រូវបានហៅ ។