Katak ko Reļam Waan an Gospel eo

Kea kōn Ro Riaikuj

Jisōs ej kōmour armej

He Healed Many of Diverse Diseases, jān J. Kirk Richards, jab maron̄ kapeiki

Āinwōt membōr ro an Kabun̄ eo an Jisōs Kraist im Armej ro Rekwojarjar ilo Raan Ko Āliktata, jej lo̧o̧re katakin ko an Irooj n̄a kea kōņ ro riaikuji. Jej kea kōn jet ilo ad jerbal n̄an er, jipan̄ er erom̧ļo̧k un̄are peier make, im ajeeji men ko ewōr ippād.

Ļoor Waanjo̧n̄o̧k eo an Kraist

Jisōs Kraist ekar iakwe, kaenōm̧m̧an, im kar kōn ro ipeļaakin E. Rilo̧mo̧o̧r eo ekar “etal im kōm̧m̧an em̧m̧an” (Jerbal 10:38 Jemaron̄ ļo̧o̧r waqnjo̧n̄ak eo An ilo iakwe, kaenōm̧m̧an, jipan̄, im jar kōn ro ipeļaakid. Jemaron̄ aolep iien kappukōt wāwein ko n̄an jipan̄ ro jet.

ruo armej rej etetal

Jerbal in Karejar

Naan in karejar kōjerbal ilo jeje ko rekwojarjar im ilo Kabun̄ eo an Irooj n̄an kōmeļeļe ekōjkan ad kea kōn doon. Rikabwijer priesthood ro em̧ōj jitōn̄ er āinwōt būratōr in jerbal in karejar n̄an kajjojo armij ak baam̧le ilo ward ak branch eo. Karejar kōrā ro rej jitōn̄ er n̄an kajjojo kōrā erūtto. Būratōr im sister in karejar rej lale bwe aolep membōr ro an Kabun̄ in ej kememej er im kea kaker.

armej rej ekkat ine

Jipan̄ ro jet maron̄ Un̄n̄are Peid Make.

Jemaron̄ jiban̄ ro uwaan baamle ko ad im ro m̧ōttad maron̄ un̄n̄are make peier ilo kōketak er n̄an kappukōt uwaak ko eto aer jerbal n̄an aikuj ko aer. Innām jemaron̄ rie er ilo aer jerbal ilo kōttōpar ko aer. Kappukōt elōn̄ļo̧k meļeļe kōn un̄n̄are peim make ilo O̧kwoj 2023 Liaona Gospel Basic Article

Jipan̄ ro Jet

Elōn̄ wāwein ko jemaron̄ jipan̄ ro ipeļaakid im jipan̄ kake aikuj ko aer ilo kanniōk, jetōb, im en̄jake. Ekkatak kōn ro jet emaron̄ jipan̄ kōj jeļā ekōjkan an em̧m̧anļo̧k ad jipan̄ er. Jemaron̄ bar jar kōn tōl n̄an jeļā ta eo jemaron̄ kōm̧m̧ane n̄an jipan̄.

armej rej ain leen wōjke ko

Ajeeji Ta ko Ewōr Ippād

Jemaron̄ jipan̄ ro jet ilo ad ajeeji ta ko Anij ekar kōjeram̧m̧an kōj kaki. N̄an waanjo̧n̄ak, jemaron̄ leļo̧k ilo jouj menin jortak ko ak donate n̄an Church Humanitarian Aid Fund eo. Jemaron̄ barāinwōt jipan̄ ilo jukjuk in pād eo im an Kabun̄ kūr.

Jerbal an Ritōl ro an Kabun̄

Bisop eo ej oņaake kea kōn ro riakuj ilo ward eo. Emaron̄ kōjerbal jāān jān jortak ko n̄an jipan̄ membōr kōn aikuj. Ritōl ro jet, ekoba rikapilōklōk ro an im Doulul eo an Kōrā im būreejtōnji eo an doulul eo an elder ro, rej jipan̄ membōr ro kappukōt kein jipan̄ ko remaron̄ kōjerbali n̄an kake aikuj ko aer.

Tōbrak in Jerbal in jipan̄ eo an Kabun̄ in

Kabun̄ in ej jipan̄ armij ro aolep laļin kōn uwaak in idin̄ ko, jerbal ko an jukjuk in pād, im būrookram̧ ko jet āinwōt dān erreo im wā in bōbrae ko. N̄an ekkatak eļapļo̧k, Lale Dallin H. Oaks, “Jipan̄ Rijeram̧ōl im Rien̄taan,” Liaona, Nob 2022, 6–8.

Jān Jeje ko Rekwojarjar

“Anij ej yokwe eo e m̧ōņōņō in leļo̧k” (2 Korint 9:7).

Jej katakin ajri nejid n̄an jipan̄ ro rej pād ilo aikuj (lale Mosaia 4:15–16).

Jej kaenōm̧m̧an ro jet im jipan̄ er kotak eddo ko aer (lale Mosaia 18:8–9).

Naan ko n̄an keememeji

Kūr: juon eddo n̄an jerbal ilo Kabun̄ in. Ritōl ro an Kabun̄ rej kappukōt im̧we n̄an jeļā wōn Irooj ekōņaan bwe ren kūr.

Jortak ko: jāān ko jej leļo̧k n̄an Kabun̄ in n̄e jej jitlo̧k, edikdiktata ejja jo̧n̄an eo me jen kar jo̧ļo̧k n̄an m̧ōn̄ā ko ilo ien ad jitlo̧k

Un̄are peid make: n̄an maron̄ kakke aikuji ko ad make im baam̧le ko ad.

Kappukot Eļapļo̧k

N̄e ewōr am̧ kajjitōk kōn kein katak ko an Kabun̄ in n̄an ajri ro im jodikdik ro, kwomaron̄ kōnono ippān rikarejar m̧aan im kōrā ro jeid im jatid, ritōl ro am̧ ilo ward ak branch, ak mijinede ro. Komaron̄ bar kappukōt ennaan ko an kweilo̧k eo eļap ilo kōnono in im kein jipan̄ ko jet ilo Gospel Library (at ChurchofJesusChrist.org ak ilo mobile app).