Nuuj ko an Kabun̄ in

Rijilōk ro im Rikanaan ro rej Jerbal in Karejar n̄an Rikwojarjar ro ipeļaakin Laļ in

Ilo Raan in Jeorļo̧k Bōd an Laļ in ilo Juļae eo, Būreejtōn Russell M. Nelson ekar kwaļo̧k juon ennaan kōn jeorļo̧k bōd ilo social media. “Jeorļo̧k bōd ejjab baj kōm̧m̧an juon wōt alen bōtaab ej juon jekjek ej wōnm̧aanļo̧k wōt me ej aikuj wōr kijenmej, jouj, im meļeļe,” ekar ba. “Ejjab aolep iien epidodo n̄an jeorļo̧k bōd an ro me raar kōmetak kōj. Kwomaron̄ bōk kajoor jān Jisōs Kraist.”

Būreejtōn Dallin H. Oaks, Rikakpilōklōk eo Kein Kajuon ilo Būreejtōnji eo Kein Kajuon, ekar libjerjer rūm̧m̧an ded ro aolepān laļ in ilo juon nokon ilo Māe 21 eo n̄an dāpij juon kōļmenļo̧kjeņ indeeo ilo aer jelm̧ae “iien ko reppan” an tōre in.

“Jekdo̧o̧n ta oktak ko ad make ilo kōm̧anm̧an ko rellōn̄ an Jemed ilo Lan̄, E ej iakwe aolepedwōj, im karōk in m̧ōņōņō eo An eweppān ewōr jikin aolep ie,” Būreejtōn Oaks ekar ba. “Jej kwaļo̧k ad iakwe n̄an E ilo ad kōjparok kien ko An, ekoba iakwe n̄an ajri ro Nejin.”

Būreejtōn Henry B. Eyring, Rikakpiļōklōk eo Kein Karuo ilo Būreejtōnji eo Kein Kajuon, ekar kōketak Armej ro Rekwojarjar ilo Raan Ko Āliktata raar pād ilo aje eo an Saratoga Springs Utah Tampeļ ilo O̧kwōj 13 n̄an uwaak kōn tōmak im kajoor n̄an m̧weo ekāāl im̧ōn Irooj.

Ro uwaan Kabun̄ in “kar lelo̧k n̄an er tampeļ in āinwōt juon kakōļļe kōn lōke an Irooj … im lōke eo An bwe [er] renaaj uwaak kōn eļapļo̧k tōmak im kajoor,” Būreejtōn Eyring ekar ba. “Tampel in ej ijo emaron̄ emakijkijļo̧k am̧ atartarļo̧k ioon kajoor ko an bujen ko an tampeļ. E ejeļā būruōmi. E ejeļā ikideelel eo am̧ n̄an ļōn̄aj im n̄an erom armej ro rejim̧we ļo̧k—ejja āinwōt an laļ in ļapļo̧k an iakweleel im nana.”

Ilo an membōr ro kōnono kōn im kwaļo̧k ennaan eo an Jepļaaktok eo, ro jet renaaj en̄jake m̧ool eo kōn naan ko aer, Būreejtōn M. Russell Ballard ekar ba, Ribōk Jikin Būreejtōn eo an Doulul eo an Jon̄oulruo Rijilōk ro. “Men eo ekabwilōn̄lōn̄ eo eļap tata ilo bwebwenato eo an laļ in ekar kōm̧m̧an ilo Bukin Wōjke Ekwojarjar eo,” ekar ba. “Lan̄ ko raar peļļo̧k.”

Kōnono n̄an membōr ro im mijenede ro ilo Toronto, Ontario, ilo Eprōļ eo, Būreejtōn Ballard ekar kwaļo̧k naan in kam̧ool kōn kūr in rikanaan eo an Josep Smith. “Ekar aikuj in juon men eo me ekar lukkun un̄ūrl an—jān ioon bōran n̄an lo̧bden neen—ke ekar ron̄ an Jemedwōj Ilan̄ kūr etan, ‘Josep, En̄in ej Nejū Jitōnbōro. Ron̄jake E!’ [lale Josep Smith—Bwebwenato 1:17]. Ej ennaan eo ad in,” ekar jiron̄ mijenede ro.

Ilo Eprōl, Elder Dieter F. Uchtdorf kar loļo̧k France, Egypt, im Israel. Ekar pād ilo kweilo̧k in kwojkwoj ko ilo Egypt, kar kōnono n̄an rijikuuļ ro ilo Brigham Young University Jerusalem Center eo, im kar loļo̧k jikin ko rekwojarjar.

“Ekar juon en̄jake elem̧ōņōņō jab maron̄ kōmeļeļeik bwe Irooj ekar litok n̄an eō n̄an erom juon iaan rikaļoor ro an ilo iien in,” ekar ba. “Aaet, jej aolep aikuji in erom rikaļoor ro, im jej aikuj in mour ekkar n̄an bujen ko jaar kōm̧m̧ani.

“Bōtaab n̄an pād ilo laļ in n̄an kwaļo̧k kam̧ool āinwōt juon rikaļoor, āinwōt an Rijilōk ro ilo tōre ko etto, ej juon men ej kōmeņāāņ būruō im ej ļōn̄aj eō n̄an jikin ko me jab maron̄ ļōmņak kaki. Im kōn juon en̄jake eļap an ettā, ij en̄jake bwe Irooj ej lōke eō n̄an erom juon rikam̧ool kōn E im Etan. Ej juon lan̄lōn̄ n̄an etetal ijo Rijilōk ro m̧ōttad raar mour im etetal ie.”

Elder David A. Bednar ekar aje m̧weo kar kōkāāle im̧ōn Joseph im Emma Smith ilo Kirtland, Ohio, ilo O̧kwōj 26. Elder Bednar ekar jiron̄ juon kumi enan̄in 300 armej ro, ekoba riutiej ro an jukjuk in pād im ritōl ro an kabun̄: “Im̧win eļapļo̧k jān juon em̧ eo ekaitoktok limo bwebwenato eo an. M̧win ekar ilo m̧ool m̧weo im̧ōn Josep Smith im Emma Smith—jikin eo ijo raar mour ippān doon ium̧win juon tōre eto m̧okta jān mej eo an Josep.”

Elder Quentin L. Cook ekar kōnono ilo Kweilo̧k eo an University eo iiō otmejeļo̧k ilo Brigham Young University ilo O̧kwōj eo. Ekar kile bwe ritijem̧ļo̧k ro kōn kekemo̧o̧j in kōļmenļo̧kjeņ raar elmakote bwe jerbale juon mijen ej letok juon jekjek in kekemo̧o̧j n̄an katak bwe ej juon kōppopo n̄an jeļāļo̧kjeņ eutiejļo̧k.

Elōn̄ļo̧k jān ruo-m̧ōttan-jilu in rijikuuļ in BYU raar jerbali mijen ko Eldder Cook ekar ba. “Pedped ioon semester, bwe elōn̄ļo̧k jān 21,000 mijenede ro raar ro̧o̧l. Ļōmņak kōn kajoor eo me rijikuuļ in BYU rein raar bōkļo̧k aolepān laļ in. Juon ilo̧k juon, ļōmņak kōn ekōjkan an en̄jake in mijen ko aer kōkajoorļo̧k mejatoto in katak ilo campus in.”

Ilo juon iien loļo̧k n̄an New Zealand im Australia ilo Māe eo, Elder D. Todd Christofferson ekar kajjitōk ippān Armej ro Rekwojarjar ilo Raan Ko Āliktata ilo New Zealand n̄an m̧aanjabpopo n̄an aje eo an Auckland Tampeļ ilo 2024 kōn kōļapļo̧k kōkwojarjar im āinwōt Kraist.

Ekar kajjitōk ippāer n̄an kajjitikin er make, “Ta eo imaron̄ kōm̧m̧ane me enaaj kōm̧m̧ane bwe in juon armej ekwojarjarļo̧k, juon katok em̧m̧anļo̧k im menin leļo̧k kōn n̄a make n̄an leļo̧k n̄an Irooj ilo raan in aje eo?”

Elder Neil L. Andersen ekar kam̧ool kōn Jisōs Kraist ilo juon ijjitōn ilo Jeptōm̧ba eo n̄an Asia. “En̄jake ko aō āinwōt juon Rijilōk an Irooj ekar letok n̄an eō juon kam̧ool bwe Jisōs ej RiKraist eo im bwe E ej tōl jerbal eo An ioon laļ in kōn rikanaan eo An im kōn Rijilōk ro An,” ekar ba. Elder Andersen ekar pād ilo Asia North Eria eo an Kabun̄ in n̄an kweilo̧k ippān im jerbal in karejar n̄an Armej ro Rekwojarjar ilo Raan Ko Āliktata ilo Korea, Mongolia, im Japan.

Ilo Eprōļ 22 eo Elder Ronald A. Rasband ekar kweilo̧k ippān deputy būreejtōn eo an South Africa, Paul Mashatile, rikien eo kein karuo n̄an būreejtōn eo an South Africa. Menin ej kakōļļeik iien eo im̧aan tata in an juon ritōl an Kabun̄ in kar kweilo̧k ippān juon rijerbal in kien eo eutiej tata ilo South Africa.

Ritōl ro raar kejekļo̧kjeņ kōn jet iaan wāween ko me Kabun̄ in ekar jipan̄ kōmeraik en̄taan an armej im leļo̧k kajoor n̄an armej in South Africa ro, leļo̧k dettan in R240 milieņ (elōn̄ļo̧k jān $13 milien) aorōk in jipan̄ ko jān kar 2018. Menin leļo̧k ko raar jān kein jipan̄ jorrāān eļap ko n̄an rie jerbal ko an jikin jerbal an jodikdik ro, jerbal in jipan̄ būrookraam̧ ko an jikin kallib, im kein jipan̄ bōbrae kakkure pedped ioon kadkad in m̧aan ak kōrā.

Elder Rasband ekar ba ekar kōjatdikdik bwe kijejeto kein raar kwaļo̧k bwe Kabun̄ in ej “pād wōt ijin n̄an jipan̄. Jej kōm̧m̧ane menin n̄an ļoor kien ko ruo reļļap an Irooj: n̄an iakwe Anij im iakwe ro rūturid.”

Ilo juon iien loļo̧k ilo Jeptōm̧ba eo n̄an Iceland, Scotland, im England, Elder Gary E. Stevenson ekar kōmejajaik aikuj eo n̄an Armej ro Rekwojarjar ilo Raan Ko Āliktata n̄an erom “juon wōt ilo bōro im juon wōt ilo ļōmņak” (Moses 7:18) kōn “mour pedped ioon Jisōs Kraist,” kōm̧m̧ane aolep men jemaron̄e n̄an ļoor E. Ippānļo̧k lio pāleen, Lesa, Elder Stevenson eaar loļo̧k Reykjavik, Iceland, ilo Jeptōm̧ba 7 m̧o̧kta jān jibadōkļo̧k Edinburgh, Scotland, im Northampton, England, ilo Jeptōm̧ba 9–10.

Ilo juon nokon ilo Marriott Center ilo Brigham Young Univeristy Educaiton Week eo ilo O̧kwōj 22 eo Elder Dale G. Renlund ekar leļo̧k juon kwaļo̧k em̧wilaļ kōn ekōjkan an watwate, meļeļe, im tōmak jerbal ippān doon n̄an kapidodoik revelesōn. Kōn er wōt make, watwate, meļeļe, im tōmak maron̄ jab kōjatdikdik ioer, Elder Renlund ekar katakin. Men kein jilu rej aikuj jerbal ippān doon.

“Tōmak ‘ejjeļo̧k jerbal’ [Jemes 2:20] ejjamin naaj ļapļo̧k kōn e make. Tōmak enaaj eddōkļo̧k wōt kōn watwate im meļeļe, koba ippān jerbal in jetōb ko jet. Ilo kakkobaba, watwate, meļeļe, im tōmak emakijkij aer jab wōt men ko aikuj m̧oktaļo̧k n̄an bōk revelesōn eo an juon make ak n̄an meļeļe revelesōn jab eo.”

Ilo Juun 15 eo, Elder Gerrit W. Gong ekar kweilo̧k ippān His Eminence Sheik Osman Nuhu Sharubutu, National Chief Imam im Grand Mufti eo an Republic of Ghana. Kweilo̧k eo ekar bōk jikin ilo jikin jokwe eo an Grand Mufti ilo Accra.

Elder Gong ekar kwaļo̧k wāween an Kabun̄ eo an Jisōs Kraist im Armej ro Rekwojarjar ilo Raan Ko Āliktata kaorōk ro jined im jemed m̧oktata, Adam im Iv, ejja āinwōt Muslim ro: “Kōmij, barainwōt, tōmak bwe jej itok jān juon wōt jined im jemed im mour ilo jokkun wōt juon āinwōt juon baam̧le.” Elder Gong ekar ba bwe jej tōl jān juon rikanaan an Anij, Būreejtōn Russell M. Nelson, eo katak ko an reierļo̧k wōt ko an Imam. “Rikanaan eo am ej katakin kōm n̄an kōm̧m̧an bwe Anij en anjo̧, ej katakin bwe kōmij aikuj aolep erom rikōm̧m̧an aenōm̧m̧an ro, ej katakin bwe kōmij aikuj jipan̄ jodikdik ro am bōk jeļāļo̧kjeņ im kaminene bwe ren maron̄ ļee ilo mour, im ej katakin kōm n̄an kōmaron̄ kōrā ro im diktak in epepen eo am. Men kein rej aolep men ko ikar ron̄ jān kwe rainin.”

Elder Ulisses Soares ekar kōm̧m̧ane juon iaļ 10 raan ko n̄an Chile, Uruguay, im Argentina ilo Juun eo. Iien eo an ilo Argentina ekar kōjemļo̧k kōn juon kōnono ilo juon kweilo̧k an kobaik in kabun̄ ko, juon intōrpiu ippān juon rikōm̧m̧an nuuj ebun̄bun̄ ilo Argentina, im jerbal in karejar n̄an membōr ro an Kabun̄ in.

“Aenōm̧m̧an ej ijjino kōn kautiej n̄an jej uwaan ko an kajjojo armej,” Elder Soares ekar jiron̄ ro raar kuk ippān doon n̄an World Congress of Iterreligious im Intercultural Dialogue ilo Beunos Aires. “Katak eo kōn kautiej an armej emaron̄ in okoktak jān m̧anit n̄an m̧anit, bōtaab jerbal ko an rej jokkun wōt juon ilo juon laļ eo epidodo an oktak im ej okoktak. Jim̧we ko an armej rej kapidodoik kōm̧akūtļo̧k jorrāān ko an kalijōklo̧k ko jim̧we, m̧weie, im iien eo em̧m̧an. Im jim̧we ko rej aikuj in kōjerbali jān aolep ilo aolep jekjek.”