2023
Reiļo̧k n̄an Anij n̄an Unin im Tōl
Jeptōm̧ba 2023

“Reiļo̧k n̄an Anij n̄an Unin im Tōl,” Liaona, Jept. 2023.

N̄an Pāāren ro

Reiļo̧k n̄an Anij n̄an Unin im Tōl

baam̧le eo ej jar

Iakwe Ro Jinen im Jemen Rejitōnbōro

Jemād Ilan̄ ekar jab jilkintōk kōj n̄an laļ kōn ejeļo̧k tōl. Jān jortak ko rekwojarjar an jeje ko rekwojarjar, jar, rikanaan ro remour, kōjwōj, im elōn̄ļo̧k, jemaron̄ reilo̧k n̄an Anij n̄an unin im tōl. Ilo am̧ riiti m̧ōttan in an Liaona, lin̄ūr kein katak ko E kar letok n̄an kōj n̄an jipan̄ wōr m̧eļeļein ilo mour in im jepļaak n̄an E ilo eo tokelik.

Ekkōnono ko kōn Gospel in

Jerbal eo Am̧ ilo Jerbal in an Anij

Āinwōt juon baam̧le, komaron̄ riit 1 Korint 11:11 im kōnono kōn ta meļeļein. Kwaļo̧k ennaan eo jān Elder Gerrit W. Gong (peij 4), me ej kōm̧eļeļeik koba in jerbal ko an em̧m̧aan im kōrā ilo karōk in lo̧mo̧o̧r in. Ekōjkan an oktak ko ad kobaik kōj ijelo̧kin kōjeno̧lo̧k kōj?

Kajoor in Kemour an Tōmak

Riiti Matu 15:21–28 ippān doon, eo ej kōnono kōn kōrā in canaan eo. Etke kwoj ļōmņak tōmak eo an ekar tōl n̄an kemour leddik eo nejin? Riiti eoon kein jān ennaan eo an Būreejtōn Camille N. Johnson ilo peij 8 n̄an em̧m̧anļo̧k am̧ melele jerbal eo an ettā im tōmak ilo bōk kajoor an Anij.

Kakeememej ko Kajjojo Raan kōn Jisōs Kraist

Kajjitōk ippān baam̧le eo am̧, elmen am̧ keememej Rilo̧mo̧o̧r ilo mour eo am̧. Riiti m̧ōttan ennaan eo ilo peij 38 kōn aorōkin keememej. Ļōmņak kōn katotoik ilo m̧weo imōn juon naan me ej kakeememej eok kōn Kraist.

Itok, Ļoor Eō Limo an Baam̧le

Keememej Kōjerām̧m̧an ko An Kraist Kajjojo Raan

1 Korint 15

Paul ekar katakin Rikwojarjar ro ilo Korint “Kraist ear mej kōn jerọwiwi ko ad … Im ar kalbwin E, im Ear jerkakpeje ilo raan kein ka jilu” (1 Korint 15:3–4). Ear kōketak er n̄an “dāpij ilo keememej” (1 Korint 15:2) gospeleo ekar katakin er. Karuwaineneik baam̧le eo am̧ n̄an ikkure in kakeememej in:

  1. Leļo̧k n̄an aolep iien jeik juon uwaak ekadu n̄an laajrak in kajjitōk kein: Ta juon kōjeram̧m̧an in gospel kwoj mōņōņō kake kōnke kōn Pinmuur eo an Rilo̧mo̧o̧r? (N̄an jet ļōmņak ko, lale 1 Korint 15:19–29.)

  2. kajjojo kwaļo̧k ta eo kom kar jei im āliji kōn kakeememej ta eo armij eo mokta jān kwe ekar je.

Kōm̧elele: Ekōjkan ad em̧m̧anļo̧k ad keememej kōjeram̧m̧an ko Kraist ear litok n̄an kōj? Lōm̧ņak kōn juon an baam̧le karōk n̄an ļōmņak kōn juon wāwein kajjojo raan me Kraist ekar kōjeram̧m̧an mour ko ad.