“Pōpoaki Faka-Kilisimasi ʻa e Kau Palesitenisī ʻUluakí,” Liahona, Tīsema 2023.
Pōpoaki Faka-Kilisimasi ʻa e Kau Palesitenisī ʻUluakí
ʻOku faʻa hoko fakataha ʻa e faʻahitaʻu Kilisimasí mo e foaki ʻo e ngaahi meʻaʻofá. Ko e ngaahi meʻaʻofa lelei tahá ʻa ē ʻoku foaki mai ʻe heʻetau Tamai Hēvani ʻofá mo hotau Fakamoʻui ko Sīsū Kalaisí. ʻOku fakafaingamālieʻi ʻa e ngaahi meʻaʻofa ko ʻení koeʻuhí naʻe āfeitaulalo ʻa Sihova ke hāʻele mai ki he māmaní ko e pēpē ko Sīsuú. Naʻe ʻaloʻi ia ʻi ha Tamai taʻe-faʻa-mate mo ha faʻē fakamatelie. Naʻe ʻaloʻi ia ʻi Pētelihema ʻi he ngaahi tūkunga maʻulalo tahá. Ko Ia ʻa e ʻaloʻi māʻoniʻoni naʻe tomuʻa kikiteʻi ʻe he kau palōfitá talu mei he kuonga ʻo ʻĀtamá. Ko Sīsū Kalaisi ʻa e meʻaʻofa fisifisimuʻa ʻa e ʻOtuá—ko e meʻaʻofa ʻa e Tamaí ki he kotoa ʻo ʻEne fānaú (vakai, Sione 3:16). ʻOku tau fakamanatua fiefia ʻa e ʻaloʻi ko iá ʻi he faʻahitaʻu Kilisimasi takitaha.
Naʻe ueʻi ʻe he ʻofa taʻe-fakangatangata mo haohaoa ʻa e Fakamoʻuí ke Ne fakalelei maʻá e fānau kotoa ʻa e ʻOtuá. ʻOku fakaʻatā ʻe he meʻaʻofa ko iá—ʻa e Fakalelei ʻa Sīsū Kalaisí—ke tau maʻu kotoa ʻa e toenga ʻo ʻEne ngaahi meʻaʻofá.
ʻOku mau fakamoʻoni ʻoku moʻui ʻa e ʻOtuá! Ko Sīsū ʻa e Kalaisí—ko e Mīsaiá. Ko Hono Siasí ʻa e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, ʻa ia ʻokú Ne tatakí.
Kau Palesitenisī ʻUluakí