2023
Elder Alexander Dushku
Nobōm̧ba 2023


“Elder Alexander Dushku,” Liaona, Nob. 2023.

Elder Alexander Dushku

Ritōl Eutiej an Jiljilimjuonn̄oul

Ro jinen im jemen Elder Alexander Dushku raar kobatok ilo Kabun̄ in ilo Boston, Massachusetts, USA, ālkin loļo̧k World’s Fair eo ilo New York City ilo 1964. Jemen ekar m̧weiur ilo jetōb kōn ta eo ekar katak kōn gospel eo ilo juon jikin Kabun̄ in ekar bōk eddo in, im ekar karuwaineneik mijenede ro n̄an katakin e im lio epojak in naaj pāleen.

Ro jinen im jemen raar kāāl n̄an Kabun̄ in ke ekar ļotak, bōtaab Elder Dushku ekar ba ekar aolep iien jeļā enaaj kar jerbale juon mijen.

“Ekar jab m̧ae iien eo ikar pād ilo mijen eo aō me ikar jino lukkuun meļeļe aiboojoj eo an jerbal in mijenede im ewi jon̄an an kajoor emaron̄ in,” Elder Dushku ekar ba, eo ekar jerbal ilo Portugal Lisbon Mijen eo jān 1986 n̄an 1988. “Ekar lukkuun kōpeļļo̧k māj ko meja n̄an aelōn̄ in kiin̄ eo an Anij im ta meļeļe in.”

Elder Dushku ej tōmak bwe membōr ilo Kabun̄ in ewōr kōjatdikdik kileplep n̄an kōm̧m̧ane juon oktak ilo laļ in.

“Ilo an wōrad maron̄ in dik, eļap meļeļe in kajoor,” eaar ba. “Jej etetal ippān Kraist, jibwe pein doon. Innām jej etetal ippān doon. Kōj make jej erom pā ko pein im ainikien Irooj ilo ļōn̄aj im kōkajoorļo̧k ro jet.”

Alexander Dushku ekar ļotak ilo Nobōm̧ba 17, 1966 eo, n̄an Nicholas im Donna Lee Dushku ilo Fairfield, California, USA. Elder Dushku ekar m̧areik Jennifer Burnham ilo 1988 eo ilo Salt Lake Tampeļ. Ewōr ruwalitōk nejier ajri ro im ruwatimjuon jibwierro.

Elder Dushku ekar bōk juon an bechelor degree ilo economic jān Brigham Young University ilo 1990 eo. Ekar bōk juon juris doctorate jān BYU J. Reuben Clark Law School eo ilo 1993 eo. Ekar jerbal n̄an national public interest law firm eo im kar clerk ilo US Court of Appeal ko n̄an Seventh Circuit m̧okta jān jerbal eo an epaak tata ippān Kirton McConkie law firm eo ilo Salt Lake City, ijo ekar pedped wōt ioon First Ammendment eo an US Constitution im anemkwoj eo an kabun̄.

Elder Dushku ekar jerbal āinwōt juon stake būreejtōn ilo iien eo kar kūr e. Ekar barāinwōt jerbal āinwōt bisop, high ko̧o̧njeļ, rikakpilōklōk ilo bisoprik, im būreejtōn an doulul eo an elder ro.

Būriin