Ippān Doon āinwōt Brother im Sister ro ilo Kraist,” Liaona, Jept. 2023.
Ruwainenetok n̄an Bok In
Ippān Doon āinwōt Brother im Sister ro ilo Kraist
Ainikien jim̧or kōrā im em̧m̧aan rej menin aikuj n̄an kōtōprak jerbal eo an Irooj. Mekarta eoktak, kōj jej kōkajoor doon, koba ilo kōttōpar in ad n̄an erom̧ rikaļoor ro an Kraist.
Oktak ko ad rejjab n̄an ukōtļok kōj jān kōttōpar in. Bōtaab, oktak ko ad rej kūtbuuj tōļan ko ad im men ko jej litok me ippān doon ej kōkajoor m̧akūtkūt eo ad ilo jerbal in lo̧mo̧o̧r im mour indeeo aolepen laļ in. Elder Gerrit W. Gong jān Doulul eo an Jon̄oulruo Rijilōk ro ej je ilo ļo̧o̧k in , “Jej tōpari kāālet ko rem̧m̧anļo̧k im wōr jeram̧m̧an ko reļļapļo̧k ilo jerbal in an Irooj ilo ad kaorōk mennin letok ko an doon im jerbal ippān doon, brother im sister ro ilo jerbal in An” (peij 4). Ekōjkan ad kōtōprak koba ippān doon rōt in? Jej aikuj wōr ad tōmak bwe Irooj emaron̄ jerbal ippān oktak ko ad n̄an em̧m̧an ilo aelōn̄ in kiin̄ eo An.
Ilo artilce eo an ilo peij 8, Iaar kwaļo̧k ta eo iaar ekkatak jān bwebwenato in kōrā in canaan eo ilo Kallim̧ur Ekāāl, eo eaar pukōtļo̧k Rilo̧mo̧o̧r n̄an kemour leddik eo nejin. Liin ejjab jān m̧weo im̧ōn Israel. Bōtaab eaar wōr an tōmak ke kajoor in kemour eo an Irooj emaro̧n̄ kemour ajri eo nejin, im tōmak in ekabwilōn̄lōn̄ ekar kakobaik e ippān armij in bujen eo im boktok kabwilōn̄lōn̄ in.
Jen reilo̧k n̄an Rilo̧mo̧o̧r ilo aolep men jej kōm̧m̧an, ilo “burueer ren kuk ippān doon ilo bōrokuk im ilo iakwe n̄an doon” (Mosaia 18:21). Jej jeram̧m̧an n̄an ekkatak jān oktak ko ad rekajoor im kaorōk i āinwōt an Kraist kaorōki. Eļap aō kamo̧o̧lo̧l bwe ewōr juon aō Seperd eo ej ron̄jake ainikied ko reoktaktak an sheep ko An.
Ilo kautiej,
Būreejtōn Camille N. Johnson
Būreejtōn eo Eutiej an Doulul eo an Kōrā ro