Sau, Mulimuli Mai ia te A’u

Galuega 11

O Le A le Uiga o le Avea ma Se Kerisiano?

O Keriso o loo AoaoIna Ona Soo, Aoga FaaPeretania i le Seneturi Lona 19, © Look and Learn / Bridgeman Images

I le tusi o Galuega ua tatou aoao ai o soo o e na mulimuli ia Keriso i le Ekalesia anamua ua “igoa foi le au soo o Kerisiano” (Galuega 11:26). Ua faapena foi, o tagata O Le Ekalesia a Iesu Keriso o le Au Paia o Aso e Gata Ai o loo taumafai e avea ma ni Kerisiano lelei. O le a le uiga o le avea o se Kerisiano?

E le o se tautinoga faigofie o le talitonu. O le avea ma se Kerisiano e manaomia ai le sili atu nai lo le na o le tuuto i le igoa. Na fesili Elder Robert D. Hales (1932–2017) o le Korama a Aposetolo e Toasefululua: “O a ituaiga o Kerisiano o i ai i tatou? I se isi faaupuga, o faapefea mai la tatou malaga e mulimuli ia Keriso?”¹

Uiga FaaKeriso

Ua uunaia i tatou e Elder Hales e iloilo lo tatou alualu i luma i le atiina ae o uiga auaumama faaKeriso nei:²

• Alofa

• Faatuatua

• Taulaga

• Tausiga

• Auauna atu

• Onosai

• Toafilemu

• Faamagaloga

• Liua

• Tumau e oo i le iuga

Talanoaga

Na aoao mai Peresitene Russell M. Nelson e faapea o se tasi o o tatou faasinomaga sili ona taua o le “soo o Iesu Keriso.”³ E faapefea ona iloa e tagata o oe o se Kerisiano, po o se soo o Iesu Keriso?

Faamatalaga

1. Robert D. Hales, “Avea o se Kerisiano Moni e Faapei o Keriso,” Liahona, Nov. 2012, 90.

2. Tagai i le Robert D. Hales, “Avea o se Kerisiano Moni e Faapei o Keriso,” 91–92.

3. Russell M. Nelson, “Filifiliga mo le Faavavau” (faigalotu i le lalolagi atoa mo le autalavou matutua, 15 Me, 2022), broadcasts.ChurchofJesusChrist.org.