2023
M̧ool Indeeo
Nobōm̧ba 2023
10:40

M̧ool Indeeo

Jān Elder John C. Pingree Jr.

Jān Jiljilimjuonn̄oul eo

Ilo ad aikuj kile m̧ool in ejjan̄in kar lukkuun aorōk!

Ro jeiū im jatū, kom̧m̧ool kōn kijejeto eo am n̄an Anij Jemed im n̄an Nejin, Jisōs Kraist, im kom̧m̧ool kōn iakwe im jerbal eo am̧ n̄an doon. Kom̧ lukkuun em̧m̧an!

Kadkad In

Ālkin an kōrā eo ippa, Anne, im n̄a bōk juon kūr n̄an jerbal in mijenede, baam̧le eo aō ekar ļōmņak in jeļā kajjien etan aolep mijenede ro m̧okta jen am̧ tōparļo̧k mijen eo. Kōm kar būki pija ko, kaat ko, im jino jeļā kajjein mejeer im keememej etaer.

Ke kōm̧ij tōparļo̧k, kōm kar kōm̧m̧ane juon kweilo̧k in ba kajjien ippān mijenede ro. Ilo am̧ kar iiaio̧, iaar ron̄ ainikien ļaddik eo nejum̧ ratimjuon an iiō:

“M̧ōņōņō in lo eok, Sam!”

“Rachel, kwoj jān ia?”

“Wow, David, kolukkuun aetok!”

Ebōd, iaar ilo̧k im unoojdikdik n̄an ļaddik eo nejum̧, “a, jen keememej im kūr mijenede ro Elder ak Sister.”

Eaar kōmediki tok mejen im ba, “baba, ikar ļōmņak jej kajjieon̄ keememej etaer.” Ļaddik eo nejum̧ ekar kōm̧m̧ane ta eo ejim̧we pedped ioon an jeļā.

Kōn menin, ta jeļā eo ad kōn m̧ool eo ilo laļin rainin? Emakijkij ad leļo̧k kāālet ko reppen, riboot in meļeļe ko, im data ko rejjan̄in dedeļo̧k. Ilo ejja iien eo wōt, jon̄an eo im kein jipan̄ ko an meļeļe kein rej ļapļo̧k wōt. Ilo ad aikuj kile m̧ool in ejjañin kar lukkuun aorōk.

Elukuun aorōk bwe jen jinoe im kōkajoorļo̧k jem̧jerā eo ad ippān Anij, pukōt aenōm̧m̧an im m̧ōņōņō, n̄an tōpar aorōk eo ad ekwojarjar. Rainin, jen ļōmņaki kajjitōk kein ilaļ:

  • Ta in m̧ool, im etke eaorōk?

  • Elmen ad lo m̧ool?

  • N̄e jej lo m̧ool, elmen ad leto letak?

M̧ool Ej Indeeo

Irooj eaar katakin kōj ilo jeje ko rekwojarjar bwe, “m̧ool ej jeļāļo̧kjeņ kōn men ko āinwōt aer kiiō, im āinwōt aer kar waļo̧k, im āinwōt aer naaj waļo̧k tokālik” (Katak im Bujen Ko 93:24). Ekar “jab kōm̧anm̧an ak kōm̧m̧an” (Katak im Bujen Ko 93:29) im “ejjeļo̧k jemļo̧kkin” (Katak im Bujen Ko 88:66).1 M̧ool ejejjet, pen, im ban oktak. Ilo bar jet naan, m̧ool ej indeeo.2

M̧ool ej jipan̄ kōj bōbrae m̧ōņ,3 jeļā em̧m̧an jen nana,4 bōk kōjparok,5 n̄an lo aenōm̧m̧an im kōmour.6 M̧ool emaron̄ bar tōlļo̧k kōm̧m̧an ko ad,7 kanemkwoj kōj,8 kokwojarjar kōj,9 im tōlļo̧k kōj n̄an mour indeeo.10

Anij ej Kwaļo̧k M̧ool Indeeo

Anij ej kwaļo̧k m̧ool indeeo n̄an kōj kōn network of revelatory relationships ekoba E Make, Jisōs Kraist, Jetōb Kwojarjar, rikanaan ro, im kōj. In m̧ōk kōmeļeļeik jerbal kein rejenoļo̧k kōn ro rej bōk kuņaer ilo menin.

Juon, Anij ej unjen m̧ool indeeo.11 E im Nejin, Jisōs Kraist,12 ewōr aer meļeļe eweppān kōn m̧ool im aolep iien jerbal ilo aenōm̧m̧an ippān katak im kien ko rem̧ool.13 Kajoor in ej kōtļo̧k Er bwe ren kōm̧m̧ane im tōl laļ ko14 barāinwōt n̄an iakwe, tōl, im kōkaajririik kajjojo iaad ilo jejjet.15 Rekōņaan bwe jen meļeļe im bōk m̧ool bwe jen maron̄ m̧ōņōņō kōn kōjeraam̧m̧an ko āinwōt Er.16 Remaron̄ leļo̧k m̧ool n̄an armej ak, bar juon wāween, jen rileļo̧k ennaan āinwōt Jetōb Kwojarjar, enjel ro, im rikanaan ro remour.

Kein karuo, Jetōb Kwojarjar ej kam̧ool kōn aolep m̧ool.17 Ej kajju kwaļo̧k m̧ool ko n̄an kōj im kam̧ool m̧ool eo kar kwaļo̧ke jen ro jet. Eñjake ko jen Jetōb ekkā aer itok āinwōt kōļmenļo̧kjeņ ilo ļōmņak ko ad im eñjake ilo būruwōd.18

Kein kajilu, Jisōs Kraist eaar bōk m̧ool in jān Anij n̄an kwaļo̧k m̧ool eo n̄an kōj.19 Jej katak m̧ool eo jen rikanaan ro m̧okta ilo jeje ko rekwojarjar20 im jen rikanaan ro remour ilo kweilo̧k eo eļap im ilo kilen leto letak naan ko.

Āliktata, kwe im n̄a jej kōm̧m̧ane juon m̧ōttan elukkuun aorōk ilo jerbal in. Anij ekōņaan bwe jen kappukote, kile, im jerbal ilo m̧ool. Maron̄ eo ad n̄an bōk im mour kake m̧ool ej pedped ioon kajoor in jem̧jerā eo ad ippān Jemed im Nejin, uwaak eo ad n̄an im̧we eo an Jetōb Kwojarjar, im ad juon wōt ippān rikanaan ro ilo raan kein āliktata.

Jej aikuj in keememej bwe jerbal eo an Setan ej n̄an bōk kōj jān m̧ool in. E ejeļā bwe n̄e ejjeļo̧k m̧ool, jeban bōk mour indeeo. Ej kapok m̧ool eo kōn katak ko an laļin im kapo kōj jān ta eo Anij ekar ba.21

Kapukōte, kile, im Mour kōn M̧ool Indeeo

Ilo ad pukot m̧ool indeeo,22 kajjitōk kein ruo renaaj jipan̄ kōj kile elan̄n̄e juon karōk ej itok jān Anij ak jen bar juon jikin:

  • Karōk kein emakijkij ke aer kwaļo̧ki jen jeje ko rekwojarjar im jān rikanaan ro remour?

  • Katak eo ej ke kapen m̧ool eo an Jetōb Kwojarjar?

Anij ej kwaļo̧k katak ko rem̧ool n̄an rikanaan ro an, im Jetōb Kwojarjar ej kapen m̧ool ko n̄an kōj im jipan̄ kōj mour kaki.23 Jej aikuj kapukot im keppopo n̄an bōk en̄jake kein an jetōb n̄e rej itok.24 Epidodo an peļļo̧k kōļmenļo̧kjen ko ad n̄an kam̧o̧ol kōn Jetōb n̄e jenaaj ettā,25 lukkuun m̧ool in jar im katak naan ko an Anij,26 im kojparok kien ko An.27

Elan̄n̄e Jetōb Kwojarjar enaaj kwaļo̧k juon m̧ool n̄an kōj, jeļāļo̧kjeņ eo ad em̧wilaļļo̧k ilo ad likūt pedped in katak im kōjerbale. Ilo jejjo iien, ilo an ikutkut ad mour kake katak ko, jej bōk juon jeļāļo̧kjen eo ejim̧we kōn m̧ool eo.28

N̄an waanjon̄ak, iaar kōm̧m̧an bōd im kar en̄jake būromōj kōn kāālet ko rej jab em̧m̧an. Ak kōn jar, ekkatak, im tōmak ilo Jisōs Kraist, iaar bōk juon kam̧ool kōn katak eo kōn ukweļo̧k.29 Ilo aō waanmaanļo̧k im ukweļo̧k, meļeļe eo aō kōn ukweļo̧k ekajoorļo̧k. Ikar en̄jake epaakeļo̧k n̄an Anij im Nejin. Kiiō ijeļā bwe jerawiwi emaron̄ jeorļo̧k bōd kōn Jisōs Kraist, kōnke ij en̄jake kōjeraam̧m̧an ko an ukweļo̧k kajjojo raan.30

Lōke Anij N̄e Ejjan̄in Waļo̧k M̧ool Eo

Im, ta eo jej aikuj kōm̧m̧ane n̄e jej lukkuun pukōt m̧ool meñe ejañin walok? Ewōr aō tūriam̧o kōn ro rej ikdeelel n̄an uwaak ko me rejjab itok.

N̄an Josep Smith, Irooj eaar ba, “Kwōn ikōn wōt m̧ae Aō naaj lale ekkar ke n̄an kōm̧m̧an bwe men otemjej laļ en jeļā … kaki kōn menin” (Katak im Bujen Ko 10:37).

Im n̄an Emma Smith, Eaar ba, “Jab ellotaan kōnke men ko me kwōj jan̄in loi, bwe em̧ōj dāpiji jān eok im jān laļ in, men eo emālōtlōt ilo N̄a ilo juon iien eo ej itok” (Katak im Bujen Ko 25:4).

Bar n̄a iaar pukot uwaak ko n̄an kajjitōk ko. Elōn̄ uwaak ko rekar itok; jet rejan̄in.31 Ilo ad dāpdep wōt—lōke meletlet im iakwe eo an Anij, pokake kien ko an An, im pedped ioon ta ko jejeļā—E ej jipan̄ kōj kapukot aenōm̧m̧an m̧ae Enaaj kwaļo̧k m̧ool an men otemjeļo̧k.32

Meļeļe Katak im Kakien

N̄an pukōt mool, ejipan̄ n̄an meļeļe ta oktak in ikōtaan katak im kakien. Katak ekoba m̧ool ko indeeo, āinwōt meļeļe Doulul eo an Anij, karōk in lo̧mo̧o̧r, im pinmuur in en̄taan eo an Jisōs Kraist. Kien ej pedped in katak eo kiiō. Kien ej jipan̄ kōj tōl Kabun̄ in ilo wāween eo ejim̧we.

Ilo an katak ko ban oktak, kien emaron̄ oktak jen iien n̄an iien. Jerbal eo an Irooj kōn rikanaan ro rej dāpij An katak im n̄an kakōm̧anm̧an kien ko an Kabun̄ in ekkar n̄an aikuj ko an ajri ro Nejin.

Ejerata, jet iien jej kapok kien ippān katak. N̄e jej jab meļeļe oktak eo, jej pād ilo kauwōtata n̄e kien ko ren oktak im maron̄ kajjitōkin māletlet eo an Anij ak jerbal in revelesōn eo an rikanaan ro.33

Katakin Mool Indeeo

N̄e jej bōk m̧ool jān Anij, Ej rōjan̄ kōj n̄an kwaļo̧k meļeļe in n̄an ro jet.34 Jej kōm̧m̧ane menin n̄e jej katakin juon kūlaaj, tōl juon ajri, ak kōnono kōn m̧ool ko an gospel in ippān eo m̧ōttad.

Kōttōpar eo ad ej n̄an katakin m̧ool ilo juon wāween eo ej bōktok juon oktak eo em̧ool kōn Jetōb Kwojarjar35 Inaaj kwaļo̧k jejjo karuwainene ko repidodo jān Irooj im rikanaan ro An me remaron̄ jipan̄.36

  1. Pād io̧ļapen Jemedwōj Ilan̄, Jisōs Kraist, im katak ko Aer raorōk.37

  2. Pād wot ilo pen ilo jeje ko rekwojarjar im katakin ko an rikanaan ro raan kein āliktata.38

  3. Pedped ioon katak ko kaļōki ippān rikam̧ool ro ewōr ad maron̄.39

  4. Ellā jen m̧ool, ļōmņak ko ad make, im ļōmņak ko an laļin.40

  5. Katakin juon meļeļe ilo juon katak eo ej konono kōn m̧ool ko an gospel in.41

  6. Kōjerbale kein katakin ko rej karuwainene im̧we eo an Jetōb.42

  7. Kōnono ilo alikkar n̄an anjo̧ ioon jab meļeļe.43

Kōnono kōn M̧ool ilo Iakwe

Wāween ad katakin kōn m̧ool eo elukkuun aorōk. Paul ej rōjan̄ kōj bwe jen kōnono “m̧ool ilo yokwe” (lale Epesōs 4:14–15). M̧ool em̧m̧antata n̄an kōjeraam̧m̧an ro jet n̄e ej ilo iakwe ĀinwōtKraist.44

Kwaļo̧k m̧ool ilo ejjeļo̧k iakwe ekōm̧m̧an en̄jake ko rejekkar, ebweer, im ajimakeke. Ekkā an tōl ļo̧k n̄an dike im jenoļo̧k jān doon—aaet em̧ool jab errā. Ilo bar juōn wāween, iakwe ilo ejjeļo̧k m̧ool ejjeļo̧k kobban im elikjab kallim̧ur ko n̄an eddōkļo̧k.

Jim̧or m̧ool im iakwe rej aorōk n̄an eddōkļo̧k eo an jetōb ko ad.45 M̧ool ej letok katak, pedped ko, im kien ko remenin aikuj n̄an bōk mour indeeo, ilo an iakwe boktok ikdeelel eo aikuji n̄an dāpij im jerbal ioon ta eo em̧ool.

Eban jako aō kam̧m̧oolol ro raar kijenmej im katakin eō kōn m̧ool indeeo ilo iakwe.

Jem̧ļo̧kin

N̄an kōjemļo̧ke, kōtļo̧k bwe in kwaļo̧k m̧ool ko indeeo rekar erom̧ em̧jak n̄an jetōb eo aō. Em̧ōj aō itok n̄an jeļā m̧ool kein n̄an ļoori katak ko kōnono kaki rainin.

Ijeļā bwe Anij ej Jemedwōj Ilan̄.46 E ejeļā aolep men,47 aolep kajoor,48 im iakwe eo eweppān.49 Ekar kōm̧m̧ane juon karōk n̄an kōj n̄an bōk mour indeeo im erom̧ āinwōt E.50

Āinwōt m̧ōttan karōk eo, E ekar jilkintok Nejin, Jisōs Kraist, n̄an jipan̄ kōj.51 Jisōs ekar katakin kōj n̄an kōm̧anm̧an ankilaan Jemen52 im n̄an iakwe doon.53 E ekar pinmuur kōn jerawiwi ko ad54 im letok mour eo An ilo ioon debwāāl.55 E ekar jerkakpeje jen mej ālkin jilu raan.56 Kōn Kraist im tūriam̧o eo An, jenaaj jerkakpeje,57 jemaron̄ jeorļo̧k ad bōd,58 im jemaron̄ loe kajoor ilo apan̄.59

Ilo iien kar jerbal in karejar eo An ilo laļin, Jisōs ekar kajutak Kabun̄ eo An.60 Ālikin elōn̄ iiō ko, Kabun̄ in ekar oktak, im m̧ool ko rekar jako.61 Jisōs Kraist ekar kōjeplaaktok Kabun̄ eo An im m̧ool ko an gospel in n̄an Rikanaan Josep Smith.62 Im rainin, Kraist ej waanmaanļo̧k n̄an tōl Kabun̄ in An jen rikanaan im rijilōk ro remour.63

Ijeļā bwe ilo ad itok n̄an Kraist, jenaaj “weeppān ilo E,” (Moronai 10:32), bōk “tarlep in lan̄lōn̄;” (Katak im Bujen Ko 93:33), im bōk “aolep men ko an Jema” (Katak im Bujen Ko 84:38). Kōn m̧ool kein ij lukkuun kam̧ool ilo etan Jisōs Kraist, amen.

Kakeememej ko

  1. Bar lale Sam Ko 117:2; Katak im Bujen Ko 1:39.

  2. “M̧ool eo n̄an pere ko an jet, em̧ool ewōr baj juon men āinwōt jim̧we im bōd. Em̧ool ewōr m̧ool—m̧ool eo ejjeļo̧k jem̧ļo̧kin. Juon iaan men ko elōn̄ ilo kōj raan kein ad ej bwe jejjo armej ro rejeļā ia eo n̄an pukot m̧ool eo ie.” (Russell M. Nelson, “Mool eo Erreo, Katak eo Erreo, im Revelesōn eo Erreo,” Liaona, Nob. 2021, 6).

  3. Lale Josep Smith—Matu 1:37.

  4. Lale Moronai 7:19.

  5. Lale 2 Nipai 1:9; Katak im Bujen Ko 17:8.

  6. Lale Jekab 2:8.

  7. Lale Sam Ko 119:105; 2 Nipai 32:3.

  8. Lale Jon 8:32; Katak im Bujen Ko 98:8.

  9. Lale Jon 17:17.

  10. Lale 2 Nipai 31:20.

  11. Lale Katak im Bujen Ko 88:11–13; 93:36.

  12. Lale Jon 5:19–20; 7:16; 8:26; 18:37; Moses 1:6.

  13. Lale Alma 42:12–26; Katak im Bujen Ko 88:41.

  14. Lale Moses 1:30–39.

  15. Lale 1 Niapi 26:24.

  16. Lale Katak im Bujen Ko 82:8–9.

  17. Lale Jon 16:13; Jekab 4:13; Moronai 10:5; Katak im Bujen Ko 50:14; 75:10; 76:12; 91:4; 124:97.

  18. Lale Katak im Bujen Ko 6:22–23; 8:2–3.

  19. Lale Jeremaia 1:5, 7; Amos 3:7; Matu 28:16–20; Moronai 7:31; Katak im Bujen Ko 1:38; 21:1–6; 43:1–7. Juōn rikanaan ej “juōn armej Anij ekar kūr im ej kenono ilo etan Anij. Āinwōt juōn eo ej rikwojmeļan an Anij, juon rikanaan ej bōk kien ko, kannaan ko, im revelesōn ko jen Anij. Jerbal eo an ej kwaļo̧k kōņaaan ko an Anij im m̧ool in mour an armej im n̄an kwaļo̧k meļeļein jerbal ko An ippāer. Juon rikanaan ej kōjdate jero̧wiwi im ej rikaniji jem̧ļo̧k ko. E ej juon rikwaļo̧k kōn wānōk. Jet iien, rikanaan ro remaron̄ im̧we n̄an kwaļo̧k ilju im jekļaj eo an armej. Ijoke, lukkuun eddo eo an, ej kam̧ool kōn Kraist. Būreejtōn eo an Kabun̄ eo an Jisōs Kraist im Armej ro Rekwōjarjar ilo Raan ko Āliktata ej rikanaan eo an Anij ioon laļin rainin. Membōr in Būreejtōnji eo Kein Kajuon im Jon̄oulruo Rijilōk ro rej rejtak āinwōt rikanaan ro, rilolo ro, im rikwaļo̧k revelesōn ro” (Unin Tōl n̄an Jeje ko Rekwōjarjar, “Rikanaan,” Gospel Library). Pedped in waanjon̄ak rej waļo̧k ilo mour ko an Adam (lale Moses 6:51–62), Inōk (lale Moses 6:26–36), Noa (lale Moses 8:19, 23–24), Ebream (lale Jenesis 12:1–3; Ebream 2:8–9), Moses (lale Exodus 3:1–15; Moses 1:1–6, 25–26), Piter (lale Matu 16:13–19), im Josep Smith (lale Katak im Bujen Ko 5:6–10; 20:2; 21:4–6).

  20. Lale 2 Timote 3:16.

  21. Lale Jon 8:44; 2 Nipai 2:18; Katak im Bujen Ko 93:39; Moses 4:4.

  22. Lale 1 Nipai 10:19. Būreejtōn Dallin H. Oaks ekar katakin: “Jej aikuj in tiljek ilo ad pukot m̧ool eo an [Anij] im kālet jipan̄ ko n̄an kappok in. Jejjab aikuj in ļōmņak kōn men ko an laļ in jej loi ak ritōl eo āinwōt kein jipan̄ ko rekkar kōn m̧ool eo. … N̄e jej pukot m̧ool eo kōn kabun̄, jej aikuj kōjerbali jejjet in jerbal ko ilo jetōb im rekkar n̄an etale eo: jar, kam̧ool eo an Jetōb Kwojarjar, im ekkatak jeje ko rekwojarjar im naan ko an rikanaan ro raan kein.” (“M̧ool im Karōk eo,” Liaona, Nob. 2018, 25).

  23. Elder D. Todd Christofferson ekar katakin: “Rijilōk ro im rikanaan ro … rej kwaļo̧k naan eo an Anij, ak ilo kakobaba, jej tōmak bwe em̧m̧aan ro im kōrā rej lukkuun im ajri ro remaron̄ katak jān im maron̄ tōl kōn im̧we eo ekwojarjar kōn jar im ekkatak jeje ko rekwojarjar. … Membōr ro an Kabun̄ eo an Jisōs Kraist kar bōk menin letok eo an Jetōb Kwojarjar, eo ej kōnono ikōtaan Jemedwōn̄ Ilan̄. … Ejjab meļeļe bwe aolep membōr rej kōnono kōn Kabun̄ in ak maron̄ kōmeļeļeik katak ko ak bwe kajjojo maron̄ bōk tōl n̄an dipuk apan̄ ko im iien ko rem̧m̧an ilo mour eo an” (“Katak eo an Kraist,” Liaona, Māe 2012, 89–90, note 2).

  24. Lale 2 Nipai 33:1–2.

  25. Lale Katak im Bujen Ko 1:28.

  26. Lale Moronai 10:3–5; Katak im Bujen Ko 9:7–9; 84:85.

  27. Lale Katak im Bujen Ko 5:35; 63:23; 93:27–28. Jekdoon kijejeto eo ad ejouj, jet iaad emaron̄ wōr apan̄ ko n̄an en̄jake Jetōb itok wot jen apan̄ ko an kōļmenļo̧kjen. Būromōj, ekworkwor, im nan̄inmej ko ilo kōmlej remaron̄ kobaik tok men ko repen n̄an kile Jetōb Kwojarjar. Ilo wāween kein, Irooj ej karuwainene kōj n̄an waanmaanļo̧k mour kōn gospel im, im E enaaj kojeraam̧m̧an kōj (lale Mosaia 2:41). Jemaron̄ pukot makūtkūt ko jet—āinwōt ron̄jake al ko rekwojarjar, pād ilo iien jerbal in jipan̄, ak bok ad iien ilo inam̧ōj—ma rej jipan̄ kōj en̄jake leen Jetōb (lale Galetia 5:22–23) im kōkajoorļo̧k ikkijel eo ad ippān Anij.

    Elder Jeffrey R. Holland ekar kwaļo̧k: “Kōn menin ekōjkan uwaak eo am em̧m̧antata n̄e apan̄ ko an kōļmenļo̧kjeņ im inepata rejelm̧ae eok ak ro kwoj iakwe? Ilōn̄in men otemjej, jab luuji tōmak ilo Jemed ilo Lan̄, eo ej nejin im eo ej iakwe eok eļapļo̧k jen maron̄ ba. … Tiljek n̄an mālijon̄e am iien n̄an wūjļepļo̧k ilo jar bwe en bōktok Jetōbin Irooj n̄an mour am. Pukot kapilōk jen ro rej kabwijer kii ko kōn em̧m̧anļo̧k. Kajjitōk im m̧ōņōņō kōn kōjeram̧m̧an eo an priesthood. Bōk kwojkwoj eo aolep wiik, im jirōk likatōttōt n̄an koweppān kallim̧ur ko an Pinmuur eo an Jisōs Kraist. Tōmak ilo kabwilōn̄lōn̄ ko. Em̧ōj aō lo aer itok jet iaer n̄e pepe ko jet rej ba ejako. Kōjatdikdik ejjamin jako” (“Āinwōt juon Jāpe E Rub,” Liaona, Nob. 2013, 40–41).

  28. Lale Jon 7:17; Alma 32:26–34. Aaet, Anij ekōņaan “lain im bar lain, naan in akain̄i im bar naan in kain̄i,” mae iien jenaaj meļeļe aolep men otemjeļo̧k (lale Jabōn Kōnnaan Ko 28:5; 2 Nipai 28:30; Katak im Bujen Ko 88:67; 93:28).

  29. Lale 1 Jon 1:9–10; 2:1–2.

  30. Būreejtōn Russell M. Nelson ekar kōmeļeļeik: “Ejjeļo̧k juon men ej kanemkwoj eļapļo̧k, wōr tokjen, ak aorōkļo̧k n̄an juon jān ukweļo̧k eo emakijkij im ej kōm̧m̧an aolep iien, im aolep raan. Ukweļo̧k ejjab juon m̧akūtkūt, ej juon wāween jerbal. Ej kii eo n̄an lem̧ōņōņō im aenōm̧m̧an ilo kōļmenļo̧kjeņ. When coupled with faith, repentance opens our access to the power of the Atonement of Jesus Christ” (“We Can Do Better and Be Better,” Liahona, May 2019, 67).

  31. Jejjab jelā aolep wūn ko Anij ej rebiji jet iaan m̧ool indeeo kein jen kōj, bōtaap Elder Orson .Whitney ar kwalok juōn jikin ekatak ekaitoktok limo: “Ej menin kejeraaman n̄an tōmak ñe kojjab loe, kin an kejerpale tōmak ko ad en̄n̄e ej eddōk jetōb, juōn ian unin an armej bed lo lal in; kin jela in, enaaj wōran̄lok tōmak in, kabōjrak an jerbal, im kōmman menin an ben an eddōklok. ‘Jeļāļo̧kjen ej kajoor’; im aolep men rej aikuj in jāre ilo ien kein emōj karōk . Ak jeļāļo̧kjen eo ejapikpik—jelā ilo ien eo ebōd—menin jorren ñan lemaanlok im mōnōnō” (“The Divinity of Jesus Christ,” Improvement Era, Jan. 1926, 222; see also Liahona, Dec. 2003, 14–15).

  32. Lale Katak im Bujen Ko 76:5–10. Irooj ekar ko̧o̧njele Hyrum Smith n̄an “Kappukot jaab n̄an kwaļo̧k naan eo Aō, ak m̧okta kappukot n̄an bōk naan eo Aō, innām naaj kōtļo̧k loōm̧. … kwon ikōn̄ [im] ekkatak naan eo Aō” (Katak im Bujen Ko 11:21–22). Rikanaan Alma ej kwaļo̧k juon waanjon̄ak kōn wāween ņa mejlan kajjitōk ko jab uwaake: “Kiiō men kein rettino rejjab aolep kar kwaļo̧k n̄an eō; kōn menin inaaj bōjrak” (Alma 37:11). Ej barāinwōt kōmeļeļeik n̄an ļaddik eo nejin Kōriantōn “elōn̄ļo̧k menin ittino ko rekoņ bwe ejjeļo̧k en jeļā kake er ijello̧kun wōt Anij make.” (Alma 40:3). Emōj aō barāinwōt loe kajoor jān uwaak eo an Nipai ke ekar ioone juon kajjitōk ejjab maron̄ kar uwaake: “Ijeļā bwe E ej iakwe aolep ro nejin; ijo wōt ke, ijjab jeļā meļeļein aolep men” (1 Nipai 11:17).

  33. Ejja āinwōt, manōt iminene ko ad me rejjab katak ak kien. Emaroñ wōr tokjeir ñe renaj jiban̄ kōj loori katak im kein, bōtaap remaron̄ bar kakkure an eddōk jetōb ko ad n̄e rejjab bedbed ioon katak kein rem̧ool. Jej aikuj jab koba lok ilo iminene ko me rejjab kalōk tōmak ko ad ilo Jisōs Kraist ak jab jipan̄ jibarōk mour indeeo.

  34. Lale Katak im Bujen Ko 15:5; 88:77–78.

  35. Lale Katak im Bujen Ko 50:21–23.

  36. Kakobaba jen peba eo “Principles for Ensuring Doctrinal Purity,” approved by the First Presidency and the Quorum of the Twelve Apostles in February 2023.

  37. Lale 1 Nipai 15:14. Irooj ekar kwalok n̄an rijerbal ro An n̄an ro rejjab tōmak ak katak ko rejjab pedped ioon gospel in An: “Im kōn kwaļo̧k ukeļo̧k im tōmak ioon Rilo̧mo̧o̧r, im jeorļo̧k in jero̧wiwi ko jān peptaij, im jān kijeek, aaet, em̧ool Jetōb Kwōjarjar eo” (Katak im Bujen Ko 19:31).

    Elder Neil L. Andersen ekar ba: “Jen mije wōt Rilo̧mo̧o̧r Jisōs Kraist im menin letok in en̄taan in pinmuur eo An. Ejjab meļeļein bwe jeban kwaļo̧k en̄jake ko jen mour eo ad make ak kwaļo̧k ļōmņak ko jān ro jet. Ilo an unin kōnono eo ad kōn baam̧le ak jipan̄ ak tampeļ ak juon mijen, aolep … pedped wōt ilo Irooj Jisōs Kraist“ (“Jej Kōnono kōn Kraist,” Liaona, Nob. 2020, 89–90).

  38. Lale Katak im Bujen Ko 28:2–3, 8. Rikanaan Alma ekar kakōl ro kar jiton̄ er n̄an kwaļo̧k kōn gospel eo n̄an “katakin ejjeļo̧k ijello̧kun wōt n̄e eaar men ko eaar katakin, im ko kar kōnono kake jān lo̧n̄iin rikanaan ro rekwōjarjar.” (Mosaia 18:19).

    Būreejtōn Henry B. Eyring ekar kwaļo̧k, “We must teach the fundamental doctrines of the Church as contained in the standard works and the teachings of the prophets, whose responsibility it is to declare doctrine” (“The Lord Will Multiply the Harvest” [evening with a General Authority, Feb. 6, 1998], ilo Teaching Seminary: Preservice Readings [2004], 96).

    Elder D. Todd Christofferson ekar kam̧ool bwe “ilo Kabun̄ in rainin, āinwōt tōre ko etto, ej ejaak katak ko an Kraist ak kajim̧weik oktak ko ej juon jekjek an m̧adenļo̧k eo ekwojarjar n̄an jabdewōt eo Irooj ej leļo̧k ioon mālim eo an rijilōk” (“Katak eo an Kraist,” 86).

  39. Lale 2 Korint 13:1; 2 Nipai 11:3; Ether 5:4; Katak im Bujen Ko 6:28. Elder Neil L. Andersen ekar kwaļo̧k: “Jet rej kajjitikin tōmak eo aer ke rej lo juon ennaan kar kōm̧m̧an jān juon ritōl an Kabun̄ in iiō ko remoot lok im ejjab einwōt katak ko ad. Ewōr juon pedped aorōk me ej tōl katak eo an Kabun̄ in. Katak ko rej katakin jān aolep 15 ro uwaan Būreejtōnji eo Kein Kajuon im Doulul eo an Jon̄oulruo ro Rijilōk ro. Ejjab ņojak ilo juon pārokūrāāp ejalikkar an juon kōnono. Pedped ko rem̧ool emakijkij katakin im jān elōn̄ Katak eo ad ejjab pen n̄an loe” (“Mālijon̄ an Tōmak eo Ami,” Liaona, Nob. 2012, 41).

    Elder D. Todd Christofferson ekar katakin: “Aikuj in keememej bwe ejjab aolep ennaan ko litok jān juon ritōl an Kabun̄ in, m̧okta ak kiiō, aikuj in m̧ōttan katak ko. Ekkā ad meļeļe ilo Kabun̄ in bwe juon ennaan letok jān juon ritōl ilo juon iien make emakijkij an bōk jikin juon ļōmņak em̧m̧an an juon make ejjab meļeļe in ej erom̧ juon ennaan m̧weien ak pen n̄an aolepān Kabun̄ in” (“Katak eo an Kraist,” 88).

  40. Lale 3 Nipai 11:32, 40. Būreejtōn Gordon B. Hinckley ekar ba: “I have spoken before about the importance of keeping the doctrine of the Church pure. … I worry about this. Small aberrations in doctrinal teaching can lead to large and evil falsehoods” (Teachings of Gordon B. Hinckley [1997], 620).

    Būreejtōn Dallin H. Oaks ekar kakkōļ bwe ewōr jet “who select a few sentences from the teachings of a prophet and use these to support their political agenda or other personal purposes. … To wrest the words of a prophet to support a private agenda, political or financial or otherwise, is to try to manipulate the prophet, not to follow him” (“Our Strengths Can Become Our Downfall” [Brigham Young University fireside, June 7, 1992], 7, speeches.byu.edu).

    Būreejtōn Henry B. Eyring eaar kakkōļ: “Katak eo ej bōk an kajoor ilo an Jetōb Kwojarjar kam̧ool ke em̧ool. … Because we need the Holy Ghost, we must be cautious and careful not to go beyond teaching true doctrine. The Holy Ghost is the Spirit of Truth. His confirmation is invited by our avoiding speculation or personal interpretation. Menin emaron̄ juon men epen n̄an kōm̧m̧ane.… It is tempting to try something new or sensational. Because we need the Holy Ghost, we must be cautious and careful not to go beyond teaching true doctrine. One of the surest ways to avoid even getting near false doctrine is to choose to be simple in our teaching. Safety is gained by that simplicity, and little is lost” (“The Power of Teaching Doctrine,” Liahona, July 1999, 86).

    Pukōt eļapļo̧k meļeļe ej juon m̧ōttan aorōk an eddōkļo̧k ilo jetōb eo ad, ak jouj im mejmej karuo. Unin ejjab maron̄ bōk jikin revelesōn. Kajjidede ejjāmin naaj tōlļo̧k n̄an jeļā eļapļo̧k ilo jetōb, bōtaab emaron̄ in tōlļo̧k n̄an m̧oņ ak kōjaaļo̧k jibadbad eo ad jān ta eo kar kwaļo̧ke” (“Paotok Kwojarjar im Mejān Kajjik Indeeo eo Am̧,” Liaona, Māe 2022, 70).

  41. Lale Matu 23:23. Būreejtōn Joseph F. Smith ekar kakkōļ: “It is very unwise to take a fragment of truth and treat it as if it were the whole thing. … All the revealed principles of the gospel of Christ are necessary and essential in the plan of salvation.” Eaar etal wōt im ba: “It is neither good policy nor sound doctrine to take any one of these, single it out from the whole plan of gospel truth, make it a special hobby, and depend upon it for our salvation and progress. … They are all necessary” (Gospel Doctrine, 5th ed. [1939], 122).

    Elder Neal A. Maxwell ekar kōmeļeļeiki: “The gospel’s principles … require synchronization. When pulled apart from each other or isolated, men’s interpretations and implementations of these doctrines may be wild. Love, if not checked by the seventh commandment, could become carnal. The fifth commandment’s laudable emphasis upon honoring parents, unless checked by the first commandment, could result in unconditional loyalty to errant parents rather than to God. … Even patience is balanced by ‘kauwe ilo iien ko rejim̧we ilo jejjet, n̄e kōm̧akūt ioon jān Jetōb Kwojarjar’ [Katak im Bujen Ko 121:43]” (“Behold, the Enemy Is Combined,” Ensign, May 1993, 78–79).

    Būreejtōn Marion G. Romney ekar katakin, “Searching [the scriptures] for the purpose of discovering what they teach as enjoined by Jesus is a far cry from hunting through them for the purpose of finding passages which can be pressed into service to support a predetermined conclusion” (“Records of Great Worth,” Ensign, Sept. 1980, 3).

  42. Lale 1 Korint 2:4; Moronai 6:9. Elder Jeffrey R. Holland eaar kalikkar aikuj eo n̄an kōnono kōn gospel eo an Jisōs Kraist ilo juon wāween n̄an tōl mour in jetōb kōn kajoor eo an Jetōb Kwojarjar: “The Lord has never given more emphatic counsel to the Church than that we are to teach the gospel ‘by the Spirit, even the Comforter which was sent forth to teach the truth.’ Jej ke kwaļo̧k gospel in ‘kōn Jetōbin m̧ool?’ Ekar ba. Ak jej ke kwaļo̧k ilo bar juon wāween? Im eļan̄n̄e ej jān bar jet iaļ,’ Eaar kakkōļ, ‘ej jab jān Anij’ [Katak im Bujen Ko 50:14, 17–18]. … No eternal learning can take place without that quickening of the Spirit from heaven. … En̄in ej ta meļeļein katak jān tōmak.… Rekōņaan bwe tōmak eo aer kajoorļo̧k im kōjatdikdik eo aer en kōkāāl. They want, in short, to be nourished by the good word of God, to be strengthened by the powers of heaven” (“A Teacher Come from God,” Ensign, May 1998, 26).

  43. Lale Alma 13:23. Kōnono kōn Jemedwōj Ilan̄, Būreejtōn Russell M. Nelson ekar kam̧ool, “E ej kōnono ippād ilo juon wāween epidodo, elur, im kōn alikkar ko rekabwilōn̄lōn̄ me jeban pok kōn ta eo Ej ba” (“Ron̄jake E,” Liaona, Māe 2020, 89).

  44. Lale Sam Ko 26:3; Rom 13:10; 1 Korint 13:1–8; 1 Jon 3:18.

  45. Lale Sam Ko 40:11.

  46. Lale Rom 8:16.

  47. Lale 1 Samuel 2:3; Matu 6:8; 2 Nipai 2:24; 9:20.

  48. Lale Jenesis 17:1; Jeremia 32:17; 1 Nipai 7:12; Alma 26:35.

  49. Lale Jeremia 31:3; 1 Jon 4:7–10; Alma 26:37.

  50. Lale 2 Nipai 9; Katak im Bujen Ko 20:17–31; Moses 6:52–62.

  51. Lale Jon 3:16; 1 Jon 4:9–10.

  52. Lale Jon 8:29; 3 Nipai 27:13.

  53. Lale Jon 15:12; 1 Jon 3:11.

  54. Lale Luk 22:39–46.

  55. Lale Jon 19:16–30.

  56. Lale Jon 20:1–18.

  57. Lale 1 Korint 15:20–22; Mosaia 15:20–24; 16:7–9; Katak im Bujen Ko 76:16–17.

  58. Lale Jerbal 11:17–18; 1 Timote 1:14–16; Alma 34:8–10; Moronai 6:2–3, 8; Katak im Bujen Ko 19:13–19.

  59. Lale Matu 11:28–30; 2 Korint 12:7–10; Pilippai 4:13; Alma 26:11–13.

  60. Lale Matu 16:18–19; Epesōs 2:20.

  61. Lale Matu 24:24; Jerbal 20:28–30.

  62. Lale Katak im Bujen Ko 20:1–4; 21:1–7; 27:12; 110; 135:3; Josep Smith—Bwebwenato 1:1–20.

  63. Lale Katak im Bujen Ko 1:14, 38; 43:1–7; 107:91–92.