អែលឌើរ ជេ គីម៉ូ អេសព្លីន

ពួកចិតសិបនាក់ដែលមានសិទ្ធិអំណាចទូទៅ

ប៉ុន្មានខែក្រោយពីបេសកកម្មរបស់លោក អែលឌើរ ជេ គីម៉ូ អេសព្លីន បានជួបគ្រោះថ្នាក់ចរាចរណ៍ដែលធ្វើឲ្យឳពុករបស់លោកស្លាប់បាត់បង់ជីវិត ។ ប៉ុន្មានខែក្រោយមកប៉ុណ្ណោះ រថយន្តរបស់លោកត្រូវគេបុកពីក្រោយដោយម្ដាយរបស់លោកអង្គុយនៅក្បែរលោក ។ រថយន្តបានក្រឡាប់ ហើយម្តាយ និងក្មួយស្រីរបស់លោកបានស្លាប់បាត់បង់ជីវិត ។

ទោះបីលោកត្រូវជួបសោកនាដកម្ម និងទុក្ខសោកក៏ដោយ ក៏អែលឌើរ អេសព្លីន ចាត់ទុកខ្លួនលោកថាមានពរ ។ លោកថ្វាយអារម្មណ៍ទាំងនោះចំពោះព្រះអម្ចាស់ និងសេចក្ដីល្អ និងសេចក្ដីមេត្តាករុណាដ៏ទន់ភ្លន់របស់ទ្រង់ ។

លោកបានមានប្រសាសន៍ថា ៖ « ជីវិតលោកគឺមានសភាពល្អ » ។

ពាក្យមួយក្នុងចំណោមពាក្យដែលលោកចូលចិត្តគឺ « ព្រះអម្ចាស់មិនបានធ្វើវាដាក់អ្នកទេ តែទ្រង់កំពុងធ្វើវាសម្រាប់អ្នក » ។

បន្ទាប់ពីឪពុកម្តាយរបស់លោកបានស្លាប់ បងស្រីរបស់លោកបានបញ្ជូនលោកទៅសិក្សានៅបរទេស ទៅសាកលវិទ្យាល័យ ព្រិកហាំ យ៉ង់ មជ្ឈមណ្ឌលយេរូសាឡិម ។ នៅទីនោះ លោកបានជួប ខាយ ដាវីស ។

អ្នកទាំងពីរបានក្លាយជាមិត្តល្អនៅពេលដែលក្រុមរបស់ពួកគាត់បានបោះជំរំនៅទីរហោស្ថាន ស៊ីណៃ ធ្វើការនៅចម្ការចេក និងបានសិក្សាព្រះគម្ពីរសញ្ញាចាស់ និងសញ្ញាថ្មីជាមួយគ្នា ។

ក្រោយពីត្រឡប់ទៅ ប្រូវ៉ូ រដ្ឋយូថាហ៍ វិញ ពួកគាត់បានចាប់ផ្ដើមដើរលេងជាមួយគ្នា ។ ពួកគាត់បានរៀបការនៅឯព្រះវិហារបរិសុទ្ធ សលត៍ លេក នៅថ្ងៃទី ៤ ខែ ធ្នូ ឆ្នាំ ១៩៨៥ ។ ពួកគាត់មានបុត្រប្រាំបីនាក់ ។

ជុន រូស គីម៉ូ អេសព្លីន កើតនៅថ្ងៃទី ១៨ ខែ សីហា ឆ្នាំ ១៩៦២ នៅទីក្រុង កាហ៊ូគូ រដ្ឋហាវ៉ៃ ស.រ.អា. ។ លោកគឺជាកូនពៅ—ហើយជាកូនប្រុសតែម្នាក់គត់—ក្នុងចំណោមកូនទាំងប្រាំបីរបស់ រូស អេស និង អូលីវ អូរ៉ា មូតឌី អេសព្លីន ។

អែលឌើរ អេសព្លីន បានបញ្ចប់ការសិក្សាថ្នាក់បរិញ្ញាបត្រផ្នែកគណនេយ្យមកពីសាកលវិទ្យាល័យ ព្រិកហាំយ៉ង់ ក្នុងឆ្នាំ ១៩៨៧ ។ បន្ទាប់ពីផ្លាស់ប្តូរគ្រួសាររបស់លោកទៅ ទីក្រុង ឈីកាហ្គោ រដ្ឋអិលលីណយ លោកបានចាប់ផ្តើមអាជីពរបស់លោកក្នុងធនាគារវិនិយោគ និងបញ្ចប់ថ្នាក់អនុបណ្ឌិតផ្នែកគ្រប់គ្រងអាជីវកម្ម ។

នៅពេលដែលអែលឌើរ អេសព្លីន បានក្លាយជាអនុប្រធានប្រតិបត្តិ និងជាប្រធានមន្ត្រីហិរញ្ញវត្ថុសម្រាប់សាជីវកម្ម ហាន់មេន គ្រួសារនេះបានផ្លាស់ប្តូរទីលំនៅមួយរយៈខ្លីទៅប្រទេសប៊ែលហ្សិក មុនពេលទៅរស់នៅ ខូតុនវូដ ហាយស៍ រដ្ឋយូថាហ៍ ។

អែលឌើរ អេសពី្លន ដែលជាពួកចិតសិបនាក់ប្រចាំតំបន់ នៅពេលដែលលោកត្រូវបានហៅជាពួកចិតសិបនាក់មានសិទ្ធិអំណាចទូទៅ បានបម្រើជាប្រធានបេសកកម្មនៅក្នុងបេសកកម្ម តូក្យូ ជប៉ុន និងតូក្យូខាងត្បូងជប៉ុន ។ ក្នុងនាមជាអ្នកផ្សព្វផ្សាយពេញម៉ោងវ័យក្មេងម្នាក់ លោកបានបម្រើនៅក្នុងបេសកកម្ម កូបេ ជប៉ុន ។ លោកបានបម្រើជាប្រធានស្តេក ទីប្រឹក្សាជាន់ខ្ពស់ និងប៊ីស្សព ។