ប្រធាន ចនសុន និងប្រធាន ខ័រឌុន ធ្វើទស្សនកិច្ចនៅប្រទេសអាហ្វ្រិក
ប្រធានសមាគមសង្គ្រោះទូទៅ និងប្រធានអង្គការយុវនារីបានទៅកាន់តំបន់អាហ្វ្រិកខាងកើត និងកណ្ដាលកាលពីខែ មីនា ដើម្បីជួបប្រជុំជាមួយពួកបរិសុទ្ធ និងថ្នាក់ដឹកនាំរដ្ឋាភិបាល និងទៅទស្សនាទីតាំងផ្តល់មនុស្សធម៌ ។ ប្រធានសមាគមសង្គ្រោះទូទៅ ខាំមៀល អិន ចនសុន និងប្រធានក្រុមយុវនារីទូទៅ បូនី អេច ខ័រឌុន បានចាប់ផ្តើមដំណើរទស្សនកិច្ចនៃការងារបម្រើរបស់ពួកគាត់រយៈពេលប្រាំបួនថ្ងៃនៅទីក្រុង ណៃរ៉ូប៊ីំ ប្រទេស កេនយ៉ា ។
ប្រធានខ័រឌុនបានធ្វើដំណើរទៅប្រទេសកេនយ៉ា ប្រទេសអ៊ូហ្គង់ដា សាធារណរដ្ឋប្រជាធិបតេយ្យកុងហ្គោ និងសាធារណរដ្ឋកុងហ្គោ ។ ប្រធាន ខ័រដុន បានមានប្រសាសន៍ថា ៖ « យើងបាននិយាយទៅកាន់ថ្នាក់ដឹកនាំរដ្ឋាភិបាលដែលមានបំណងចង់ជួយក្រុមគ្រួសារ ហើយយើងមានការស្ងើចសរសើរយ៉ាងខ្លាំងចំពោះថ្នាក់ដឹកនាំដែលចង់ដើរតាមព្រះយេស៊ូវគ្រីស្ទ » ។ « ក្នុងនាមជាអ្នកដឹកនាំដែលមានជំនឿ យើងចែករំលែកគោលដៅរួមមួយដើម្បីជួយកសាងក្រុមគ្រួសារ ដូច្នេះវាអស្ចារ្យណាស់ » ។
ប្រធាន ចនសុន បានធ្វើដំណើរទៅភាគឦសាននៃប្រទេសអ៊ូហ្គង់ដា ជាមួយអង្គការ យូនីស្វែហ្វ ( ពីមុនជាមូលនិធិសង្គ្រោះបន្ទាន់កុមារអន្តរជាតិរបស់អង្គការសហប្រជាជាតិ ដែលឥឡូវនេះជាមូលនិធិកុមាររបស់អង្គការសហប្រជាជាតិ ) និងបានជួបជាមួយពួកបរិសុទ្ធថ្ងៃចុងក្រោយនៅទីក្រុងលូបាំបាហ្ស៊ី សាធារណរដ្ឋ ប្រជាធិបតេយ្យ កុងហ្គោ ។ « នេះគឺជាកិច្ចខិតខំបន្ថែមរបស់សមាជិកយើងដើម្បីដោះស្រាយតម្រូវការទាំងនោះ—គឺតម្រូវការមនុស្សធម៌—របស់កុមារក្នុងពិភពលោក ហើយយើងបានរកឃើញពួកគេ ។ វាគឺជាសេរីល្អ » ប្រធាន ចនសុន ដែលមានដំណើរទស្សនកិច្ចជាមួយអង្គការ យូនីស្វែហ្វ បានមានប្រសាសន៍ដូច្នេះ ។ « វាគួរឲ្យរំភើប និងឈឺចាប់ផងដែរ ប៉ុន្តែខ្ញុំបានចាកចេញពីទីនោះដោយក្ដីសង្ឃឹម » ។