“E Mafai Faapefea Ona Ou Talitonu e aunoa ma le Vaai?,” Liahona, Iulai 2023.
Sau, Mulimuli Mai ia te A’u
E Mafai Faapefea Ona Ou Talitonu e aunoa ma le Vaai?
Faamatalaga mai le Keriso o Loo Faaali atu i le Toasefululua ina ua mavae le Toetu, saunia e Scott Snow
O se tasi o Aposetolo a Iesu Keriso, o Toma, o le sa lē talitonu ua toetu mai Keriso seia oo ina ia vaai ia te Ia i la le tino (tagai i le Ioane 20:25). Ina ua iu ina vaai Toma i le Faaola toetu, sa ta’u atu e le Faaola ia te ia, “Toma e, ua e talitonu, auā ua e vaai mai ia te au. Amuia o e lē vaai mai, a e faatuatua mai pea” (Ioane 20:29).
E mafai faapefea ona tatou mulimuli i le valaaulia a Iesu Keriso ia “aua foi e te masalo vale, a ia e talitonu”? (Ioane 20:27).
Auala e Faamalosia ai le Faatuatua ma le Molimau
Suesue i tusitusiga paia. “E tupu le faatuatua i le taulogologo atu, o le taulogologo atu foi o i le afioga a le Atua lea” (Roma 10:17).
Ola i le talalelei. “Ai se tasi e fia fai lona finagalo, e iloa ai e ia le mataupu, pe mai le Atua, pe ou te tautala fua lava au” (Ioane 7:17).
Saili faaaliga e ala i le Agaga Paia. O le upumoni e sili ona taua ua na o faaaliga mai le Atua e faamaonia ai. O a tatou mafuaaga faaletagata ma le faaaogaina o o tatou lagona faaletino o le a le lava lea” (Henry B. Eyring, “O Le Agaga Paia e fai ma Au Soa,” Liahona, Nov. 2015, 104).