“Lukkun Kiō Meļeļe Ta Meļeļein an Anij Iakwe,” Liaona, Jept. 2023.
Rūm̧m̧an Ded ro
M̧eļeļe Kio Ta M̧eļeļe n̄e Anij ej Iakwe Kōj
Ikar luuji kajoor in jeļā kōn kadkadū ekwojarjar.
Kōmeļeļe jān Alecia Schubert
Kio ikar dik, baam̧le eo aō kar em̧akut jen Hungary n̄an Germany. Ikar m̧ōņōņō n̄an em̧akut n̄an ijo, bōtaab ekar oktak im erom̧ ruatimjuon iiō ko reppen tata ilo mour eo aō.
Ikar en̄taan in ekkatak kajin German, im kar lukkun aolep iien m̧ōjņo̧, jimor men ko rekar kōm̧m̧an menin aō juon eo n̄an kakure. Aorōkū m̧ake eaar lukkun wōtlo̧k. Ālkin iien ikar en̄jake jab iakwe eō im kar dik aō kōjatdikdik n̄an ilju jekļaj. Ikar ļōmņak n̄e laļ in enkar em̧m̧anļo̧k n̄e ijako ie im jet iien ikajoor ļōmņak in bōk mour eo aō make.
Bōtaab ilo juon wāwein, ilo aolepen en̄taan ko, Ikar jeļā bwe kar letok mour eo aō kōn juon un, jekdoon n̄e iaar jab lukkun m̧eļeļe etke. Ikar jeļā bwe imaron̄ kar lo meram̧ an Rilo̧mo̧o̧r jekdoon ilo iien eo emarok tata (lale Ether 12:4). N̄e laļ in āinwōt n̄e ej jitļo̧k ņae eō, Ikar jeļā ia eo n̄an kappukōt E im ta E maron̄ kōm̧m̧an n̄an n̄a n̄e ij kappukōte ilo jeje ko rekwojarjar, jar, im kōm̧m̧an aō em̧m̧antata n̄an An rijilōk. Ekar mour kōn gospel eo An me ekar letok n̄an eō aenōm̧m̧an im jipan̄ eō etal wōt ilo iien in enana.
Juon M̧ool Meja Ekar Ir Jān E
Āliktata, baam̧le eo aō rekar bar em̧akūtļo̧k n̄an Hungary. Ikar diwōjļo̧k jān high school, im jekdoon n̄e iien kakure ko aō rekar mootlok, ikar wōt pere n̄a make. Men ko kar waļo̧k jān nana aer lale eō ekar lukkun jelet eō, im jet iien ikar pere aorōkū-make.
Āinwōt juon ro rūm̧m̧an ded, ikar lukkun kōņaan n̄an peran ilo kōm̧m̧ani kālet ko reļļap an mour im jokālet ta eo ikonan kōtōprake ilo mour in.
Ke iaar kakkōt kōn menin, ikar en̄jake n̄an pād ilo juon kweilo̧k n̄an rūm̧m̧an ded ro remake ia er ilo jabrōk in Europe. Ikar aikuji jetōb in tōl ilo mour eo aō n̄an jipan̄ eō kam̧wilaļļo̧k aorōkū-make im kar jar n̄an kappukōt uwaak ko ijo.
Juon bon̄ ilo kweilo̧k eo, ekar ertok kūli ilo peiu ke rikōnono eo ilo fireside eo ekar jino kōnono kōn aer kar bar kowadon̄e ke ej ajri. Ekar kōnono kōn an kar en̄jake an jeļo̧k tokjān im kar aelo̧k. Ikar m̧ōkaj im jino jan̄.
Ekar kōm̧eļeļik kar ta eo ikar en̄jake.
Rikōnono eo ekar wōnm̧aanļo̧k im kwaļo̧k m̧ool eo ekar dāpiji ilo iien kaban̄ban̄ ko an—juon m̧ool meja ekar ir jān e:
“N̄a nejin Anij.”
Atbakwoj Kadkadū Ekwojarjar
Ke ekar jem̧ļo̧k firesid eo, ekar lōn̄ wōt kemjaļaaļ ilo meja. Rikōnono eo ekar kile im itok im likut pein ioō. Ekar ba n̄an n̄an ke ejjab kijon̄ kōnono ilo fireside ko ak ekar en̄jake ke ewor juon ej aikuj in ron̄ ennaan eo ijo.
N̄a arrmij eo.
En̄jake in ekar kwalo̧k n̄an eō an Jemedwōj Ilan̄ lukkuun jeļā kōn ajri ro Nejin im E jeļā jejjōt wawein ad kepaak kōj bwe jen maro̧n̄ en̄jake jekdoon juon rabōlbōl in mour in pāren eo An. E kar jeļā ke iaar aikuj ron̄ ennaan eo an rikōnono im kar tōl eō n̄an ijo e jejjōt ilo ien eo e jejjōt.
Ikar jeļā naan in, “N̄a nejin Anij” aolepen mour eo aōm bōtaab m̧ool eo an ejkab lukkun waļo̧k ilo jetōb eo aō iien eo. Ikar m̧ool in kile ta m̧eļeļein n̄a juon nejin juon Anij eo e weepān eo ej iakwe kōj ke E kar m̧ōņōņō in kaarmejet Nejin eo emake bwe jen bar mour im n̄an pinmuur kōn jerawiwi ko ad. Eo ej lukkun iakwe kōj ke jekddon n̄e eban kōjpārok eō jān metak, E ej pād ippā ilo metak in im maron̄ jipan̄ eō walōn̄tak jān e, eddōk jān e, im jepļaakļo̧k n̄an Ippān.
E ej iakwe eō kio, E kar iakwe eō ilo iien ko rej kōwado̧n̄ eō me ikar en̄jake ejeļo̧k juon ekar bar en̄jake. Ijeļā kio bwe ekar kōnke iar jeļā m̧ool in ilo m̧wilaļ ke iar kālet n̄an etal wōt.
Būreejtōn Russell M. Nelson ejjab to ekar katakin kōn kajoor in jeļā kadkad ko ad rekwojarjar. Ekar ba: “Ro m̧ōtta jitōnbōro, kwoj lukkin ajri in jetōn nejin Anij. … Bōtaab m̧ool in indeeo elōlō ke ilo būruōm̧? …
“Jab kōm̧m̧an bwōd kōn menin: Maron̄ eo am̧ ekwojarjar. Ilo tiljek in kappukōt, Anij enaaj kwaļo̧k jidik in wōn eo konaaj erom̧.”1
Kio n̄e ij lo aō make kajjitōkin kōn aorōkū, ij aolep iien keememej m̧ool eo bwe naij nejin Anij im bwe mour eo aō ej menin letok jān E.
Kemeemej bwe kwoj juon ajri nejin Anij. Im jab meļo̧ļo̧k bwe reejtak, oktak in mour, im kajoor in jetōb ej itok jān atbakwoj m̧ool in.
Rijeje eo ej jokwe ilo Szeged, Hungary.