“Kar Kemour ilo Tampeļ eo,” Liaona, Jept. 2023.
Ainikien ko an Armej ro Rekwojarjar ilo Raan Ko Āliktata
Kar Kemour ilo Tampeļ eo
Ilo tampeļ eo, ikar en̄jake juon kam̧oolem̧wilaļ ke Irooj ej iakwe eō im jeļā kōn en̄taan ko aō.
Pija kein jān rijeje eo; pija in of Durban South Africa Temple eo itulik jān Matthew Reier
Ļaddik eo nejin ekar jab um an allōn̄ ke ej lotak ilo 2017 Ruatimjuon allōn̄ mokta jān kar jar in aje Durban South Africa Temple ilo 2020, ļadrdk eo nejim kein karuo ekar jaum an allōn̄ ke ej ļo̧tak.
Ilo ien eo, ikar en̄jake āinwōt kar Hanna ilo Kallim̧ur Mokta. N̄a “ear kanooj būroṃōj ilo an, im ear jan̄ n̄an Jeova, im eḷap an jan̄” (1 Semuel 1:10).
Ikar en̄jake jeļo̧k jipan̄ im illu, ikar pād ilo metak eļap. Ikar en̄taan ilo en̄jake, kanniōk, im jetōb. Dāpdep wōt ilo aen in dāpdep eo kar en̄jake āinwōt n̄e juon to im ej jidikdik wōtlok jān peiū. Lukkun m̧ool ikar bwil ilo “upaaj in jorrāān” (Aiseia 48:10).
Ij kam̧oolol bwe ikar bōk jipan̄ im kemour jān baam̧le eo aō, jeje ko rekwojarjar, im jar. Ikar bar bōk jipan̄ jān rikapilōklōk ro. Dilep in kemour eo aō, mekarta, ekar itok ilo tampeļ eo.
Ke ij jino jerbal ilo tampeļ eo, iaar jino obrak kōn eļapļo̧k meram̧. Ikar en̄jake jikū ijo. Ikar bar en̄jake juon kam̧oolem̧wilaļ ke Irooj ej iakwe eō im jeļā kōn en̄taan ko aō.
Ilo aō wōnm̧aanļo̧k im jerbal ilo m̧weo im̧ōn Irooj, iaar jino n̄an kalimjōk etan ro jibū im jim̧m̧aō ilo juon wāwein eoktak. Rekar jab baj et wōt. Ikar kile, n̄an waanjon̄ak, ke juon iaaer kar juon leddik, juon jinen, juon jibun, juon nej jinen, juon sister, im juon leddik nej neji. Jako eo an emaron̄ kar pen n̄an ro nukun rekar mour wōt. Bōtaab kōjeram̧m̧an ko letok n̄an ro mokta ilo tampeļ jān kain̄i ko rekwojarjar rej ejaak e juon lan̄lōn̄ eļap im em̧m̧an me ej ļe jān jabdewōt metak ro nukun rekar en̄jake ilo jako eo an.
M̧eļeļe in ekar kōjeram̧m̧an eō ilo aō kar ļōmņak kōn ļaddik ro ruo nejim raorōk, jekjek in indeeo eo an jetōb ko ad, im karōk in lo̧mo̧o̧r eo an Jemedwōj Ilan̄. An jako ļaddik ro nejim ekar kōm̧ōkaj eō n̄an kōm̧m̧an em̧m̧antata eo aō n̄an mour kōn gospel eo.
Jet raan rekar penļo̧k jān ko jet. bōtaab dāpdep wōt ilo bujen kallim̧ur ko aō rekar an raan ko pidodoļo̧k.
N̄an kōjerbal naan ko an Būreejtōn Russell M. Nelson, “Kemij on̄ kōn ro nejim [ļaddik] eļap. Ijoke, kōnke kōn gospel eo an Jisōs Kraist kar jepļaaktok, kemij jab inepata kōn [er]. Ilo am waanm̧aanļo̧k im kautiej bujen ko am ippān Anij, kōmij mour ilo kōjatdikdik kōn am pād [ippaer] bar juon alen.”1