Njoo, Unifuate

2 Wakorintho 7

Ni kwa Jinsi Gani Huzuni iliyo kwa jinsi ya Mungu Hutusaidia Tutubu?

Picha na Mark Mabry

Mtume Paulo alifunza “ huzuni iliyo kwa jinsi ya mungu huleta toba iletayo wokovu … lakini huzuni ya ulimwengu hufanya mauti” (2 Wakorintho 7:10). Tunaweza kuhisi huzuni ya ulimwengu, aibu, na kuvunjika moyo tunapotenda dhambi. Na bado tunaweza kumgeukia Mwokozi ili tutubu, tunamwalika Yeye kubadilisha mioyo yetu na kuigeuza huzuni yetu kuwa furaha (ona Alma 36:18–20).

Huzuni iliyo kwa jinsi ya Mungu na Toba ya Kweli

Tunapohisi huzuni iliyo kwa jinsi ya Mungu, tunatambua mapungufu yetu na kutaka kufanya vyema. Tunahisi tumaini kwa ajili ya siku zijazo—na upendo wa Mwokozi kwa ajili yetu.

Fikiria maswali haya unaposoma 2 Wakorintho 7:

• Inamaanisha nini kuwa “mlihuzunishwa, hata mkatubu”? (mstari wa 9).

• Ni hatua zipi tunachukua wakati tunapohisi huzuni iliyo kwa jinsi ya Mungu? (ona mistari 10–11).

Huzuni ya ulimwengu dhidi ya Huzuni Iliyo kwa jinsi ya Mungu

Huzuni ya ulimwengu hutuvuta chini, huzima matumaini, na hutushawishi kushindwa na kuingia katika majaribu zaidi.

“Huzuni iliyo kwa jinsi ya Mungu hutuongoza kwenye uongofu na badiliko la moyo. Hutufanya sisi kuchukia dhambi na kupenda wema. Hutuhimiza kusimama na kutembea katika nuru ya upendo wa Kristo. Toba ya kweli ni kuhusu mabadiliko, wala si mateso, au usumbufu. Ndiyo, majuto ya rohoni na hatia ya kweli kwa kutokutii mara nyingi ni hatua yenye uchungu na muhimu katika mchakato mtakatifu wa toba. Lakini wakati hatia inapopelekea kujichukia au kutuzuia kuinuka tena, inakuwa ni kikwazo badala ya kudumumisha toba.

Mzee David A. Bednar wa Akidi ya Mitume Kumi na Wawili, “Unaweza Kufanya Hivyo Sasa,” Liahona, Mei 2013, 56.

Mjadala

Soma Mafundisho na Maagano 18:9–13. Je, Mwokozi anafikiria nini juu yetu, licha ya mapungufu yetu? Ni kwa jinsi gani tunaweza kubadilisha mtazamo juu yetu wenyewe ili uwiane na mtazamo Wake?