Kabun̄ in ej Kōjjeļā kōn Bok in Al eo Kōkāāle

Kabun̄ eo an Jisōs Kraist im Armej ro Rekwojarjar ilo Raan Ko Āliktata ej kiiō karōk n̄an kwaļo̧k Al ko—n̄an M̧weo im Kabun̄ in ilo kajin In̄lij, Spanish, Portuguese, im French ilo jem̧ļo̧k in 2026, ippān kajin ko jet ālkin.

Bok in al kāāl eo enaaj pād ie ikōtaan 450 n̄an 500 al ko im al ko an ajri. Lōn̄ļo̧k n̄an 50 kajin ko renaaj jeje ilo 2030. Ej meļeļe in bwe jarlepju ko an Armej ro Rekwojarjar ilo Raan Ko Āliktata aolepān laļ in renaaj kabun̄ jar kōn ejja bok in al eo wōt kobaik im juon wōt, oran al ko ilo bok in al eo enaaj jon̄an wōt juon ilo aolep kajin ko ilo Kabun̄ in.

Ilo iien in, Kabun̄ in enaaj kwaļo̧k jet al kāāl ko ilo digital jino ilo jimettan in iiō eo 2024. Maron̄ kōjerbali ippān al in jar ko im al ko ilo bok in al in jar eo an Kabun̄ in kiiō im bok in al eo an ajri. Menin enaaj kobaik al ko rem̧m̧an an Kabun̄ in kar kini ālkin 1985 eo (eo āinwōt “Faith in Every Footstep”), al eo kar baroik jān kabun̄ ko jet, im jet iaan 17,000 al kāāl ko kar jilkintok jān membōr ro an Kabun̄ in. Elōn̄, eļan̄n̄e ejjab aolep, iaan al kein rekāāl me enaaj wōt ilo digital eo kwaļo̧ke im̧aan tata naaj tokālkin kobaik n̄an Bok in al—n̄an M̧weo im Kabun̄ in