“Ikōņaan Bwe Kwon Keememej,” Liaona, Jept. 2023.
“Ikōņaan Bwe Kwon Keememej”
Mosaia 5:12
Kōj kajjojo em̧ōj letok kakeememej ko ad make kōn Kraist. Lale im keememej E.
Dipdik in meļeļe ko jān Christ and the Rich Young Ruler, jān Heinrich Hofmann
Āinwōt m̧ōttan en̄jake ioon laļ, em̧ōj kōm̧m̧an bwe jān jab anemkwoj jān rōn̄ōl in nuknuk eo bōtaab bar juon jekjek in emālele. Rōn̄ōl in meloklok eo ej kōm̧m̧an ad meloklok men ko kar waļo̧k im m̧ool ko jekar jeļā ilo mour eo mokta. Jekjek in ad emālele eo ad ej tōl kōj n̄an meloklok im jōbwābwe jān m̧ool ko rekar ekatak ak jenaaj kar katak ilo mour in. N̄an n̄e jej anjo̧ jen jekjek in meloklok eo ad, jenaaj erom̧, “innitōt n̄an kōm̧m̧an nana a rum̧wij n̄an ememej Irooj [ad] Anij” ( Nipai 17:45).
Kakeememej ko kōn Kraist
Ilo aolep kien E ej letok, Anij ej kallim̧ur n̄an “kepooj juon iaļ n̄an [ad] kōtōprak men eo ej kean̄ [kōj]” (1 Nipai 3:7). Bwe jen maron̄ pokake kien ko An n̄an keememej, Irooj eo ekar kepooj kakeememej kein.
M̧ool, aolep men kar ejaak im kōm̧m̧an n̄an kam̧ool ļo̧o̧k im kakeememej kōj kōn Kraist (lale Moses 6:63; bar lale Alma 30:44). Ekar karōk menin, n̄an waanjo̧n̄ak, bwe jen keememej E “n̄e ilubwilijin wōjke im bulōn mar [jej] jebwābwe, im ron̄ ainikien bao al ilo wōjke ko.”1 Dekā remaron̄ lamoj āinwōt juon kam̧ool im kakeememej kōn Jisōs (lale Luk 19:40). Ilo m̧ool, aolepen laļ, jimor kōn ainikien im lo̧ļo̧kkjen, kwaļo̧k aiboojoj in kam̧ool im letok kakeememej ko rem̧m̧an kōn Rikōm̧anm̧an eo.
Aolep men jeplōklōk in kakeekemej ilo aolep kōm̧anm̧an ko rej ļapļo̧k jān kakeekemej ko rekamanit me jej loi ilo kain̄i ko rekwojarjar. Abinidai ekar katakin bwe Israel etto kar lelo̧k n̄ane kain̄i ko repen n̄an kōm̧m̧ani “n̄an dāpij er ilo ememej Anij im kuņaer n̄an e ” (Mosaia 13:30). Rikanaan ro raan kein rekar katakin kōj ejja menin. Būreejtōn Spencer W. Kimball (1895–1985) ekar kwaļo̧k, “Ij lale enaaj kar ejeļo̧k būn̄ jān tōmak, ejamin nej kar lōn̄ kakure, eļan̄n̄e armij renkar keememej, lukkun keememej, men ko rekar bujen kaki ilo tōrein dān ak ilo tebōļ in kwojkwoj im ilo tampeļ.”2
Pinmuur eo an Kraist ej jimor n̄an aolep laļ im n̄an kajjojo armij. Bar kakeememej ko An Lo, koba ippān kain̄i ko rāinjuon kar letok n̄an kōj, E kar letok n̄an kōj oktak im kajjojo kakeememej ko kōn E. N̄an wanjo̧n̄o̧k, juon kūļe ak bedkat eto bwe in kōm̧m̧an ad armij keememej Jisōs ak obrak kōn en̄jake im kam̧oolol kake E. Bōtaab armij eo an lo̧ļo̧kjen kar bar rool n̄an e ke Jisōs ekar kapit mejen kōn kūļe ekar bolen kakeememej Jisōs aolep iien ej elolo kūļe—pedkat! (lale Jon 9:6–7). Im barāinwōt bwe Naaman ekar naaj maron̄ kalimjok juon reba, elaptata Jordan ilo an jab ļōmņak kōn Irooj eo ekar kemouri ijo (lale 2 Kiin̄ ko 5:1–15). Kōj kajjojo em̧ōj letok kakeememej ko ad make kōn Kraist. Lali im keememej E.
Kam̧ool kōn Kraist
Ļo̧o̧k im bwebwenato ko rej kobain men ko Irooj ekar kepooji n̄an jipan̄ kōj jipan̄ kōj pokake kien ko An n̄an keememej. Jeje ko rekwojarjar—ļo̧o̧k in jerbal ko an Anij ippān ajri ro Nejin—ekutkut an kōnaan kōn kwaļo̧k kam̧ool, ak “kam̧ool,” kōn E (lale 2 Korint 8:3; 1 John 5:7; 1 Nipai 10:10; 12:7; Katak im Bujen Ko 109:31; 112:4).
Ļo̧o̧k ko rekwojarjar, ekoba jōņōļ ko an juon make, ej jipan̄ kōj kam̧ool. Iien ko reļļap ippān Jetōb rej juon menin letok me, ilo iien eo, jej tōmak jeban meļo̧kļo̧k. Bōtaab jekjek in ad meļo̧kļo̧k ej kwaļo̧k emourur in en̄jake ko reļļap n̄an makonļo̧k ilo iien. Juon jeje in jōņōļ, juon pija, ak juon rekoot emaron̄ jipan̄ kōj keememej iien ko reļļap bōtaab bar boktok en̄jake im Jetōb eo jekar en̄jake. Ejeļo̧k kailibōkbōk, innem, bwe kakien eo jinoin tata ālkin an Kabun̄ in kar ejaak ilo raan kein elitata ekar, “Enaaj wōr juon aļo̧o̧k kōjparoke ilubwiljimi;” (Katak im Bujen Ko 21:1). Lukkun kōjpārok ļo̧o̧k ko ej kōļapļo̧k ememej ko ad im maron̄ jiron̄ kōj kōn bōd ko ad im boktok kōj n̄an Anij (lale Alma 37:8).
Jemļo̧kin, aeet, kōj jemaron̄ ļo̧o̧k rekoot in m̧ool kōnke em̧ōj ad kar bōk juon kam̧ool kōn m̧ool jān Jetōb Kwojarjar, eo ej “ļo̧o̧k in lan̄ eo;” (Moses 6:61). Ilo jerbal in, Jetōb Kwojarjar ej ļo̧o̧ke m̧ool ilo “[būrued] tebōḷ kanniōk ko” (2 Korint 3:3). E ej jipan̄ kōj keememej Kraist im aolep men E kar katakin kōj (lale Jon 14:26).
Ekejel eo ikōtaan Jisōs, ļo̧o̧k ko, Jetōb Kwojarjar eo, im kekeemej bwe rej waļo̧k ilo Moronai 10:3–5. Kar kallim̧uri kōj bwe eļan̄n̄e jenaaj riiti Bok in Mormon eo, juon ļo̧o̧k ekwojarjar, ilo jetōb in keememej im kajjitōk ippān Anij ilo etan Kraist kōn juon bōro em̧ool, kōn juon lukkun kōttōpar im tōmak ilo Kraist, Jetōb Kwojarjar enaaj kam̧ool n̄an kōj m̧ool eo kōn ļo̧o̧k in. Im eļan̄n̄e ļo̧o̧k jab eo em̧ool, innem Jisōs ej Kraist.
Alma Arise, by Walter Rane
Keememej n̄an Pinmuur
Kakeememej Jisōs ej tōl n̄an pinmuur im lo̧mo̧o̧r. Ļōm̧ņak kōn jerbal in an kakeememej ilo pinmuur eo an Alma eo edik. Ke enjeļ eo ekar waļo̧k n̄an Alma, ekar leļo̧k kakien eo bwe Alma en “kappukot n̄an jab ko̧kkure kabun̄ eo ļo̧k wōt,.” Bōtaab mokta jān an kar kwaļo̧k ennaan in, enjeļ eo ekar ba, “Keememej kōm̧akoko an ro jemam̧ … im keememej ewi jon̄an men ko [Kraist] kōm̧m̧an n̄an er; bwe raar pād ilo kōm̧akoko, im Eaar … kōtļo̧k er” (Mosaia 27:16; kōmejaja kar kobaiktok).
Kakien eo an enjeļ eo n̄an keememej ekar jab baj juon tōl māletlet eo kōn men ko baj ļo̧o̧ri wōt. N̄an Alma, ekar juon jejjōt in ļōmņak, juon uwaak ilo iakwe, n̄an ekōjkan emaron̄ eļļā jān en̄jake in ekepaak mej me enaj tōn waļo̧k n̄an e kio.
Ron̄oul iiō ko tokālik, Alma ekar kwāļo̧k n̄an ļeo nejin Hiļamōn, ilo dikpdikin ekamijak ta eo ekar pād ie ke ekar babu ijo im jaje m̧akūtkūt im jaje kōnaan iumin jilu raan, “ukeļo̧k epaake n̄an mej” (Mosaia 27:28). Ālkin an kar enjeļ eo em̧akut, Alma ekar keememej, aolep jim̧we; bōtaab aolep men emaron̄ keememeji rekar jerawiwi ko an.
“iaar widbwebwe kōn aen̄taan ejjeļo̧k jem̧ļo̧kin,” Alma ekar keememejļo̧k. “… Aaet, iaar keememej aolep jero̧wiwi im nana ko aō, ko kaki iaar aen̄taan kōn metak ko an hell” (Alma 36:12–13). Kōļmenļo̧kjen eo n̄an jutak im̧aan Anij ekar kobrak Alma kōn “kawidbwebweik aō kōn lōļn̄o̧n̄” ke ekar ļōmņak in ko, jab baj mej wōt ako erom̧ļo̧k “jako im ļot jim̧or ilo jetōb im kanniōk” (Alma 36:14–15).
Ijin jej aikiuj bōjrak im meļeļe, Alma ekar jab baj kōļļā oņen jet bōd ko renana iumin jilu raan me kar kapene kadede bwe rej oņen jerawiwi ko ad. Eaab, ekar pād maan in jem̧ļo̧k—raan ko jilu moktata—in an “jepooļ kōn tomede in mej ejjeļo̧k jem̧ļo̧kier” (Alma 36:18; komejaja kar kobaiktok).
M̧ool, e enkar pād wōt ilo jekjek in enana mootļo̧k jān jilu raan—indeeo—n̄e enkar jab kōn m̧ool eo ke, kōn turiamo, e kar juon iaļ, jān juon jikin, keememej bwe jemen ekar kanaan “kōn itok eo an juon Jisōs Kraist, juon Nejin Anij, n̄an pinmuur kōn jero̧wiwi ko an laļ.” Innām eaar ba:
“Kiiō, ke koļmānļo̧kijeņ eo aō eaar pen ilo ļōmņak in, iaar kūr ilo buruō: O Jisōs, kwe Nejin Anij, kwōn tūriam̧o kake eō, eo ej pād ilo jekjek eo enana, im ej jepooļ kōn tomede in mej ejjeļo̧k jem̧ļo̧kier.
“Im kiiō, lo, ke iaar ļōmņake men in, iaar jab bar keememejļo̧k metak ko aō; aaet, iaar jab bar ikimmaļ kōn ememļo̧kjeņ kōn jero̧wiwi ko aō” (Alma 36:17–19).
Alma ekar ļo̧o̧r kakien eo an enjeļ eo n̄an keememej Ekar keememej Jisōs. Im ke Jisōs ekar kōtļo̧k ro jeman Alma jān kōmakoko, E ekar kōtļo̧k Alma jān eo an.
Juon tūriamo im kajoor in kanemkwoj! Juon kabwilōn̄lōn̄ in oktak bōro im kōļmenļo̧kjen! Alma, eo kar jidik emootlo̧k kar ļo̧m̧ņak in ko jān im̧aan Anij ilo an erom̧ļo̧k jako, kio ej ememlo̧kjen Anij im enjeļ ro An rekwojarjar im “jan̄nuwaad n̄an pād ijo.” (Alma 36:22).
Oktak in ekabwilōn̄lōn̄ ekar jerbal jān wōt juon keememej. En̄jake eo an Alma ej letok lukkun meļeļein naan ko āliktata an Kiin̄ Benjamin ilo kwaļo̧k eo an āliktata: “Im kiiō, O armej, keememej, im jab mej” (Mosaia 4:30).
E ej Keememej Kōj
Ilo ad kajjieon̄ n̄an keememej Jisōs aolep iien, emenin aorōk n̄an dāpij ilo kōļmenļo̧kjen bwe E ej keememej kōj aolep iien. E ar je kōj ilo lo̧piden Pein (lale Aisea 49:16). Lōm̧ņak kake—Jisōs jouj eban, jab maron̄, meloklok kōj, bōtaab E epidodo im e m̧ōņōņō in meloklok jerawiwi ko ad me rej kanejnej E.
Menin eaorōk n̄an keememej.