“Jemjen Jeimjati ilo Irooj,” Liaona, Jept. 2023
Jemjen Jeimjati ilo Irooj
“Bwe kōn an Anij yokwe laļ, Ear letok juon wōt Nejin Ear keotak”—im E eaar letok kōj n̄an doon.
Kraist ej kōjerkak juon nejin lio emej pāleen laddik ilo bukwon in Nein.
Etetal jān Capernaum, ad Rilomo̧o̧r ekar etal n̄an juon bukwon etan Nein. Iturin kōjem̧ in bukwon eo, E eaar lo juon iien āmej. Mej eo ejidimkij an juon eo nejin emake wōt ekar kōmakeiklo̧k lio emej pāleen.
“Im ke Irooj ej lo e, Ej tūriam̧o kake e, im ba n̄an e, Jab jan̄.
“Im Ej kepaake im un̄n̄ūr kūtim: im ro rej bōke re bōjrak. Im E ba, Likao, Ij ba n̄an eok kwōn, Jerkak.”
Ke likao eo ej jutak im jino kōnono, Jisōs “Ej leļo̧k n̄an jinen” (lale Luk 7:11–15; mennin kakobaba ko).
Ilo kar jerbal in kwaļo̧k eo an ioon laļ, jekddon n̄an eo 1, and ro 99,1 ad Rilo̧mo̧o̧rekkar waanjo̧n̄o̧k eo e jejjōt tata in meanwōd, tōm̧ak, kōjatdrikdrik, joij, iakwe, jeorļo̧k bōd, tūriamo, im jerbal n̄an ro jet.2 E ej karuaineneik kōj kajjojo n̄an “itok, ļoor eō,” (Luk 18:22) im n̄an erom̧ “āinwōt N̄aij” (3 Nipai 27:27).3
“Em̧ool āinwōt N̄aij”
N̄an ļoor waanjo̧n̄o̧k eo an Rilomo̧o̧r ewāppen im erom̧ āinwōt E ej, jej bōk karuwainene eo An n̄an etetal Ippān ilo iaļ in bujen eo An (lale Moses 6:34). Kōj jet iien jej ņa kajeen iaļ in bujen im kain̄i ko an lo̧mo̧o̧r im mour indeeo kōn ta eo ej kajejjōt e—peptaij im kapene n̄an bōk mennin letok eo an Jetōb Kwojarjar im erom̧ uwaan Kabun̄ eo an Jisōs Kraist im Armij ro Rekwojarjar ilo Raan Ko Āliktata; Ekapit n̄an Melchizedek Priesthood (n̄an em̧m̧aan); mennin letok kwojarjar ilo m̧weo im̧ōn Anij (n̄an kajjojo kōj armij); im liāp ilo tampeļ.
Juon kain̄i me e mennin aikuj n̄an lo̧mo̧o̧r im mour indeeo ej juon jekjek ekwojarjar priesthood ro em̧ōj kōmelim er rej kōm̧m̧ane me ej katakin kōj bujen eo me kain̄i in ej ekkejel ippān. Ilo jet wāwein, jemaron̄ ļōmņak bwe juon kain̄i in lo̧mo̧o̧r im mour indeeo ej āinwōt juon jekjek kōm̧m̧ane n̄an boktok jemjera ippān Anij im Nejin ekwojarjar n̄an mour eo ad kōn bujen
Kajjojo iaad ej leddik ro im ļaddik ro nejin Anij rejitōnbōro, jej make kōm̧m̧ani bujen kwojarjar ko ad ippān Anij. Jej kōm̧m̧an ippān kajjojo iaad, ilo etad make, juon ilak juon. Bujen kōkeitaakak in ippān Anij ej letok n̄an kajjojo iaad kajoor, kōjatdrikdrik, im kallim̧ur. Bujen kein remaron ukōt wōn kōj, kakwojarjar ikdeelel im kōm̧m̧an ko ad, im jipan̄ kōj utūkļo̧k armej eo ilo lukkuun biktokin ilo ad kōm̧m̧an iaļ n̄an kajoor ko an Jetōb Kwojarjar. Kōn bujen, jān wōt Pinmuur eo an Kraist Irooj, kajjojo iaad jemaron̄ erom̧ nejin Anij—“ettā, ineem̧m̧an, ettā bōro, kem̧m̧aanwa, obrak kōn iakwe” (Mosaia 3:19).
Jerbal Ippan Doon kōn Bujen
“Bwe kōn an Anij iakwe laļ, Ear letok juon nejin Ear keotak” (Jon 3:16)—im Ear letok n̄an kōj kajjojo iaad. Ribujen Ippān—n̄an ekkejel ippan Anij im ippān kajjojo iaad kōn bujen—ej karuwaineneik kōj n̄an kakurm̧o̧o̧l paotok kwojarjar eo ad ilo ad kōnono ippān lan̄ im ilo ippan doon im kalōk juon jukjuk in pād in rikwojarjar ilo ad iakwe im jerbal n̄an doon im ro ipeļļaakid. Ilo ad kwaļo̧ki jekjek ko n̄an bujen kallim̧ur ko im bujen ippān, Anij ejeļo̧k an kalijekļo̧k n̄an armij. E ej karuwaineneik kajjojo iaad, kōrā im em̧m̧aan, mare im jab mare, jekdoon ta jekjek ko ad, n̄an itok n̄an E im kajjojo iaad kōn bujen.
N̄e jej uwaan kōn bujen ilo Irooj, jej barāinwōt uwaan kōn bujen n̄an doon. Men ko rekabwilōn̄lōn̄ rej waļo̧k n̄e jej iakwe Irooj im karejar, kapilōklōk doon, im jerbal n̄an doon. Bujen in jiban̄ ej kōkajoorļo̧k ekkejel eo ad ippān Irooj im ippān doon. Mennin ekoba jemjera eo an m̧ake ippān Jemed Ilan̄, baamle eo, Doulul in jar eo, jukjuk in bed, im epepen in baam̧le. Ilo ad mour kōn bujen ko ad, jej utūkļo̧k ļōmņak kōn kōj make im loe jejjōt in make ilo Kraist.
Karōk in M̧ōņōņō eo an Anij
Ilo karōk in m̧ōņōņō eo an Anij, Būreejtōn Russell M. Nelson ekar ba, “lan̄ ko rej peļļo̧k n̄an kōrā ro rej bōk mennin letok kwojarjar eo kōn kajoor an Anij ej ibebtok jān bujen ko an priesthood ko aer āinļo̧k em̧m̧aan ro rej kabwijere priesthood eo.”4
Būreejtōn Camille N. Johnson, Būreejtōn eo Eutiej an Doulul eo an Kōrā ro eaar ba, ewōr ad maron̄ n̄an kōpeļļo̧ke kajoor in priesthood eo kōn erreo eo an juon make.”5 Kar bōk jān naan ko an Būreejtōn Nelson, ear ba, “Jej aikuj kōrā ro rejeļā tōpare kajoor eo an Anij me epeļļo̧k n̄an rikōjpārok bujen ro.”6 Rikōjpārok bujen ko me rej kappukōt im mour kōn tōmak, ettā, im kijejeto, Būreejtōn Johnson ekar katakin, remaron bōk tōl im̧we, menin letok ko an Jetōb, revelesōn, jipan̄ im kajoor n̄an erom̧ āinwōt Jisōs Kraist im Jemed llan̄.”7 Ilo ad kajjojo ajiļo̧k menin letok ko ad ilo ekkejel iippan Irooj im ippan doon, jej kalōk “juon ānbwin” (1 Korint 12:13).
Ilo karōk eo an Anij, mama im baba ro rej kōm̧pānien im rijipan̄ doon. Jej jipan̄ doon āinwōt ro rej juon wōt lo iakwe im jim̧we n̄an kōkajriri im ņaļōmen doon im baam̧le ko ad. Erreo in kōļmenļo̧kjen im m̧wil rej aurōk n̄an revelesōn im im̧we eo em̧m̧aan im kōrā ro rej aikuji. Ilo m̧ōko̧, ro jeman im leo pālele rej tōl ilo mera, ettā, im iakwe eo ejjab jekpen—an̄ōltok ko rerreo em̧m̧aan im kōrā ro rej aikuji ilo jemjera ko ad.8
Lan̄ ej būrom̧ōj n̄e, ilo jabdewōt jemjerā, ewōr kakure, kakuli, ak peeke ilo jabdewōt wāwein jān em̧m̧aan ak kōrā ro. Kareel ko, meanwōd, jouj, im jeļāļo̧kjen erreo rej an̄ōltok ko an Kraist jej kapukōt—jekdoon n̄e kōj rimarre, m̧akeļo̧k iaad, emej pāleed, ak jepel (lale Katak im Bujen Ko 121:41–42). Menin ej kōnke ijo jeped ie ippān Irooj im Kabun̄ eo An ej kōtmen jān jekjek in an̄ōltok in juon m̧ake im jim̧we ilo kōjparok bujen ko.
Kapilōk ilo Ko̧o̧njel
Ilo ejja jetōb in wōt, ilo Kabūn̄ in an Irooj jej kapilōk ilo ko̧o̧njel ilo ad jerbal in jipan̄ ippān doon. Ilo kweilo̧k ko, ritōl ro rej kappukōt meļeļe ko im ļōmņak ko jen aolep. Ij m̧ōņōņō kōn kajjojo kōrā im em̧m̧aan ro remeletlet ro im ijeram̧m̧an n̄an jipan̄, iturin doon, lo ko̧o̧njeļ eo an Kabun̄. Rein jeiū im jatū rettā rej jipan̄ aintok israel ilo jerbal in mijenede, kepooj kōj n̄an ioon Anij jān jerbal in priesthood im baam̧le, kobaik baam̧le ko n̄an indeeo ilo tam̧peļ im jerbal in menmenbwij, im jerbal in karejar n̄an ro rej aikuj ilo menin aikuj ko im jipan̄ ilo un̄n̄are peim make.
Ilo jekjek in, jej tōpar kāālet ko rem̧m̧anļo̧k im wōr tōprak eļapļo̧k ilo jerbal in an Irooj ilo ad kaorōk ijoko kwonaer n̄andoon im jerbal ippān doon, jemjen jemjati ilo jerbal in An.
Ejjab āinwōt, ij kam̧oolol bwe, ilo stake im ward ko ad, ritōl ro jeid im jatid im ro uwaan kabun̄ rej ippān doon ilo jerbal in lo̧mo̧o̧r im mour indeeo. Ilo aolepen Kabun̄ in, ium̧win tōl an mijen leader ro, mijen leadership ko̧o̧njel ro ekoba ro rej tōl mijinede ro, kajjojo ro rej jerbal im eddo ko aer raorōk im lap tokjeer. Ilo United States military, ritōl in jar ro an Rikwojarjar ro, em̧m̧aan m kōrā opija ro kar rie er jān Kabun̄ in, kōjeram̧m̧an ro rej jerbal ilo aolep ra in jerbal ko.9 Ilo jerbal in karejar, rūm̧m̧an ded rein ewōr aer iien em̧m̧an im aikuj n̄an jerbal. Ilo ad jerbal, jej jutak ippān doon.
Juon wāwein jej jutak ippān doon āinwōt rikam̧oolro ej n̄an jerbal āinwōt rikam̧oolro an kain̄i in gospel eo em̧ōj an jepļaak tok. Ro jeiū im jatū jutak āinwōt rikam̧ool ro n̄an peptaij, jim̧ōr n̄an ro remour im ro ri mej. Ro jeiū im jatū jutak āinwōt rikam̧ool ro n̄an kain̄i ko jet ilo im̧weo im̧ōn Irooj. Ijo, ium̧win ki ko an būreejtōn eo an tampeļ, kōrā ro rej jerbali kain̄i ko rekwojarjar n̄an kōrā im em̧m̧aan ro rej jerbali kain̄i ko an em̧m̧aan.
Ilo karōk in lo̧mo̧o̧r an Anij, Būreejtōn Dallin H. Oaks, Rikapilōklōk eo Kein Kajuon ilo Būreejtonji eo Kein Kajuon, ekar ba, “kajoor in priesthood ej kōjeram̧m̧an kōj aolep. Kii in priesthood ko rej tōl kōrā ro im barāinwōt em̧m̧aan ro, im kain̄i ko an priesthood im maron̄ in priesthood tōllok n̄an kōrā im em̧m̧aan ro. … Jabdewōt eo ej jerbal ilo opiij ak kūr ko ej bōk jān eo ej kabjer kii kō an priesthood n̄an kōm̧m̧ane jerbal ko ilo kūr eo an.”10
Jerkak lōn̄tak jān Laļ in
Ilo ad kajjieon̄ n̄an “juon wōt,” āinwōt Jisōs Kraist ej juon wōt ippān Jemed (Jon 17:21). jej aikuj “kōņak … ioon Irooj Jisōs Kraist” (Rom 13:14).
Jemaron̄ ekwojarjar āinwōt, jouj kōn jouj, jej ekkatak im kōm̧m̧an bwe en ad make m̧wil ko an Jisōs Kraist—n̄an iakwe eļapļo̧k, pidodoļo̧k jeorļo̧k bwōd, dikļo̧k ad ekajet, jipan̄ im kaarmejet ilo kōņan, kwaļo̧k waanjo̧n̄o̧k in tūriam̧o eo em̧wilaļ im ekutkut.
Jen lōke katak eo im wanjo̧n̄o̧k eo an Kraist, m̧ōņōņō ilo m̧ool im erom̧ rikaļo̧o̧r ro an rettā (lale 2 Nipai 28:14)—kajjojo iaad āinwōt juon make im āinwōt ro jemjen jemjati ilo Irooj.11