2023
Etetal ilo Bujen Jemjerā ippān Anij
Nobōm̧ba 2023
10:24

Etetal ilo Bujen Jemjerā ippān Anij

Jen Būreejtōn Emily Belle Freeman

Būreejtōn eo Eutiej an Doulul eo an Jiron̄ ro

E Eo me eaar kinejnej im rub kōn kōj naaj kōtļo̧k mour in bwe en kōmmane jerbal ko an ilo kōj, ijoke E ejjab kajitūkin kōj n̄an jelm̧ae māllijon̄ ko make ļo̧k iaad.

Ikar kwaļo̧k kajjieō n̄an juon iaļ eo eoktak ilo Israel jān eo em̧m̧an Ilan. “Ņa etan ej iaļ eo an Jisōs,” ļeo ear ba, “kōnke ej iaļ eo jān Nazreet n̄an Capernaum me elōn̄ rej tōmak Jisōs ekar etetal ie. Jen iien eo iaar ļōmņak im kōņaan etetal ilo iaļ eo, kōn menin iaar jino peek juon tūreep n̄an Israel.

Jiljino wiik m̧okta jen tūreep eo, eaar bwilo̧k jikkwōlelein neeō. Ļeo pāleeō eaar inepata kōn jorrāān eo; inepata eo aō eļaptata ewi wāween aō maron̄ etetal ilo Iaļ eo an Jisōs juon allōn̄ tokālik. Ij m̧akoko wōt, kōn menin ikar jab kāānjeļ e tikōt in ekāke ko.

Ij keememej aō diwōj jen wa eo n̄an ioon armej eo ej jinete kōm ilo jibbon̄in eo eaiboojoj in Juun. Ikar diwōj jān wa eo innām kanōk ruo jokoņ im juon wōtbai in būlbūl nee. Mya, ri jiniet eo am, kar jeļā bwe enej pen an etetal, im ba, “Uh, iļak lale koban maron̄ etetal ilo iaļ in kōn wōt jekjekin.

Iaar uwaak, “bōlen jaab.” “Bōlen ejjeļo̧k juon men ej bōbraeik eō jān kajjieon̄.” Liin eaar emajidjid, im kōm ekar jinoe. Ij iakwe e, tōmake bwe imaron̄ in kar etetal kōn juon nee bwilo̧k.

Ikar etal itok e iaļ eo im epen etetal ie ilo juon iien ekadu kōn kijejeto eo aō make. Innām, kar m̧ōm̧akūt jen m̧ool in aō kar kallim̧ūr, Liin ekar kaņōk tok juon to, kar likwōje tok n̄an kein dāpdep eo an wōtbai eo waaō, im kar jino n̄an atak e Liin ekar atak eō lōn̄ ļo̧k n̄an pat ko, ippen jikin kallib lemon ko, im tōrerein tok lo̧jet in Lom̧alo in Galilee. Ilo jem̧ļo̧kin iaļ eo, iaar kwaļo̧k aō lukkuun kam̧m̧oolol, eo ekar jipan̄ eō kadedeļo̧k men eo imaron̄ kar kadedeļo̧k make iaō.

Ke Irooj ekar kūr Inōk n̄an an etal ilo āne eo im kam̧ool kōn E, Inōk ekar āliklik.1 E eaar juon ļaddik wōt, rum̧wij ilo kōnono. Ekōjkan e maron̄ in kar etetal im kam̧ool kōn e ilo jekjek eo an? E ekar pilo jān ta eo ekar bwilo̧k ilo e. Uwaak eo an Irooj n̄an e ear pidodo im m̧ōkaj: “Etetal ippa.”2 Āinwōt Inōk, jej aikuj keememej bwe Juon eo me eaar kinejnej im rup kōn kōj3 naaj kōtļo̧k mour in bwe en kōmmane jerbal ko an ilo kōj, ijoke E ejjab kajitūkin kōj n̄an jelmae māllijon̄ ko make ļo̧k iaad.4 Jekdo̧o̧n ewi jon̄an pen in bwebwenato eo ad, ak kooj in iaļ in ad, E enaaj kūr kōn̄ n̄an etetal Ippān.5

Ļōmņak kōn juon likao ilo juon jorrāān eo me ear ioone Irooj ilo juon jikin ilo āne jem̧aden. Jekeb eaar etal ettoļo̧k jān m̧weo. Ke ej marok, ekar ettōņak juon tōņak jab wōt kōn juon jikin uwe ak bareinwōt bujen kallim̧ur ko ie, ekoba ta eo ij kōņaan ba addii in kallim̧ur-ko ļalem.6 Ilo bon̄n̄ōn eo, Irooj ej jutak iturin Jekab, kwaļo̧k E make āinwōt Anij eo an jemān Jekeb, innām kar kallim̧ur:

  • Ij pād Ippām.

  • Inaaj oņaake eok.

  • Inaaj bar ān̄intok eok n̄an āniin.

  • Ijāmin ilo̧k jān eok.

  • Inaaj kōjparok bujen ko aō ippam.7

Jekeb ekar wōr juon an kālet n̄an kōmmane. E maron̄ kar kāālet n̄an mour bajjōk ilo an ekkeijel wōt ippān Anij eo an jemān, ak E maron̄ in kar kāālet n̄an mour ilo bujen kallim̧ur im jemjerā E Iiō ko tokālik, Jekeb ekar kam̧ool kōn juon mour ilowaan bujen kallim̧ur ko: “Anij … ear uwaak eō ilo raan eo iar en̄taan, im eo ear pād ippa ilo iaļ iar ilo̧k ieļo̧k.”8 Āinwōt ke E ear kōmman n̄an Jekeb, Irooj enaaj uwaake kajjojo iaad wōj ilo raan in liaajlo̧ļ ko ad eļan̄n̄e jej kāālet n̄an kapen ad mour Ippān. E ekar kallim̧ur n̄an etetal ippād ilo iaļ eo.

Jej ņa etan etetal ilo iaļen bujen eo—juon iaļ eo ej jino kōn bujen peptaij im ej etal m̧wilaļ ļo̧k bujen ko jej kōm̧m̧ani ilo tampeļ eo. Bōlen kwoj ron̄ naan ko im ļōmņakin kakkaļļeiki n̄e rej dedeļo̧k. Bōlen aolep men kwoj loe ej juon iaļ n̄an men ko remenin aikuj. An epaaktok kalimjeke ej kwaļo̧k juon men eo eļap ļo̧k kipel ie Juon bujen ejjab wōt juon koņ, ijoke eaorōk. Ej kōn juon jemjerā. Būreejtōn Russell M. Nelson ekar katakin, “Iaļan bujen eo ej kōn jemjerā eo ad ippān Anij.”9

Ļōmņak kōn juon bujen pālele. Iien mare eo eaorōk, ijoke jokin wōt juon an aorōk ej juon jemjerā kar ejaake ilo mour ippān doon ālkin wōnmaanļo̧k. Ejja menin wōt ej mool kōn juon bujen jemjerā ippān Anij. Jekjek ko em̧ōj an bōk jikin, im enaaj wōr men ko ilo iaļ in. Ej kūr kōj kajjojo n̄an itok n̄e jemaron̄, kōn būruōn kōttōpar, im n̄an “bun̄ m̧aanļo̧k” .10 wōt Ippān ilo turājetiid, lōke bwe An kōjeraam̧m̧an ko kar kallim̧ur renaaj itok. Jeje ko rekwojarjar rej kakeememej kōj bwe emakijkij an kōjeraam̧m̧an ko itok ilo iien eo An make im ilo wāween eo An make. 38 iiō ko,11 12 years,12 m̧ōkaj.13 Ainwōt aikuj ko am̧ renaaj kōņaan, innām pein jipan̄ eo An enaaj maron̄.14

Mijen eo An ej kōn kōjatdikdik. Jisōs Kraist enaaj ioon kōj ijo jej pād ie ilo jekjek eo ad kiiō. En̄in ej unin jikin kallib eo, debwāāl eo, im lōb eo. Rilo̧mo̧o̧r eaar itok n̄an jipan̄ kōj anjo̧.15 Ijoke pād ijo jej pād ie eban bōktok kōtļo̧k eo jej kapukōte. Āinwōt ke E ekar likūt Jekob ijo ilo bwidej, Irooj ej jab ļōmņak in likūt jabdewōt iaad wōj ijo jej pād ie.

Mijen eo An ej juon gospel in wanlōn̄ ļo̧k. E enaaj jerbal ilowad16 n̄an ļōn̄aj kōj n̄an ijo E ej pād ie im, ilo jerbal eo, kwomaron̄ kōj n̄an erom āinwōt E. Jisōs Kraist ekar itok n̄an ļōn̄aj kōj.17 Ej kōņaan jipan̄ kōj erom. En̄in ej unin tampeļ eo.

Jej aikuj in keememej: ejjab ko̧o̧j eo wōt enaaj kōtļo̧k ad mour ilo mour eo tok ilōn̄ kampaniōn eo––ad Rilo̧mo̧o̧r. Im ej unin bujen jemjerā eo.

Ke ikar pād ilo Israel, Iaar loļo̧k Western Wall. Ippān ri Jew ro, ijin ej ijo ekwojarjar tata ilo Israel. En̄in ej aolepen men ko rej pād ilo tampeļ eo aer. Aoleper rej kōņak nuknuk ko rem̧m̧an n̄e loļo̧k jikin in aer ekwojarjar; kālet nuknuk ko aer ej juon kōkkaļļein aer wujlepļo̧k. Rekar loļo̧k wall eo n̄an riiti, n̄an kabun̄jar, im leļo̧k jar ko aer. Kajjitōk eo kōn juon tampeļ ilo ilubwiljier ej kōjerbal aer kajojo raan, jar ko aer, on̄ kōn juon im̧ōn bujen. Ij nepar aer wujlepļo̧k.

Ke iaar ro̧o̧l tok n̄an m̧weo jen Israel, iaar ron̄jake eļap ļo̧k n̄an bwebwenato ko ipeļaakū kōn bujen ko. Ijeļā n̄e armej rej kajitōk, Etke Ij aikuj etetal ilo juon iaļ in bujen? Etke ij aikuj in deļo̧n̄e juon em̧ n̄an kōmmani bujen ko? Etke ij aikuj in ekkōņak kaarmen kwojarjar? Ij aikuj in koorļo̧k ilo bujen jemjerā ippen Irooj? Uwak eo n̄an men kein rem̧m̧an im kajjitōk aorōk kein epidodo: Menin ej pedped wōt ion jon̄ak ta eo jemjerā kwoj kōņaan en̄jaake ippen Jisōs Kraist.18 Kajjojo iaadwōj naaj bōk n̄an kapukōte uwaak ko ad make n̄an kajitōk ko ad make rem̧wilaļ.

En̄in ej uwaak eo aō: Ikar etetal ilo iaļ in āinwōt juon “jitōnbōro leddik nejin jemed im jined ilo lan̄,”19 ekwojarjar ejeļā20 im em̧wilaļ an lo̧ke21 Āinwōt juon ajri in bujen, Imaron̄ in bōki kallim̧ūr22 im kōjeraam̧m̧an ko. Em̧ōj aō kāālet23 n̄an etetal ippān Irooj. Em̧ōj aō kūr24 n̄an jutak āinwōt juon rikam̧ool an Kraist. Elan̄n̄e iaļ in ej nana tok, N̄a ij kajoorļo̧k25 kōn maron̄ in jouj ilo pinmuur im katok eo. Kajjojo iien ij etal eļļā jen m̧weo Im̧ōn, ij en̄jake m̧wilaļ in bujen jemjerā eo Ippān. Iaar kwojarjar26 kōn jetōb eo An, kar bōk menin letok kwojarjar27 kōn kajoor eo An, im kar kōjenolo̧ke28 n̄an kalōk aelōn̄ in kiin̄ eo An. Tokjen juon jerbal in ukweļo̧k aolep raan im kajjojo wiik n̄an bōk mōttan kwojkwoj eo, N̄a ij ekatak n̄an jino jutak pen29 im jab mōmakūt, n̄an etal ilo kōmman emman30 Ij etetal ilo iaļ in ippān Jisōs Kraist reimanļo̧k n̄an raan eo kallim̧ur kake n̄e Enaaj bar itok. Innām inaaj maron̄ liāp Ippān31 im kotak lōn̄ tak āinwōt juon eo ekwojarjar32 leddik nejin Anij.

En̄in wūnin aō etetal ilo iaļen bujen.

En̄in unin aō jirōk likattōtōt n̄an bujen kallim̧ur ko.

En̄in unin aō deļo̧n̄ m̧ōn bujen eo An.

En̄in unin aō kōņak kaarmen kwojarjar eo āinwōt juon menin kakeememej.

Kōnke ikōņaan mour in bujen in jem̧doon in wujlepļo̧k n̄an E.

Bōlen bar kom̧. Jino ijo kwoj pād ie.33 Jab kōtļo̧k bwe jekjek ko an mour ren bōbrae eok. Keememej, būn̄tōn ak ribōk jikin ilo iaļ eo rejjab aorōkier wōt wōnmaanļo̧k.34 Kajjitōk ippān juon eo kwoj lōke juon eo ej pād ilo iaļan bujen eo n̄an ba kajjiem kwe n̄an Rilo̧mo̧o̧r eo rekar itok im jeļā. Katak eļapļo̧k kōn E. Ko̧o̧rļo̧k jemjerā eo jen am deļo̧n̄e bujen eo Ippān. Jekdo̧o̧n iiō eo am̧ ak jekjek rot eo am̧. Kwomaron̄ etetal ippān.

Ālkin an m̧ōj etetal ilo Iaļ eo an Jisōs, Myra eaar jab likūt to̧ eo an. Eaar likwoje wōt ilo wōtpai eo waō. Ilo jejjo raan ko ajri ro nej nejū im ro m̧ōttaer raar kajjojo bōk kuņaer iuni eō ilo iaļ eo ilo Jerusalem.35 Raar lukkuun lale bwe in jab luji bwebwenatoin Jisōs. Iaar keememej kajoor eo an diktak in epepen in. Jemaron̄ ekkatak jān kom̧. Ewōr juon ami ikdeleel n̄an jeļā tōl, Jisōs Kraist. Kwon lōke kajoor eo an to in me lukwōj kwe n̄an Ippān. Kwoj menin letok n̄an tōl ro jet n̄an E.36

Kamo̧o̧lol bwe, jekar etetal ippān doon ilo ial eo, ilo ad ba naan in rōjan̄ ko ilo ial eo.37 Ilo ad kwaļo̧k en̄jake ko ad make ippān Kraist, jenaaj make kajoorļo̧k. Kōn E ij kam̧ool ilo etan Jisōs Kraist, amen.

Kakeememej ko

  1. Armej ro an Inōk rekar etal jebwābwe, rekar kariab Kraist, rekar “kapukōt aer make pepe ilo marok ”(lale Moses 6:27–28). Ilo juon iien ke ear joļo̧ tōmak ilo armej, Inōk ekar jepļaak n̄an Irooj kōn tōl. Kūr in n̄an Inōk ejja āinwōt kūr eo Irooj ekar leļo̧k n̄an aoleped wōj: “Etetal Ippa” (Moses 6:34; bar lale Matu 11:28). Ak bōlen, āinwōt Inōk, kwojjab jeļā elan̄n̄e komaron̄ etetal ilo iaļ in jekjek eo am. Bōlen kwoj en̄jaake bōbrae ilo juon wāween. Bōlen lukkuun wūn eo jej aikuj in etetal ilo Iaļen bujen ej kōnke ekjek eo ad, kōnke jej bōbrae ilo juon wāween im jej aikuji jipan̄ eo An.

  2. Lale Moses 6:23–34.

  3. Lale “Jesus of Nazareth, Savior and King,” Hymns, no. 181.

  4. Lale Ether 12:27.

  5. Lale Matu 11:28–30.

  6. Leddik ro nejū rekar unoojdikdiki kallimur kein lalem n̄an ajri ro nejieer (ajri ro jibū) aolep jibbon̄—juon kakeememej kōn Jemed ilo Lan̄ eo ilo ijo ekwojarjar ejeļā kōn kajjojo ajri ro Nejin.

  7. Lale Jenesis 28:10-22. Abrahamic covenant eaar bareinwōt juon eo elukkuunin aorōk bon̄ōn eo. Men kein ej bujen eo an Ebream rej kwaļo̧k juon eddo eaorōk ilo mour ko ad im ilo gospel eo an Jisōs Kraist: (1) kallim̧ur eo kōn juon jolet indeeo (eoon 13); (2) ineed indeeo (eoon 14); im (3) kōjeram̧m̧an eo im bōk eddo n̄an kōjeram̧m̧an aolep lal ko ilo laļ in (eoon 14).

  8. Jenesis35:3eoon eo eaorōk kar kobaiktok. Ro jinen im jemān Jekob kar jiron̄ e bwe en aikuj kōttoļo̧k e make jen Iso, eo im eaar kaamijake tin m̧an e, im n̄an bōk juon jeraman n̄an loe juon eo e maron̄ in kar pāleeke ilo bujen eo (lale Jenesis 27:41–45; 28:1–2, 5).

  9. Russell M. Nelson, “Bujen eo Indeeo,” Liaona, Okt. 2022, 11.

  10. 2 Nipai 31:20.

  11. Lale Jon 5:5, bwebwenato in jikin tutu eo Bethesda.

  12. Lale Mark 5:25, bwebwenato in kōrā eo ekar un̄n̄ūr nuknuk eo an Kraist.

  13. Lale Matu 14:31, bwebwenato in Piter etetal ion den.

  14. Lale “Bedbed Eo E Bin,” Al, no. 5.

  15. Lale 1 Nipai 11:16-33.

  16. Lale Philippians 1:6; 2:13; Naan ko an Mormon1:7.

  17. Lale Jon 12:32.

  18. Juon iaļ ekkā kōmeļeļeik jān lōmān ba kajjien einwōt joor in jiniet ko ak kakkaļļe ko. Menin ej juon wāween n̄an lukkuun lale eok bwe kwon pād ion iaļ eo ejim̧we ak kōmman wōnmaanļo̧k ilo wāween eo ejim̧we. Juon jemjerā ebareinwōt maron̄ kōmeļeļeik jen ļōmān ba kajjien. Jet ian men kein ekitbuuj kōtmāne (lale Jeremaia 29:11; Katak im Bujen ko 132:7); jeļāņae (lale Mosaia 3:19; Alma 7:23; 13:28); ettā bōro; kipiliie; kijenmij; kōtļo̧k; lōke (lale Jabōn Kōnnaan ko3:5); im iakwe (lale Rom 8:31-39).

  19. “Unin Tōl eo an Doulul eo an Jiron̄ ro,” Gospel Ļāibrāre, naan ko kar kobaitok; bar lale Bonnie H. Cordon, “Leddik ro Nejin Rejitōn Bōro,” Liaona, Nob. 2019, 67.

  20. Lale Jon 4:1–29, bwebwenato in kōn kōrā eo ilo aebōj laļ eo.

  21. Lale Alma 38:1–3.

  22. Lale Bōnbōn 6:23–27.

  23. Lale Joshua 24:22.

  24. Lale Katak im Bujen Ko 25:3, bwebwenato in kōn Emma Smith

  25. Lale 1 Korint 15:9–10.

  26. Lale 2 Kronikel 20:1–17, eļaptata eoon 14.

  27. Lale Katak im Bujen Ko 109:1–46.

  28. Lale 1 Samuel 16:11–13.

  29. Lale Ester 4:16, bwebwenato eo kōn Ester.

  30. Lale Jerbal 10:38.

  31. Lale Aiseia 43:1–5.

  32. Lale Duteronomi 28:1–9.

  33. Eo m̧ōtta em̧m̧an eaar kakeememej eō kōn juon kūr in jerbal eaorōk ilo jabdewōt jemjerā.

  34. Kōnono ippān Kristen Olsen, Sept. 2023.

  35. N̄an Mack Oswald, Camden Oswald, Ashton Matheny, im Jack Butler, kamo̧o̧l kōn am̧i kobaik n̄a.

  36. Kwonaaj keememej bwe ikar karuwaineneiki jodikdik ro an Kabun̄ eo an Jisōs Kraist im Armej ro Rekwojarjar ilo Raan Ko Āliktata n̄an koba ippān jarin tariņae in jodikdik ro an Irooj n̄an bōk koņaer ilo jerbal in eļaptata ioon laļ in rainin—aiintok Israel. Ij lewaj kajjitōk in n̄an jodikdik ro ad kōnke er eāinjuon jeļā eo aer ilo pukotļo̧k ro jet im kwaļo̧k ta eo rej tōmak ie ilo juon wāween kareel eo em̧m̧an.” (Russell M. Nelson, “Rikam̧ol ro, Doulul ko an Priesthood eo an Aron, im Kūlaaj ko an Doulul eo an Jiron̄ ro,” Liaona, Nov. 2019, 39).

  37. “The kingdom of God … is like a besieged city surrounded on all sides by death. Each man has his place on the wall to defend and no one can stand where another stands, but ‘nothing prevents us from calling encouragement to one another’” (Martin Luther, in Lewis William Spitz, The Renaissance and Reformation Movements [1987], 335).