“Et ko Litok ilo Jikin Kalbuuj,” Liaona, Jept 2023
Pija ko an Tōmak
Et ko Litok ilo Jikin Kalbuuj
Iloan kalbuuj, Ssiter Llanos ekar jab erļo̧k mejen jān unin an joun ripinej jenkwan Jisōs Kraist, ej katakin rikalbuuj ro m̧ōttan kōn kwojarjar in juon im elmen n̄an jar.
Pija ko jān Amelia Lyon
Sister Aketzaly ekar juon waanjo̧n̄ak in mijinede kōn juon kije in kam̧ool. Ekar mokta nej kar kūr n̄an Costa Rica San José East Mission, bōtaab ekar jerbal ippān lio ippa, Janeen, im n̄a ilo Mexico Aguascalientes Mission iumin juon iiō mokta jān an kar bōk visa n̄an Costa Rica.
Ilo April 2022 kem kar iakwe ki Sister Llanos ilo an kar deļo̧n̄e juon baluun n̄an Mexico City, ijo enkar bar kaik juon baluun n̄an Costa Rica. Dikļo̧k jān 24 awa ālikin am kar iakwe ki, mekarta, police ro ilo Mexico City rekar kooļ e kem.
“Em̧ōj am kalbuuji Aketzaly Llanos ilo airport kōn juon jōōt in pu an ritariņae ippān,” rekar ba. “Bōd in an ņae kien eo eutiej, im liin enaaj ekajet.”
Ejjab to, Iar kepaak opiij in ekajet eo an Kabun̄, im rekar boktok juon ļoār n̄an kappukōt an Sister Llanos diwoj. Ļoār in ekar jab juon eo uwaan Kabun̄ in. Ļein ekar kallim̧ur n̄an jipan̄ kem ak ekar kwāļo̧k bōbweer. Ekar kōmeļeļe bwe jidik wōt inene in jōōt in military jān jabdewōt eo ejjab military ej juon bōd eļap, jekdoon ta eo armij eo ekar tōn kōm̧m̧ane.
Tokelik, Sister Llanos ekar ba n̄an kem ke ekar bōk jōōt eo jān iaļ in eria eo an kar eliktata. E kar ļōmņak ej juon menin jolōt. Jōōt eo, ālkin aolep men, ejejiir jān katoto in ki ko me rekar wia kaki inamoj in juon jikin main ilo juon iaan eria ko an moktaļo̧k. Mekarta, rietale ro an kien, rekar kōm̧m̧an n̄an e āinwōt juon terrorist. Iumin jejjo raan, Sister Llanos ekar em̧akut jān kalbuuj eo an airport n̄an juon kalbuuj eo eļap security eo ie ilo rikalbuuj ro renana tata kōrā rekar jokwe ie.
Jar in Tōmak ko
Jar ko kōn m̧ōkaj in diwojtok eo an Sister Llamoj ekar bok jikin. Janeen im n̄a kar karuaineneik 115 mijinede ro rej jerbal ilo mijen eo am n̄an tōmak bwe jenaaj lo juon kabwilōn̄lōn̄, eļan̄n̄e ekar Ankilaan Irooj. Ikar tōpar mijen būreejtōn eo ilo Mexito City, the Costa Rica San José East Mission, im Mexico Missionary Training Center, im er rekar karuwaineneik mijinede ro aer n̄an kobatok ippam ilo jar.
Iloan kalbuuj, Siter Aketzaly Llanos ekar jab erļo̧k mejen jān unin an joun ripinej jenkwan Jisōs Kraist.
Iloan kalbuuj, Siter Llanos ekar jab erļo̧k mejen jān unin an joun ripinej jenkwan Jisōs Kraist. Ekar katakin ruatimjuon rikalbuuj ro m̧ōttan n̄an jar jān an kar jar aolep jibbon̄ im jota āinwōt juon kurup. Ekar bar katakin er kōn ekwojarjar in wōn er.
Juon iaan rikalbuuj ro m̧ōttan ekar ba, “N̄a juon armij lukkun nana kōn ta eo ikar kōm̧m̧ane n̄an pād ijin, im Anij edike eō.” Sister Llanos ekar reilok n̄an mejen im ba, “Ejjab. Ejjab kwe juon armij nana. Kwe juon armij eo ekar kōm̧m̧ane juon men enana. Bōtaab kwoj juon nejin Anij kōrā, im E ej iakwe eok!”
Bar juon rikalbuuj keememej juon etōņak ekar etōņake kar jejjo wiik emo̧o̧tļo̧k mokta jān an Sister Llanos kar kalbuuj. Rikalbuuj eo ekar etōņak bwe juon bao ekar kelok n̄an loan kalbuuj eo im jipan̄ e. Mokta jān an Sister Llanos kobatok ilo Kabun̄ in, e ekar wōr juon pija in bao quetzal kar eo̧ ki ilikun. Ke rikalbuuj eo ej loe eo̧ eo, ekar jeļā bwe ej aikuj ron̄jake enaan in mijinede eo an Sister Llanos.
Sister Llanos ekar katakin kōn Jepļaaktok eo an gospel eo an Jisōs Kraist im kar leļo̧k n̄an e kape in Bok in Mormon ekar boktok ippān tok n̄an kalbuuj—ejja kape eo sister mijenede ro rekar leļo̧k n̄an Sister Llanos ļalem iiō emootļo̧k ke ekar ekkatak kōn Kabun̄ in.
Juon ekajet in kepopo kar jikejuuļi ilo Mexico City. Komro Janeen kar etaļ n̄an kam̧ool. Ke kem kar tōpar tiim in legal eo inamojin m̧ōn ekajet eo, ļoār eo ekar alikar an ikūm̧kūm̧, ej etetal laļo̧k im lōn̄ļo̧k ilo jikin etetal eo.
Ikar bōk e n̄an rājet im ba: “Rainin kwonaaj en̄jake eļapļo̧k jokane im aenōm̧m̧an jān ke konan̄in kar en̄jake ilo mōn ekajet eo. Ij ba n̄an kwe etke. Elōn̄ļo̧k jān 500 mijinede im baamle ko aer rej jar kōn kwe im tōprak eo am̧ rainin. Rej bar jar bwe būruōn riekajet eo en pidodo im bwe e enaaj kadiwōj Sister Llanos jān kalbuuj.”
Mejān ļoār eo ekar obrak kōn kemjaļaaļ, im ekar kwāļo̧k an kam̧m̧oolol kōn tōmak im jar ko an elōn̄ armij ro ilo etan.
Ilo 10:00 jipon̄, ekajet eo ekar ijjino, bōtaab ekar menin aikuj bwe kem en kōttar namoj n̄an iien eo am̧ n̄an kam̧ool. Ekar mootļo̧k ruo awa raitok. Innem riwaj eo an mōn ekajet eo ekar diwoj tok im ba riekajet eo ekar jab aikuj in ron̄ naan in kam̧oolko aō—ededeļo̧k an kōm̧m̧ane kālet eo an.
Kijoror, ikar deļo̧n̄e ruum̧ in ekajet eo, im riekajet eo ekar jino ekōnono. Ekar kōnono kōn kakien eo Sister Llanos ekar rupe im kōn wōnen ko ekar jelmae.
“Jolok aolep men kein,” ekar ba, “Ij tōmak aolep kein kam̧oolko kar kwāļo̧k kōn an em̧m̧an m̧wilin Sister Llanos. Innem ekar ālij juon m̧ōttan kakien eo me ej kōtļo̧k e n̄an leļo̧k tiriamo, im ekar m̧ōkaj in kadiwōj e.
Sister Llanos ippān Sister Janeen Redd, eo peim Sister Llanos ekar atabokwoj ke ej diwoj jān kalbuuj.
“Anij ijo Itūru”
Kabwilōn̄lōn̄ eo in kōj jekar kappukōt! Ijelo̧kin kar an nej kalbuuj emen ak elōn̄ļo̧k iio ko, Sister Llanos ekar anemkwoj n̄an etal. Ālkin iien ron̄jake eo, ļoār eo an ekar ba bwe raan eo ej juon raan eo eaorōk ilo raan in jerbal ko an.
“Iaar lukkun en̄jake Anij ijo itūru,” ekar ba. “Ikōņaan ekatak eļapļo̧k kōn tōmak ko ami.”
Ikar karuwaineneiki n̄an itok n̄an Mexico City Mexico Temple Visitors’ Center. “Konaaj loe mijinede ro jet ijo āinwōt em̧m̧ani er wōt Sister Llanos,” Ikar ba n̄an e. “Konaaj loe meram̧ eo ilo mejaer, im konaaj kajjitōk ippam make etke.”
Jon̄oulruo awa emootļo̧k, Sister Llanos ekar diwoj, ej nuknuk in kalbuuj wōt. Ekar okjak n̄an pein Janeen. Ke kem kar bojrak am jan̄ im maron̄ kōnaan, Sister Llanos ekar ba, “Būreejtōn, ewōr jet et ko jān kalbuuj ippa!”
Aolepen en̄jake in ej kam̧oolbwe “Anij e jamin bōjrak jān Anij in kabwilōn̄lōn̄ ko” (Mormon 9:15). Ejeļo̧k aō pere bwe tōmak im jar ko an elōn̄ armij ro rem̧m̧an ekar jipan̄ ļoār eo akweel e case eo an im kar kapidodoik būruōn riekajet eo.
Kōnke Sister Llanos ekar kalbuuj, elōn̄ kōrā ro rej kalbuuj rekar bōk kōjatdikdik jān gospel eo an Jisōs Kraist, juon ļoār ekar eddōk juon ine in tōmak, im jekar kajoorļo̧k ilo jeļā eo an ke Anij emaron̄ kōjerbal kōj n̄an kawōnm̧aanļo̧k jerbal eo An jekdoon ia eo jepād ie.
Sister Llanos ilo Tijuana Mexico Temple.