Sau, Mulimuli Mai ia te A’u

Galuega 2

E Faapefea Ona E Ola i le Aoaoga Faavae a Keriso?

Ata na tusia e Vicky Scott

Ina ua mavae le sasaa mai o le Agaga i le aso o le Penetekoso, sa molimau atu Peteru ma isi Aposetolo e uiga ia Keriso ma aoao atu Lana aoaoga faavae. O tagata ua “tuia lea o latou loto” ma fesili, “Se a se mea matou te faia?” (Galuega 2:37). Sa valaaulia e Peteru i latou ia salamo, ia papatisoina, ma maua le meaalofa o le Agaga Paia (tagai i le Galuega 2:38). Pe tusa ma le 3,000 tagata na “papatisoina lea o e na talia lana upu ma le fiafia” (Galuega 2:41).

O le faaaogaina o le aoaoga faavae a Keriso tatou te latalata atili atu ai ia te Ia. Mafaufau e tomanatu pe faapefea ona e faaaogaina nei vaega e lima o aoaoga faavae:

1. Faatuatua i le Alii o Iesu Keriso: O a mausa ma gaoioiga e fesoasoani e faatupuina ai lou faatuatua ia Iesu Keriso?

2. Salamo: E faapefea ona e faia le salamo o se faagasologa fiafia?

3. Papatisoga: O le a sau mea o fai e ola ai i au feagaiga o le papatisoga?

4. Meaalofa o le Agaga Paia: O a siosiomaga ma gaoioiga e te maua ai le avanoa sili i uunaiga a le Agaga?

5. Tumau e oo i le iuga: Na faapefea e le tausia o au feagaiga, i le i ai o le faamoemoe ia Keriso, ma le pipiimau i le ai uamea ona fesoasoani ia te oe e onosaia ai tofotofoga faigata? Tagai i le Ieremia 17:7; 2 Nifae 31:20; Eteru 12:4.

“O le mataupu faavae a Keriso lea e faatagaina i tatou ina ia maua le mana faaleagaga lea o le a siitiaina i tatou mai o tatou tulaga faaleagaga o i ai nei i se tulaga e mafai ai ona faaatoatoaina i tatou faapei o le Faaola.”

Uso Brian K. Ashton, sa avea muamua ma Fesoasoani Lua i le Au Peresitene Aoao o le Aoga Sa, “O Le Mataupu Faavae a Keriso,” Liahona, Nov. 2016, 106.