ʻOku ʻi Heni ʻa e Siasí

Seni Hōsei, Kositā Lika

Ko e kolomuʻa fakafonua ʻo Kositā Lika, Seni Hōseí, ʻoku tuʻu ia ʻi he Teleʻa Lotolotó, ʻo ʻātakaiʻi ʻe ha ʻotu moʻunga mo ha ngaahi moʻunga afi. Naʻe tūʻuta ʻa e kau fuofua faifekau mei he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi Kositā Lika ʻi he 1946. ʻI he ʻaho ní, ʻoku maʻu ʻe he Siasí ʻi Kositā Lika ha:

• (fakafuofua ki ha) kāingalotu ʻe toko 52,000

• siteiki ʻe 10, ngaahi uooti mo e kolo ʻe 78, misiona ʻe 2

• temipale ʻe 1 ʻi Seni Hōsei

Mohu Founga ʻi Hono Ako ʻo e Ongoongoleleí

ʻI Heletia, fakatokelau ʻo Seni Hōseí, naʻe ako fakafāmili ai ʻe Selemī mo ʻEsitefānia Pelenitalisi mo hona fohá ʻa e ongoongoleleí. ʻOku pehē ʻe ʻEsitefānia, “ʻOku longomoʻui ʻaupito homa fohá, pea ʻoku faingofua ke tohoakiʻi ʻene tokangá. ʻOku tokoni ʻa e ngaahi fakatātaá, vitioó, toutou lea ʻaki ʻo e ngaahi kupuʻi leá, mo e vaʻinga keimí ke ne ako. Kuo hoko ʻeni ʻa e foʻi lea Sīsuú ko e foʻi lea ʻokú ne saiʻia taha aí.”

Ngaahi meʻa lahi ange fekauʻaki mo e Siasí ʻi Kositā Liká.

• ʻOku tukupā ha finemui mei Kositā Lika ke tauhi ʻene ngaahi fuakavá, ʻo tatau ai pē pe ko e hā ʻe hokó.

• Neongo ʻa e mole ʻa e meʻa kotoa pē ʻi ha tāfea fakalilifu, ka ʻoku ʻilo ʻe ha fāmili Kositā Lika ʻoku nau kei maʻu pē ʻa e meʻa kotoa ʻoku mahuʻinga tahá.

• ʻI he taimi Kilisimasi ʻi Kositā Liká, ʻoku vahevahe ai ʻe ha fāmili e fiefia ʻo e foakí mo e kau faifekaú.

• ʻOku vahevahe ʻe ha tangata lahi kei talavou mei Kositā Lika ʻene ngaahi fakakaukau fekauʻaki mo hono ikunaʻi ʻo e ongonoa fakalaumālié.

• ʻOku ʻeti ha tokotaha kalate mei Kositā Lika ʻi ha filimi ʻa e Siasí.

ʻOku fakaʻaongaʻi ʻe ha faʻē mo ha tamai ʻi Kositā Lika ha ngaahi maʻuʻanga tokoni fakaʻilekitulōnika mei he Siasí ke akoʻi ʻaki ʻena fānau fefiné.

Ko e fetaulaki ʻa ʻEletā Teili G. Lenilani mo hono uaifi ko Luté mo ha kau fakafofonga mei ha ngaahi tui fakalotu kehekehe, ʻi ha fakatahaʻanga ʻo e tauʻatāina fakalotu fakavahaʻapuleʻangá ʻi Kositā Lika ʻi he 2017.

Hangē ko e Kāingalotu ʻo e Siasí ʻi he funga ʻo e māmaní, ʻoku maʻu ʻe he toʻu tupu ʻi Kositā Liká ha ongo fakakaungāmeʻa mo ha mālohii fakalaumālie mei heʻenau ō fakataha ki he ngaahi kalasi Lautohi Faka-Sāpaté.

ʻOku tokoni foki ki he Kāingalotú ʻa e fanongo ki he ngaahi malanga mo e tataki fakalaumālie ʻi he ngaahi fakatahaʻanga ʻa e Siasí ʻi Kositā Liká ke nau nofo ʻo ofi kia Sīsū Kalaisi.

Lolotonga ha ʻaʻahi ʻa ʻEletā ʻUlise Soālesi ki Kositā Lika ʻi he 2020, naʻá ne lulululu ai mo e palesiteni ʻo e falealea ʻo e fonuá.

Ko e lue fakataha ʻa ha fāmili ʻi Kositā Lika ki ʻapi hili ʻenau maʻulotú.

Ko e ʻaʻahi ʻa ha fāmili ki he Temipale San José Costa Rica.