Bok eo Kōkāāle Kein Karuo an Kwaļo̧k Aō Gospel Ewōr Kiiō

Epakeļo̧k ron̄oul iiō ko ālkin kar je Kwaļo̧k Aō Gospel: Juon Unin Tōl n̄an Jerbal in Mijenede, Kabun̄ in ekar kōm̧m̧ane bok eo kōkāāle kein karuo (eo ej bōk taitōļ eo kein karuo Juon Unin Tōl n̄an Kwaļo̧k Gospel eo an Jisōs Kraist).

Būreejtōn Russell M. Nelson ekar kōjeļļā kōn bok eo kōkāāle kein karuo ilo jemenaar eo an Kabun̄ in n̄an ritōl ro rekāāl an mijen ilo Juun eo. “Bok in kōkāāle ekāāl ej itok ilo juon iien ke laļ in em̧ōkaj an oktak,” eaar ba. “[Ej] kwaļo̧k juon uwaak n̄an elōn̄ iaan oktak ko. Epād ie jet iaan naan in kōmeļeļe ko rem̧m̧an tata ijjan̄in kar loi n̄an jipan̄ armej ro bōk kūr eo an Irooj n̄an itok n̄an E.”

Bok eo kar kōkāāl kobban ekitbuuj katak ko jān ritōl ro an Kabun̄ in kar litok jān kar bok eo kein kajuon kar je ilo 2004 eo. Ej ekkejel ippān meļeļe ko rekāāl an Bok in Bōk Meļeļe Eļap eo im kakien ko jet rekāāl. Ej barāinwōt kitbuuj men ko n̄an kōjparok im unin tōl ko kōn kōjerbal technology ilo kwaļo̧k gospel eo.

Būreejtōn eo Eutiej an Doulul eo an Jiron̄ ro Bonnie H. Cordon ekar ba: “Ekar juon men eo aiboojoj ilo an aolep Jon̄oulruo ro raar kalimjōk menin. Būreejtōnji eo Kein Kajuon ekar riiti aolepān. Im menin ej lukkuun bok eo me Rilo̧mo̧o̧r eo ekar door mālim eo An ioon.”

Bok eo kōkāāle kein karuo an Kwaļo̧k Aō Gospel ej kiiō pād ilo Gospel Library app eo im online ilo kajin In̄lij, French, Portugese, im Spanish. Bok ko būrini naaj wōr ilo jemļo̧kin ļo̧k 2023. Enaaj wōr ilo kajin ko jet ilo jinoin Jānwōde 2024.