Kijenmij ilo Jerbal in Karejar

Jemaron̄ kōļapļo̧k maron̄ eo n̄an ļapļo̧k kijenmej, ilo mour im ilo jerbal n̄an ro jet.

Pija

jilu kōrā rej etetal ippān doon

Ilo 2 Korint 12:7–8, Paul ej kōnono kōn jar jilu kattōn n̄an “juon kalōklōk ilo kanniōk” en aikuj jako. Bōtaab kar jab uwaake jar eo an kōn kaban̄ban̄ in an nej kar makonļo̧k. Ak, Irooj ekar ba n̄an e, “Jouj eo Aō ebwe n̄an eok.” Paul ekar kwāļo̧k kijenmej im tōmak ilo an kar uwaak: “Innām inaaj kanooj m̧ōņōņō in kōmmejāje, bwe kajoor an Anij en pād ioō” (eoon 9).

Rilo̧mo̧o̧r eo ekar bar katakin kōn rikanaan Moronai bwe kōn tūriamo̧ an Jisōs Kraist, jemaron̄ ekktak im eddōk ilo kajoor: “Eļan̄n̄e armej rej itok n̄an Eō Inaaj kwaļo̧k n̄an er aer m̧ōjņo̧. Ij leļo̧k n̄an armej m̧ōjņo̧ bwe ren maron̄ ettā bōro; im Aō jouj ebwe n̄an aolep armej ro rej kōttāik er Im̧āō; bwe eļan̄n̄e rej kōttāik er Im̧aō, im wōr aer tōmak ilo N̄a, innām Inaaj kōm̧m̧an mennin m̧ōjņo̧ ko ren erom kajoor n̄an er” (Ether 12:27).

Kijenmij ilo Jerbal in Karejar

Āinwōt Paul, eitōn aoleped em̧ōj ad kar jar kōn anemkwoj elōn̄ kattōn ilo mour ko ad—jet ien elōn̄ļo̧k jen jilu kattōn. Jet iien ej jejjōt n̄an kōjeram̧m̧an ko bwe jen bōk, im jet iien kōj, āinwōt Paul, kar katakin im kōkajoor kōj. Ilo iien kein, jemaron̄ ekkatak kijenmej im ekkatak kōttar iien eo an Irooj.

Jej aikuj jinōkjeej in kijenmej an Kraist ilo an bar jerbal in karejar. Jemaron̄ jerbal in karejar n̄an armij ro me ewōr kain kaban̄ban̄ im jo̧n̄an melele in gospelin eppād ippaer, ebōk kijenmej im iakwe n̄an jerbal in karejar n̄an armij ro me rejjab lukkun pojak.

Pija

kōrā ej kajutak bōran

Pija jān Getty Image ko

Ejaak Kijenmej

Ilo ad itok n̄an jeļā Rilo̧mo̧o̧r, enaaj emmanļo̧k ad jeļā ta eo E enkar kōm̧m̧ane n̄an jerbal in karejar ilo ijo jej pād ie. Ekōjkan ad ejaak m̧wil eo an Kraist ilo kijenmej?

Kile ke mour ioon laļ eobrak kōn jekjek ko me rej kajjieo̧n̄e kijenmej ko ad im bwe emenin aikuj n̄an en̄jake inepata jet iien. Keememej bwe kaminene im tōmak ilo Irooj, emaron̄ em̧m̧anļo̧k uwaak ko ad n̄an jekjek ko rekainepata. Kwōn kijenmej ilo kijejeto ko am̧ n̄an kijenmej eļapļo̧k!
Kajjitōk ippān Anij kōn jipan̄ n̄e kwoj en̄jake am̧ mōjno n̄an kijenmej. Bōk kōtwom im juon jar emaro̧n̄ jipan̄ boktok jokwane im aenōm̧m̧an.
Ron̄jaki al ko rej kōketak jetōb me rej boktok m̧wil eo ekaeņōm̧m̧an emaron̄ jipan̄ eok jerbale en̄jake ko in jab kijenmej.
Kile iien ko an Irooj ilo mour eo am̧. Ankilaad im ikdeelel ko ad rej aikuj oktak n̄an iien eo An.
Wōr kijenmej ej juon kōļmenļo̧kjen. Keememej bwe en̄jake ikdeelel ak pād ilo juon jekjek in kōkairir ejakutkut an kōkm̧anm̧anļo̧k mour ko ad.

Ļōmņak ko n̄an Jerbal in Karejar ilo Kijenmij

Jet iien eddo in jerbal in karejar eo ad ej n̄an jipan̄ ro jet wōr ippaer kijenmej ilo melejon̄ ko. Erkein rej jet iaan wāwein ko jemaron̄ jipan̄ ie:

Kwaļo̧k n̄an armij eo ak baam̧le eo bwe jej iakwe er im kea kake er jekdoon jabdewōt kaban̄ban̄ ko rej loi, jekdoon n̄e rej ļōmņak, kōn jabdewōt un ko, bwe rejjab ekkar n̄an iakwe er.
Kwaļo̧k en̄jake ko ippaer n̄e kwe em̧ōj am̧ kar ekkatak kijenmej im kwoj ekkejel n̄an jon̄an an pen. Jipan̄ er en̄jake bwe rejjab make iaer n̄e rej en̄jake jab kijenmej ak inepata.
Jar kōn er n̄an maron̄ wōr kijenmej ilo melejon̄ ko repen im kōtļo̧k bwe ren jeļā ke Jemedwōj Ilan̄ enaj eoron̄ jar ko aer bwe ren maron̄ en̄jake kajoor.
Kwon juon lojiln̄i eo ej ron̄jake n̄e rej aikuj kōnono ippān juon. N̄an wōr juon m̧ōttad emeļeļe ej juon wāwein ko rem̧m̧antata n̄an en̄taan ilo juon melejon̄ ak jekjek.