“Kwaļo̧k 72 kape ko in Bok in MormonAjeeji 72 Kape ko an Bok in Mormon,” Liaona, Jept. 2023.
Ainikien ko an Armej ro Rekwojarjar ilo Raan Ko Āliktata
Ajeeji 72 Kape ko an Bok in Mormon
Aolep ien n̄e ij kōpeļļo̧k lo̧n̄iū in kōnono kōn Bok in Mormon eo, Jetōb Kwojarjar ej pād ippa.
Kōmeļeļe jān Allen Garns
Ilo kar nan̄inmij in COVID-19 peļaakin laļ, kem kar jeram̧m̧an in kar wōr rilale ļeo ippa, Claude, ilo mweo. Ijo, ajri ro nejim im n̄a kar jipan̄ lale ilo iakwe n̄an iien eo ej etal etoļo̧k n̄an m̧weo imōd ilan̄.
Moktaļo̧k, Claude im n̄a kar jar kōn kem ej ukōt ajjuur-kabar eo am n̄an ruum in lale, ijo kem maron̄ kar likut aolep men me e naaj kar aikuj n̄an kwōņ. Kem kar bōk kam̧ool bwe kem en wōnm̧aanļo̧k.
N̄an kōkāāl ajjuur eo, jet rijerbal rekar aikuj in deļōn̄e m̧weo imōm̧. Jeram̧m̧an, ajjuur eo ewōr an kōjem̧ lik, kio rijerbal ro remaron̄ diwoj deļo̧n̄ ak rejjab delo̧n̄e jikin jokwe eo. Men in kar juon kōjeram̧m̧an ilo kien ko an iien COVID-19.
Ālkin an ruum eo an Claud dedeļo̧k, nōōj ro rekar itok kajjojo raan. Rekar jouj, iakwe, im jeļā kōn ta eo kem aikuj kar kōm̧m̧ane n̄a dāpij an Claude kwōņ.
Ke iar kobatok ilo Kabun̄ in, kar katakin eō bwe aolep membōr rej mijinede.1 Kōnke ij iakwe kwāļo̧k gospel eo, iaar wartar jilu book in Bok in Mormon, 24 bok ilo kajjojo book. Ikar kallim̧ur n̄an ļeļo̧k juon bok n̄an aolep armij ro rej deļo̧n̄e m̧weo imō.
Ikar kōkaļļe juon mwein̄an ilo kajjojo bok kōn juon pejnej card iaar kōm̧m̧ane ej waļo̧k juon pija in Salt Lake Temple eo iaar bōk. Ikar bar je naan in kam̧ooleo aō ilo peij eo ejeļo̧k kobban im̧aan kajjojo bok ko. Innem, mokta jān aō leļo̧k juon bok n̄an rijerbal ak nōōj, ikar kōm̧eļeļe n̄an er ta eo Bok in Mormon.
Ikar ilbōk ilo m̧ōņōņō kōn uwaak ko aer. Juon wōt armij ekar m̧akoko in ebbōk bok. Ak aolep rekar ikdeelel in ron̄jak kake. Jet rekar kam̧m̧oolol eō, im ba rejeļā kōn Bok in Mormon im kar kōņaan juon. Jet armij rekar lukkun m̧ōņōņō jon̄an rekar atbakwoj eō.
Ij tōmak bwe menin ekar waļo̧k kōnke aolep men ij kōpeļļo̧k lo̧n̄iū im kōnono kōn Bok in Mormon eo, Jetōb Kwojarjar ej pād ippa. Ij lōke bwe rijerbal ro im nōōj ro remaron̄ kar en̄jake Jetōb. Ikar ajiļo̧k aolep 72 bok, im ejjab to iar bar wartar 24.